Si mund të të ndihmojë WhatsApp të qëndrosh në lidhje gjatë pandemisë së koronavirusit (COVID-19)
Bizneset lokale
Si anëtarë të komuniteteve të cilëve u shërbeni, menaxhimi i biznesit mund të jetë më i vështirë se zakonisht gjatë kësaj periudhe izolimi dhe pasigurie të lartë. Lidhu me klientët e tu në WhatsApp - i njëjti mjet që ata përdorin për të qëndruar pranë shokëve dhe familjes.
Përdore WhatsApp me përgjegjësi gjatë lidhjes me klientët e tu. Komuniko vetëm me përdoruesit që i njeh dhe ata që dëshirojnë të marrin mesazhe nga ti, kërkoju klientëve të ruajnë numrin tënd të telefonit në librin e adresave dhe shmang dërgimin e mesazheve të automatizuara ose promocionale drejt grupeve. Mosrespektimi i këtyre praktikave të mira të thjeshta mund të shkaktojë ankesa nga përdoruesit e tjerë dhe ndoshta një bllokim të llogarisë.
Për të menaxhuar sa më mirë pyetjet e shumta, për të prezantuar informacione të dobishme në profilin tënd të biznesit dhe për të ndarë detaje rreth shërbimeve të tua në katalog, ne rekomandojmë të përdorësh aplikacionin WhatsApp Business, i cili mund të shkarkohet falas. Kliko këtu për një udhëzim hap pas hapi se si të përdorësh aplikacionin WhatsApp Business. Nëse të duhet ta zhvendosësh llogarinë tënde nga WhatsApp Messenger tek aplikacioni WhatsApp Business, kliko këtu.
Shkarko për telefonin tënd
Qëndro në lidhje me klientët e tu
Krijo një lidhje të shkurtër që klientët të mund ta përdorin për të filluar një bisedë në WhatsApp me ty. Ndaje lidhjen nëpërmjet emailit, sajtit tënd të uebit, faqes së Facebook ose çdo kanali tjetër që përdor shpesh.
Ndaj orarin aktual të punës
Sigurohu që klientët e tu të jenë në dijeni të çdo ndryshimi të orareve të tua të punës. Përdor profilin tënd të biznesit për të shfaqur ditët dhe oraret kur biznesi yt është i hapur.
Jep përditësime të rregullta për disponueshmërinë e produkteve
Ndaj në kohë reale me klientët e tu se çfarë është e disponueshme. Përdor grupet për t'u lidhur me klientët e tu kryesorë dhe përditëso katalogun tënd që klientët të mund të shohin me lehtësi se çfarë ka në gjendje.
Organizo konsulta në distancë
Përdor telefonata me video dhe telefonata zanore të enkriptuara për t'u lidhur me klientët dhe ofro të njëjtin shërbim që ata janë mësuar të marrin personalisht.
Bëji më efektive marrjet dhe dorëzimet e porosive
Ndërkohë që trafiku i vizitorëve dhe vizitat në dyqan bien, marrjet e porosive në dyqan dhe dorëzimet në vendndodhjen e klientit mund të rriten. Aktivizo veçorinë e vendndodhjes së drejtpërdrejtë në WhatsApp kur i afrohesh një adrese dorëzimi. Kjo veçori ndan vendndodhjen tënde me klientët dhe siguron një shkëmbim të shpejtë dhe të thjeshtë.
Ftoji klientët brenda në dyqanin tënd
Je mësuar që klientët të kënaqen sa herë që vizitojnë dyqanin tënd? Ofroju një vizitë virtuale me një përditësim statusi.
Qëndro në lidhje me punonjësit e tu
Përdor grupet dhe telefonatat me video në grup për të bashkëpunuar në distancë.
Nëse ke ndonjë pyetje në lidhje me Qendrën e informacioneve të WhatsApp rreth koronavirusit, na kontakto.