நீங்கள் பள்ளி ஆசிரியராக இருந்தாலும், கல்லூரி ஆசிரியராக இருந்தாலும், பள்ளிக் கல்வியில் ஏதேனும் இடையூறு ஏற்படும்போது WhatsApp மூலம் உங்கள் மாணவர்களுடன் தொடர்பில் இருக்க முயலுங்கள்.*
உங்கள் மாணவர்களுடன் தொடர்புகொள்ளும்போது, WhatsApp-ஐப் பொறுப்புணர்வுடன் பயன்படுத்துங்கள். உங்களுக்குத் தெரிந்த மற்றும் உங்களிடமிருந்து தகவல்களைப் பெற விரும்புகின்ற நபர்களுக்கு மட்டுமே தகவல் அனுப்பிடுங்கள். உங்கள் கைபேசி எண்ணைத் தங்களின் முகவரிப் புத்தகத்தில் சேமித்து வைத்துக் கொள்ளுமாறு அவர்களிடம் கேட்டுக் கொள்ளுங்கள். மேலும் தானியங்குத் தகவல்கள் அல்லது விளம்பரத் தகவல்களை குழுக்களில் பகிர வேண்டாம். இந்த எளிமையான சிறந்த நடைமுறைகளைப் பின்பற்றாமல் இருப்பது, பிற பயனர்களின் புகார்களுக்கு வழிவகுத்து கணக்கைத் தடை செய்யும் படி செய்துவிடலாம்.
WhatsAppக்கு நீங்கள் புதியவர் எனில், எவ்வாறு தொடங்குவது என்பது குறித்த படிப்படியான வழிகாட்டலுக்கு இங்கே கிளிக் செய்க.
மாணவர்களின் மொபைல் எண்கள் உங்களிடம் இல்லாத பட்சத்தில், அவர்கள் உங்களுடன் அரட்டையைத் தொடங்குவதற்குப் பயன்படுத்தும் வகையில் ஒரு பொதுவான இணைப்பை உருவாக்கிடுங்கள். உங்கள் மின்னஞ்சல், இணையதளம், Facebook பக்கம் அல்லது அடிக்கடி பயன்படுத்துகின்ற பிற பொதுவானதல்லாத தொடர்பு ஊடகங்களின் மூலம் இணைப்பைப் பகிர்ந்திடுங்கள்.
உரை வடிவிலும் குரல் மெசேஜ்கள் வடிவிலும் பாடங்களைப் பகிர்ந்திடுங்கள். ஒவ்வொரு வகுப்புக்கும் ஒரு குழுவை உருவாக்குவதன் மூலம் நேரடியாகக் கலந்துரையாடுவதைப் போன்று மாணவர்களுக்கிடையே கலந்துரையாடிடுங்கள்.
ஒரே நேரத்தில் ஒன்றுக்கு மேற்பட்ட மாணவர்களுக்கு வீட்டுப் பாடங்களை அனுப்ப, பிராட்காஸ்ட் பட்டியல்களைப் பயன்படுத்துங்கள். தங்கள் கைபேசியின் முகவரிப் புத்தகத்தில் உங்களை ஒரு தொடர்பாகச் சேர்த்துள்ள நபர்கள் மட்டுமே உங்களின் பிராட்காஸ்ட் தகவலைப் பெறுவர். அதற்கு அளிக்கப்படும் பதில்கள் உங்களை மட்டுமே வந்தடையும் என்பதால் வீட்டுப் பாடங்களை முடித்த பின்னர் அவர்கள் உங்களுக்குத் தனிப்பட்ட முறையில் அனுப்ப முடியும்.
குழு குரல் அழைப்புகள் மற்றும் காணொலி அழைப்புகள் மூலம் நிகழ்நேரக் கற்றல் வாய்ப்புகளை வழங்குங்கள்.
ஸ்டேட்டஸ் புதுப்பிப்புகளை இடுகையிடுவதன் மூலம் நாளின் சுவாரஸ்யமான தருணங்களைப் பகிர்ந்து கொள்ளுங்கள்.
பெரும் எண்ணிக்கையிலான WhatsApp தகவல்களை விரைவாகவும் செயல்திறனுடனும் நிர்வகிப்பதற்கு WhatsApp Web பயன்படுத்திடுங்கள்.
*WhatsApp, பொருந்தக்கூடிய சட்டங்கள் மற்றும் WhatsApp சேவை விதிமுறைகளுக்கு இணக்கமான பயன்பாட்டிற்கானது மட்டுமே. இதில் எங்கள் சேவைகளைப் பயன்படுத்துவதற்குத் தேவையான குறைந்தபட்ச வயதும் அடங்கும். குறைந்தபட்ச வயதுத் தேவையைப் பூர்த்தி செய்யாத மாணவர்களையோ மற்றவர்களையோ WhatsApp பயன்படுத்தும்படி ஊக்குவிக்கக்கூடாது. மேலும் WhatsApp பயன்படுத்தும்படி மாணவர்களைக் கட்டாயப்படுத்தக்கூடாது.
WhatsApp கொரோனா வைரஸ் தகவல்கள் மையம் தொடர்பான கேள்விகள் இருந்தால் எங்களைத் தொடர்புகொள்ளவும்.
