![](https://scontent-iad3-1.xx.fbcdn.net/v/t39.8562-6/93310308_676903596418095_4451355353124175872_n.png?_nc_cat=102&ccb=1-7&_nc_sid=f537c7&_nc_ohc=wVX0mn3HiykQ7kNvgHQT-zA&_nc_ht=scontent-iad3-1.xx&_nc_gid=A8i86ZbjN_hQHim5kbYzWHP&oh=00_AYC42cnVsyq3rG0T7ZQJoSaE14uAIluhpaDJtG-1eTwjOQ&oe=66E2A902)
Во овој период на зголемена неизвесност и изолација, можеш да се поврзеш со пациентите и колегите на WhatsApp—истата алатка што веќе ја користат за да останат во контакт со пријателите и роднините.
Користи го WhatsApp одговорно кога комуницираш со клиентите. Комуницирај само со корисниците што ги познаваш и оние кои сакаат да примаат пораки од тебе, побарај од клиентите да го зачуваат твојот телефонски број во нивниот адресар и да избегнуваат испраќање автоматизирани или промотивни пораки во групите. Непочитувањето на овие препорачани едноставни практики може да доведе до поплаки од други корисници и евентуално блокирање на сметката.
За најдобро управување со повеќе прашања, објавување корисни информации, како што е работното време, и зачувување на често користените одговори, препорачуваме користење на апликацијата WhatsApp Business, која е бесплатна за преземање. Кликни тука за детално упатство за користењето на апликацијата WhatsApp Business. Ако треба да ја преместиш сметката од WhatsApp Messenger во апликацијата WhatsApp Business, кликни тука.
Преземи за твојот телефон
Ако ги немаш телефонските броеви на пациентите, создај краток линк што пациентите ќе можат да го користат за да започнат приватен разговор на WhatsApp со тебе. Сподели го линкот преку е-пошта, Facebook-страница или кој било друг канал што не е јавен.
Размисли за поставување сопствена порака за добредојде за пациентите да добиваат непосредни информации и ресурси кога ќе стапат во контакт со тебе.
Користи емитувачка листа за испраќање на една приватна порака до неколку контакти истовремено. Само контактите што те додале во именикот на телефонот, ќе ја добијат емитуваната порака.
Користи шифрирани видео и гласовни повици за да се поврзеш со пациенти или колеги до кои е тешко да се дојде лично.*
Зачувај и повторно користи ги пораките што ги испраќаш често за брзо одговарање на прашањата на пациентите.
Со помош на статусот, можеш да објавуваш новости преку текстови, фотографии или видеа. Споделувај совети за препорачаните практики за хигиена и други начини за намалување на ширењето на вирусот.
Провери дали пациентите се информирани за твојата достапност, особено ако работното време ти е приспособено на тековните локални потреби.
Во периодите на презафатеност, извести ги пациентите кога може да очекуваат одговор со помош на автоматска порака за отсуство.
Користи групи и групни видеоповици за споделување на најновите податоци за пандемијата.
*Секој корисник на WhatsApp е должен да ја користи WhatsApp во согласност со важечките закони, вклучувајќи ги и законите за приватност и безбедност на здравствените податоци. WhatsApp не организира, ниту пружа здравствени услуги, така што не можеш да тврдиш дека WhatsApp е поврзана со твоите здравствени практики. WhatsApp не е замена за лични здравствени консултации со пациенти или за лекување на состојби што бараат итна медицинска помош, и не треба да се користи како регулиран медицински уред.
Ако имаш прашања поврзани со Информативниот центар за коронавирус на WhatsApp, контактирај нѐ.