Más oideoir scoile nó ollscoile thú, smaoinigh faoi WhatsApp a úsáid le dul i dteagmháil le d'fhoghlaimeoirí má tá aon chur isteach ar an scolaíocht i gceist.*
Bí freagrach agus tú ag baint feidhm as WhatsApp chun dul i dteagmháil le do chuid custaiméirí. Ná déan cumarsáid ach amháin le húsáideoirí a bhfuil aithne agat orthu nó atá sásta teachtaireachtaí a fháil uait, iarr ar chustaiméirí d'uimhir ghutháin a shábháil ina leabhar seoltaí, agus ná seol teachtaireachtaí uathoibrithe nó promóisin chuig grúpaí. Má theipeann ort na dea-chleachtais shimplí sin a leanúint, b'fhéidir go bhfaighidh tú gearáin ó úsáideoirí eile nó fiú go gcuirfear bac ar do chuntas.
Ma tá tú i d'úsáideoir nua WhatsApp, cliceáil anseo chun treoir céim ar chéim a fháil ar conas cúrsaí a chur chun siúil.
Mura bhfuil uimhreacha gutháin foghlaimeoirí agat cheana féin, cruthaigh nasc uilíoch a mbeidh na foghlaimeoirí ábalta é a úsáid le comhrá príobháideach WhatsApp a thosú leat. Comhroinn an nasc trí ríomhphoist, ar do leathanaigh Facebook, nó ar aon bhealach neamh-phoiblí eile.
Comhroinn ceachtanna mar théacs agus teachtaireachtaí béil. Éascaigh comhráite idir foghlaimeoirí, faoi mar a dhéanfá dá mbeifeá féin i láthair, trí ghrúpa a chruthú do gach rang.
Bain feidhm as liostaí craolta chun obair bhaile a thabhairt do líon mór foghlaimeoirí in aon dreas amháin. Ní bhfaighidh ach teagmhálaithe a bhfuil d'uimhir stóráilte ina leabhar seoltaí féin acu do theachtaireachtaí craolacháin. Is tusa amháin a bhfaighidh na freagraí, mar sin is féidir le foghlaimeoirí tascanna críochnaithe a sheoladh ar ais chugat.
Cur deiseanna foghlama ar fáil i bhfíor-am le guthghlaonna agus físghlaonna grúpa.
Tabhair spléachadh ar an obair a dhéanann tú sa chúlra gach lá trí nuashonruithe stádais a phostáil.
Úsáid WhatsApp ar an nGreásán le líon ard teachtaireachtaí WhatsApp a bhainistiú go sciobtha agus go héifeachtúil ó do dheasc.
*Níl WhatsApp le húsáid ach amháin i gcomhréir leis na dlíthe is infheidhme agus Téarmaí Seirbhíse WhatsApp, an aois íosta ag a gceadaítear feidhm a bhaint as ár gcuid seirbhísí san áireamh. Ná spreag d'fhoghlaimeoirí ná do dhaoine eile WhatsApp a úsáid má tá siad níos óige ná an aois íosta atá de dhíth leis an tseirbhís a úsáid, agus ná áitigh ar fhoghlaimeoirí go gcaithfidh siad WhatsApp a úsáid ach oiread.
Má bhíonn aon cheist agat faoi Mhol Faisnéise WhatsApp maidir leis an gCoróinvíreas, déan teagmháil linn.
