WhatsApp Business செயலியை எவ்வாறு பயன்படுத்துவது?

WhatsApp Business செயலியைத் தரவிறக்கி அமைத்தல்

1. WhatsApp Business செயலியைத் தரவிறக்கிவிட்டு, அதைத் திறக்கவும்: WhatsApp Business செயலியை Google பிளே ஸ்டோர் மற்றும் Apple App Store இல் இலவசமாகத் தரவிறக்கிக் கொள்ளலாம். முகப்புத் திரையில் WhatsApp Business ஐகானைத் தட்டவும்.

2. சேவை விதிமுறைகளைப் படிக்கவும்: WhatsApp Business சேவை விதிமுறைகளைப் படித்து, அவற்றை ஏற்பதற்கு 'ஒப்புதலளித்து தொடரவும்' என்பதைத் தட்டவும்.

3. பதிவு செய்யவும்: உங்கள் நாட்டின் குறியீட்டைச் சேர்ப்பதற்கு, பட்டியலில் இருந்து உங்கள் நாட்டைத் தேர்ந்தெடுத்து பிறகு, சர்வதேச மொபைல் எண் வடிவமைப்பில் உங்கள் மொபைல் எண்ணை உள்ளிடவும். அதன் பின்பு, முடிந்தது அல்லது அடுத்து என்பதைத் தட்டி, SMS வழியாகவோ கைபேசி அழைப்பின் வழியாகவோ 6 இலக்கக் குறியீட்டைப் பெறுவதற்கு, சரி என்பதைத் தட்டவும். பதிவு செய்தலை முடிப்பதற்கு, 6 இலக்கக் குறியீட்டை உள்ளிடவும். உங்கள் கைபேசி எண்ணை எவ்வாறு பதிவுசெய்வது என்பது குறித்து தெரிந்துகொள்ள இந்தக் கட்டுரையைப் படிக்கவும்.

4. தொடர்புகள் மற்றும் புகைப்படங்களுக்கான அணுகலை அனுமதிக்கவும்: உங்கள் மொபைலின் தொடர்புப் புத்தகத்தில் இருந்து WhatsApp Business செயலியில் தொடர்புகளைச் சேர்த்துக் கொள்ளலாம். உங்கள் மொபைலில் உள்ள புகைப்படங்கள், காணொலிகள் மற்றும் கோப்புகளை அணுகுவதற்கான அனுமதியையும் நீங்கள் வழங்கலாம்.

5. கணக்கை உருவாக்கவும்: உங்கள் பிசினஸின் பெயரை உள்ளிட்டு, பிசினஸ் வகையைத் தேர்ந்தெடுத்து, சுயவிவரப் படத்தைத் தேர்வு செய்யவும்.

6. உங்கள் பிசினஸ் விவரத்தை உருவாக்கவும்:உலாவு > பிசினஸ் விவரம் என்பதைத் தட்டவும். பிசினஸ் முகவரி, விவரம், வேலை நேரம் மற்றும் இன்னும் பல முக்கியமான பிசினஸ் தகவல்களை நீங்கள் இங்கே சேர்க்கலாம்.

7. அரட்டையைத் தொடங்கவும். உங்கள் பிசினஸ் விவரம் அமைக்கப்பட்டுவிட்டது. அல்லது -ஐத் தட்டி, தகவலைத் தேடவும் அல்லது தொடர்பைத் தேர்ந்தெடுக்கவும். உரைப் புலத்தில் உங்கள் செய்தியை உள்ளிடவும். பிறகு, அல்லது -ஐத் தட்டவும்.

WhatsApp Business கருவிகளைப் பயன்படுத்துதல்

உங்கள் பிசினஸைத் திறம்பட நடத்துவதற்குத் தேவையான உதவிகரமான பல கருவிகள் WhatsApp Business செயலியில் உள்ளன. இந்தக் கருவிகளைப் பார்ப்பதற்கு, அரட்டைகள் திரைக்குச் செல்லவும். Android-இல் மேலும் விருப்பங்கள் அல்லது iPhone-இல் அமைப்புகள் என்பதைத் தட்டவும். அதன் பிறகு, பிசினஸ் கருவிகள் என்பதைத் தட்டவும்.

• கேட்டலாக்: தயாரிப்புகளையும் சேவைகளையும் உங்கள் பிசினஸ் கணக்கில் காட்சிப்படுத்திப் பகிர்ந்திடுங்கள். Android அல்லது iPhone இல் கேட்டலாகை எவ்வாறு உருவாக்குவது என்பதைத் தெரிந்து கொள்ளுங்கள்.

• குறு இணைப்பு: புதிய வாடிக்கையாளர்கள் உங்களுடன் இணைவதை எளிதாக்குங்கள். வாடிக்கையாளர்கள் உங்கள் பிசினஸுக்குச் செய்தியனுப்ப உதவும் வகையில் தானாக உருவாக்கப்படும் குறு இணைப்பை அவர்களுடன் பகிர்ந்திடுங்கள். Android அல்லது iPhone இல் குறு இணைப்புகளை எவ்வாறு பயன்படுத்துவது என்பதைத் தெரிந்து கொள்ளுங்கள்.
• தகவல் அனுப்பும் கருவிகள்: முக்கியமான உரையாடல்களை முன்கூட்டியே சேமித்து வைத்துக் கொள்வதற்கு WhatsApp தகவலனுப்பும் டெம்ப்ளேட்டைப் பயன்படுத்துங்கள். புதிய வாடிக்கையாளர்களுடன் உரையாடுவதற்கு, தானியங்கி வாழ்த்துச் செய்திகளை உருவாக்கிப் பயன்படுத்திடுங்கள். நீங்கள் எப்போது பணிக்குத் திரும்புவீர்கள் என்பதை வாடிக்கையாளர் அறிவதற்கு, 'பணியில் இல்லை' செய்தியை அமைத்திடுங்கள். அடிக்கடி கேட்கப்படும் கேள்விகளுக்கு விரைவாகப் பதிலளிப்பதற்கு உடனடி பதில்களை அமைத்திடுங்கள். தகவலனுப்பும் கருவிகள் குறித்த கூடுதல் தகவல்களுக்கு, பின்வரும் கட்டுரைகளைப் படியுங்கள்:
  • Android அல்லது iPhone இல் வாழ்த்துச் செய்திகளை எவ்வாறு பயன்படுத்துவது
  • Android அல்லது iPhone இல், பணியில் இல்லை என்பதைத் தெரிவிக்கும் மெசேஜ்களை எவ்வாறு பயன்படுத்துவது
  • Android அல்லது iPhone இல் உடனடி பதில்களை எவ்வாறு பயன்படுத்துவது
• முகப்புப்பெயர்: "புதிய வாடிக்கையாளர்கள்", "நிலுவையிலுள்ள ஆர்டர்கள்" போன்ற உதவிகரமான வகைகளின் கீழ் வாடிக்கையாளர்களுடனான உங்கள் உரையாடல்களை வகைப்படுத்திடுங்கள். Android அல்லது iPhone இல் முகப்புப்பெயர்களை எவ்வாறு பயன்படுத்துவது என்பதைத் தெரிந்துகொள்ளவும்.