Si mund të të ndihmojë WhatsApp të qëndrosh në lidhje gjatë pandemisë së koronavirusit (COVID-19)
Specialistët e kujdesit shëndetësor
Gjatë kësaj periudhe izolimi dhe pasigurie të lartë, mund të lidhesh me pacientët dhe kolegët e tu në WhatsApp - i njëjti mjet që ata përdorin për të qëndruar pranë shokëve dhe familjes.
Përdore WhatsApp me përgjegjësi gjatë lidhjes me klientët e tu. Komuniko vetëm me përdoruesit që i njeh dhe ata që dëshirojnë të marrin mesazhe nga ti, kërkoju klientëve të ruajnë numrin tënd të telefonit në librin e adresave dhe shmang dërgimin e mesazheve të automatizuara ose promocionale drejt grupeve. Mosrespektimi i këtyre praktikave të mira të thjeshta mund të shkaktojë ankesa nga përdoruesit e tjerë dhe ndoshta një bllokim të llogarisë.
Për të menaxhuar sa më mirë pyetjet e shumta, për të prezantuar informacione të dobishme si orari i punës dhe për të ruajtur përgjigjet më të shpeshta, ne rekomandojmë të përdorësh aplikacionin WhatsApp Business, i cili mund të shkarkohet falas. Kliko këtu për një udhëzim hap pas hapi se si të përdorësh aplikacionin WhatsApp Business. Nëse të duhet ta zhvendosësh llogarinë tënde nga WhatsApp Messenger tek aplikacioni WhatsApp Business, kliko këtu.
Shkarko për telefonin tënd
Qëndro në lidhje me pacientët e tu
Nëse nuk i ke ende numrat e telefonit të pacientëve, krijo një lidhje të shkurtër që pacientët të mund ta përdorin për të filluar një bisedë private në WhatsApp me ty. Ndaje lidhjen nëpërmjet emailit, faqes së Facebook ose çdo kanali tjetër jopublik.
Paraqit rekomandime të dobishme
Merr në konsideratë konfigurimin e personalizuar të mesazheve të përshëndetjes që pacientët të marrin informacione dhe burime të menjëhershme kur kontaktojnë me ty.
Ndaj informacione të sakta dhe në kohë
Përdor një listë transmetimi për të dërguar të njëjtin mesazh privat drejt disa kontakteve njëherësh. Vetëm kontaktet që të kanë shtuar te libri i adresave në telefonin e tyre do ta marrin mesazhin e transmetuar nga ti.
Organizo konferenca në distancë
Përdor telefonata me video dhe telefonata zanore të enkriptuara për t'u lidhur me pacientët ose kolegët të cilët mund të jetë vështirë t'i kontaktosh personalisht.*
Përgjigjju me shpejtësi pyetjeve të shpeshta
Ruaj dhe ripërdor mesazhet që dërgon më shpesh, për t'iu përgjigjur shpejt pyetjeve të pacientëve.
Informo dhe eduko komunitetin
Duke përdorur statusin, ti mund të postosh përditësime me tekst, fotografi ose video. Ndaj këshilla për praktikat më të mira për higjienën dhe mënyra të tjera për të ngadalësuar përhapjen e virusit.
Ndaj orarin aktual të punës
Sigurohu që pacientët e tu të dinë kur je i disponueshëm, veçanërisht nëse e ke përshtatur orarin tënd për të trajtuar nevojat aktuale lokale.
Cakto pritshmëritë për kohët e përgjigjes
Gjatë kësaj kohe veçanërisht të ngarkuar, vëri në dijeni pacientët se kur mund të planifikojnë të marrin nga ty një mesazh automatik kur je i larguar.
Qëndro në kontakt me ekipin e kujdesit shëndetësor
Përdor grupet dhe telefonatat me video në grup për të ndarë përditësimet më të fundit në lidhje me pandeminë.
*Çdo përdorues i WhatsApp është përgjegjës për të siguruar që përdorimi i WhatsApp është në përputhje me ligjet në fuqi, duke përfshirë ligjet për sigurinë dhe privatësinë e të dhënave të kujdesit shëndetësor. WhatsApp nuk organizon apo ofron shërbime të kujdesit shëndetësor dhe nuk mund të paraqesësh se WhatsApp ka lidhje me kujdesin shëndetësor të ofruar nga ti. WhatsApp nuk është një mjet zëvendësues për këshillimet individuale fizike shëndetësore për pacientët ose trajtimet e rasteve që kanë nevojë për kujdes mjekësor të shpejtë, dhe nuk duhet të përdoret si pajisje mjekësore e rregulluar.
Nëse ke ndonjë pyetje në lidhje me Qendrën e informacioneve të WhatsApp rreth koronavirusit, na kontakto.