Conas is féidir le WhatsApp cuidiú leat fanacht i dteagmháil le daoine eile le linn phaindéim an choróinvíris (COVID-19)
Oibrithe Sláinte
Fad agus atá éiginnteacht agus uaigneas méadaithe orainn, is féidir fanacht i dteagmháil le hothair agus comhghleacaithe ar WhatsApp—an uirlis chéanna atá in úsáid acu le fanacht i dteagmháil lena gcairde agus muintir.
Bí freagrach a fhad agus atá tú ag baint feidhm as WhatsApp chun dul i dteagmháil le do chuid custaiméirí. Ná déan cumarsáid ach le húsáideoirí a bhfuil aithne agat orthu nó atá sásta teachtaireachtaí a fháil uait, iarr ar chustaiméirí d'uimhir ghutháin a shábháil ina leabhar seoltaí, agus ná seol teachtaireachtaí uathoibrithe nó promóisin chuig grúpaí. Má theipeann ort na dea-chleachtais shimplí seo a leanúint, b'fhéidir go bhfaighidh tú gearáin ó úsáideoirí eile nó fiú go gcuirfear bac ar do chuntas.
Chun ceisteanna iomadúla a bhainistiú, eolas úsáideach amhail uaireanta oscailte a thaispeáint agus freagraí a úsáidtear go rialta a stóráil, molaimid aip WhatsApp Business a úsáid, a bhfuiltear in ann í a íoslódáil saor in aisce. Cliceáil anseo chun breathnú ar threoir céim ar chéim faoi conas is féidir feidhm a bhaint as aip WhatsApp Business. Más gá duit do chuntas a bhogadh ó WhatsApp Messenger go aip WhatsApp Business, cliceáil anseo.
Íoslódáil an aip le haghaidh do ghuthán
Bí i dteagmháil le do chuid othar
Mura bhfuil uimhreacha gutháin othar agat cheana féin, cruthaigh nasc gearr a mbeidh na hothair in ann é a úsáid le comhrá príobháideach WhatsApp a thosú leat. Comhroinn an nasc trí ríomhphoist, ar do leathanaigh Facebook, nó ar aon bhealach neamhphoiblí eile.
Cuir moltaí cabhracha i láthair
D'fhéadfá teachtaireachtaí fáilte oiriúnaithe a shocrú sa chaoi go bhfaigheann othair faisnéis agus acmhainní láithreach nuair a thagann siad do do lorg.
Comhroinn faisnéis chruinn thráthúil
Úsáid liosta craolta leis an teachtaireacht phríobháideach chéanna a sheoladh chuig teagmhálaithe iomadúla ag aon am amháin. Ní bhfaighidh ach teagmhálaithe a bhfuil d'uimhir stóráilte ina leabhar seoltaí féin acu do theachtaireachtaí craolacháin.
Óstáil comhdhálacha ó chian
Bain feidhm as físghlaonna agus guthghlaonna criptithe chun teagmháil a dhéanamh le hothair nó le comhghleacaithe a d'fhéadfadh sé a bheith deacair teagmháil a dhéanamh leo go pearsanta.*
Tabhair freagra sciobtha ar cheisteanna coitianta
Sábháil agus athúsáid teachtaireachtaí a sheolann tú go minic chun freagra sciobtha a thabhairt ar cheisteanna a bhíonn ag othair.
Cuir do phobal ar an eolas
Trí stádas a úsáid, is féidir téacs, grianghraif agus físeán a fhoilsiú mar nuashonruithe. Comhroinn dea-chleachtais sláinteachais agus bealaí eile chun scaipeadh an víris a mhoilliú.
Comhroinn uaireanta reatha gnó
Bí cinnte go bhfuil a fhios ag d'othair cén uair atá tú ar fáil, go háirithe agus d'uaireanta oscailte athraithe agat chun freastal ar do riachtanais áitiúla reatha.
Cuir in iúl do dhaoine cathain a bhfaighfidh siad freagra
Le linn an ama ghnóthaigh seo, cuir othair ar an eolas faoin uair a bhfaighidh siad freagra uait trí theachtaireacht go bhfuil tú ar shiúl uathoibríoch a úsáid.
Bí i dteagmháil le d'fhoireann cúraim sláinte
Bain feidhm as grúpaí agus as físghlaonna grúpa chun na scéalta is déanaí maidir léis an ráig a chomhroinnt.
*Tá gach úsáideoir WhatsApp freagrach as a dhearbhú go gcloíonn aon úsáid a bhaintear as WhatsApp leis na dlíthe cuí, cosaint sonraí sláinte agus dlíthe slándála san áireamh. Ní chuireann WhatsApp seirbhísí sláinte ar fáil, agus ní cheadaítear duit a thabhairt le fios go bhfuil WhatsApp cleamhnaithe le do chleachtas sláinte. Níor chóir WhatsApp a úsáid in ionad aon chomhairliúchán sláinte duine le duine le hothair ná chun cóir leighis a chur ar fhadhbanna sláinte a bhfuil cóir leighis láithreach ag teastáil uathu, agus níor chóir é a úsáid mar fhearas sláinte rialaithe.
Má bhíonn aon cheist agat faoi Mhol Faisnéise WhatsApp maidir leis an gCoróinvíreas, déan teagmháil linn.