WhatsApp Business ॲप वापरण्यास सुरुवात कशी करावी
WhatsApp Business ॲप डाउनलोड करणे आणि सेटअप करणे
1. WhatsApp Business ॲप डाउनलोड करून लाँच करा: WhatsApp Business ॲप Google Play स्टोअर आणि Apple App स्टोअर वर मोफत डाउनलोड करता येते. तुमच्या होम स्क्रीनवरील WhatsApp Business आयकॉनवर टॅप करा.
2. सेवाशर्ती पुन्हा तपासा: WhatsApp Business सेवाशर्ती वाचा, आणि नंतर सेवाशर्तींचा स्वीकार करण्यासाठी, सहमती आहे आणि पुढे सुरू ठेवा वर टॅप करा.
3. नोंदणी करा: तुमचा कंट्री कोड जोडण्यासाठी ड्रॉप डाऊन लिस्ट मधून तुमचा देश निवडा, नंतर तुमचा फोन नंबर आंतरराष्ट्रीय फोन नंबर फॉरमॅट नुसार एंटर करा. पूर्ण झाले किंवा पुढे वर टॅप करा आणि नंतर एसएमएस किंवा फोन कॉलवरून तुमचा ६ अंकी नोंदणी कोड मिळवण्यासाठी ठीक आहे वर टॅप करा. नोंदणी पूर्ण करण्यासाठी तुमचा ६ अंकी नोंदणी कोड एंटर करा. तुमच्या फोन नंबरची नोंदणी करण्यासाठी या लेखात अधिक जाणून घ्या.
4. तुमच्या संपर्क आणि फोटोंना ॲक्सेस करण्याची अनुमती द्या: तुमच्या फोनच्या ॲड्रेस बुक मधून WhatsApp Business ॲप मध्ये संपर्क जोडता येऊ शकतात. तुम्ही तुमच्या फोनवरील फोटो, व्हिडिओज आणि फाइल्स हे देखील ॲक्सेस करण्याची अनुमती देऊ शकता.
5. खाते तयार करा: तुमच्या बिझनेसचे नाव भरा, बिझनेस कॅटेगरी निवडा आणि प्रोफाइल फोटो निवडा.
6. तुमचे बिझनेस प्रोफाइल तयार करा: एक्सप्लोर करा > बिझनेस प्रोफाइल वर टॅप करा. इथे तुम्ही तुमच्या बिझनेसचा पत्ता, बिझनेसबद्दल माहिती, कामाचे तास आणि यासारखी इतर बिझनेस संदर्भातली महत्त्वपूर्ण माहिती जोडू शकता.
7. चॅट सुरू करा. तुमचे बिझनेस प्रोफाइल आता सेट झाले आहे. 
किंवा 
वर टॅप करा आणि मेसेज करण्यासाठी संपर्क शोधा किंवा निवडा. मजकुरासाठी असलेल्या जागेत तुमचा मेसेज एंटर करा. नंतर, 
किंवा 
वर टॅप करा.
WhatsApp Business टूल्स एक्सप्लोर करा
WhatsApp Business ॲपमध्ये तुम्हाला तुमचा बिझनेस उत्तमरीत्या चालवण्यात मदत करणारी अनेक टूल्स आहेत. ही टूल्स एक्सप्लोर करण्यासाठी तुमच्या चॅट स्क्रीनवर जा. Android वर अधिक पर्याय
किंवा iPhone वर सेटिंग्ज वर टॅप करा. नंतर, बिझनेस टूल्स वर टॅप करा.
- शॉर्ट लिंक: नवीन ग्राहकांना तुमच्याशी जोडले जाणे सोपे करा. नव्या ग्राहकांना तुमच्या बिझनेसला मेसेज पाठवता यावा यासाठी आपोआप जनरेट झालेली शॉर्ट लिंक शेअर करा. Android किंवा iPhone वर शॉर्ट लिंक्स कशी वापरायच्या ते जाणून घ्या.
- मेसेजिंग टूल्स: महत्त्वाची संभाषणे आगाऊ तयार करण्यासाठी WhatsApp मेसेजिंग टेम्प्लेट्स वापरा. नव्या ग्राहकांशी संवाद साधण्यासाठी ऑटोमेटेड स्वागत संदेश तयार करा. तुम्हाला उत्तर द्यायला वेळ होत नसेल तर 'व्यस्तता संदेश' सेट करा किंवा वारंवार विचारल्या जाणाऱ्या प्रश्नांची उत्तरे देण्यासाठी 'तात्काळ प्रत्युत्तरे' सेट करा. मेसेजिंग टूल्सविषयी अधिक माहितीसाठी खालील लेख वाचा:
- लेबल: “नवीन ग्राहक” किंवा “पेंडिंग ऑर्डर्स” सारख्या उपयुक्त कॅटेगरीज मध्ये तुमची ग्राहकांसोबत झालेली संभाषणे क्रमवार लावा. Android किंवा iPhone वर लेबल कशी वापरायची ते जाणून घ्या.