Аккаунтты WhatsApp мессенджерінен WhatsApp Business қолданбасына ауыстыру әдісі

WhatsApp Business қолданбасын жүктеп алу және реттеу

1. WhatsApp мессенджері аккаунтының резервтік көшірмесін жасау: егер WhatsApp мессенджерінің аккаунтын WhatsApp Business қолданбасына ауыстырсаңыз, резервтік көшірме жасауға кеңес береміз. Резервтік көшірме жасамасаңыз, чатыңыздың тарихы жоғалып қалуы мүмкін. WhatsApp мессенджерін ашыңыз. Android құрылғысында , сосын Параметрлер түймесін түртіңіз. iPhone құрылғысында чаттар экранындағы Параметрлер түймесін түртіңіз. Параметрлер экранында Чаттар, сосын Чаттың резервтік көшірмесі, сосын Резервтеу немесе Қазір резервтеу түймесін түртіңіз. Резервтік көшірме жасалған соң, келесі қадамға көшіңіз.

2. WhatsApp Business қолданбасын жүктеп алу: WhatsApp Business қолданбасын Google Play Store және Apple App Store дүкендерінен тегін жүктеп алуға болады. Басты экрандағы WhatsApp Business белгішесін түртіңіз.

3. Қызмет көрсету шарттарын қарап шығу: WhatsApp Business Қызмет көрсету шарттарын оқып шығып, шарттарды қабылдау үшін "Келісу" және "Жалғастыру" түймелерін түртіңіз.

4. Тіркеу: WhatsApp Business қолданбасы WhatsApp мессенджерінде пайдаланып жүрген нөміріңізді автоматты түрде анықтайды. Жалғастыру үшін бизнес нөміріңіз бар опцияны түртіңіз.

5. Аккаунтты тасымалдау: аккаунт тасымалдау процесі аяқталғанша, WhatsApp Business қолданбасын ашып, телефоныңызды қосып қойыңыз. Автоматты түрде тасымалданып жатқан кезде, резервтік көшірмеден қалпына келтіру ұсынылуы мүмкін. Жалғастыру немесе Қалпына келтіру опциясын түртіңіз. Содан кейін ұсынылса, Келесі түймесін түртіңіз.

6. Контактілер мен фотосуреттерге кіруге рұқсат беру: контактілерді WhatsApp Business қолданбасына телефоныңыздың мекенжай кітапшасынан қосуға болады. Сондай-ақ телефоныңыздағы фотосуреттерге, видеоларға және файлдарға өтуге рұқсат бере аласыз.

7. Аккаунт жасау: кәсібіңіздің атауын енгізіп, кәсіп санатын және профиль суретін таңдаңыз.

8. Бизнес профиліңізді құрастыру:ЗЕРТТЕУ > Бизнес профиль түймесін түртіңіз. Жұмысыңыздың мекенжайы, сипаттамасы, жұмыс уақыты және т.б. сияқты маңызды ақпаратты осы жерге қосуға болады.

9. Чатпен сөйлесуді бастаңыз. Бизнес профиліңізді реттеп болдыңыз. немесе түймесін түртіп, хат жіберетін контактіні іздеңіз немесе таңдаңыз. Мәтін жолына жазыңыз. Содан кейін немесе түймесін түртіңіз.

WhatsApp Business құралдарын қарап шығу

WhatsApp Business қолданбасында кәсібіңізді тиімді жүргізуге көмектесетін бірнеше құрал бар. Бұл құралдарды қарап шығу үшін чаттар экранына өтіңіз. Android құрылғысындағы Басқа опцияларнемесе iPhone құрылғысындағы Параметрлер түймесін түртіңіз. Содан кейін Бизнес құралдар түймесін түртіңіз.

• Каталог: бизнес аккаунттағы өнімдер мен қызметтерді көрсетіңіз және бөлісіңіз. Android немесе iPhone құрылғысында каталог жасау туралы ақпарат алыңыз.

• Қысқаша сілтеме: жаңа тұтынушылардың сізбен байланысуын жеңілдетіңіз. Автоматты түрде жасалған қысқаша сілтемені жаңа тұтынушыларыңызбен бөлісіп, олардың хат жіберуіне мүмкіндік беріңіз. Қысқаша сілтемелерді Android немесе iPhone құрылғысында пайдалану туралы ақпарат алыңыз.
• Хат алмасу құралдары: алдын ала сұхбаттар құрастыру үшін WhatsApp хат алмасу үлгілерін пайдаланыңыз. Жаңа тұтынушылармен байланысу үшін автоматты сәлемдесу хаттарын жасаңыз. Қашан қайтып келетініңізді тұтынушыларға хабарлау үшін "орнында жоқ" хаттарын орнатыңыз немесе жиі қойылатын сұрақтарға жауап беру үшін жылдам жауаптар құрастырыңыз. Хат алмасу құралдары туралы қосымша ақпарат алу үшін мына мақалаларды оқыңыз:
  • Сәлемдесу хаттарын Android немесе iPhone құрылғысында пайдалану әдісі
  • "Орнында жоқ" хаттарын Android немесе iPhone құрылғысында пайдалану әдісі
  • Жылдам жауаптарды Android немесе iPhone құрылғысында пайдалану әдісі
• Белгілер: тұтынушыларыңызбен болған сұхбаттарды “Жаңа тұтынушылар” немесе “Аяқталмаған тапсырыстар” сияқты пайдалы санаттарға сұрыптаңыз. Белгілерді Android немесе iPhone құрылғысында пайдалану туралы ақпарат алыңыз.