બૌદ્ધિક સંપદાની પોલિસી: તમારા કોપિરાઇટ અને ટ્રેડમાર્ક

અનુક્રમણિકા

• કોપિરાઇટ
• ટ્રેડમાર્ક
• વારંવાર ઉલ્લંઘન કરનારા સંબંધી પોલિસી
• અપીલ

WhatsApp LLC (જો તમે યુકેમાં અથવા યુરોપિયન પ્રદેશની બહાર રહો છો) અને WhatsApp Ireland Limited (જો તમે યુરોપિયન પ્રદેશમાં રહો છો) (સામૂહિક રીતે "WhatsApp," "અમારું," "અમે" અથવા "અમને") એ લોકો અને સંસ્થાઓના બૌદ્ધિક સંપદાના અધિકારોનું રક્ષણ કરવામાં તેમની મદદ કરવા માટે પ્રતિબદ્ધ છે. અમારા વાપરનારાઓ અમારી ઍપ, સેવાઓ, સુવિધાઓ, સોફ્ટવેર કે વેબસાઇટ (એકસાથે, "સેવાઓ")ને ઇન્સ્ટોલ કરીને, તેને એક્સેસ કરીને અથવા તેને ઉપયોગમાં લઈને અમારી સેવાની શરતો ("શરતો") સાથે સંમત થાય છે. અમારી શરતો અમારા વાપરનારાઓને અમારી સેવાઓનો ઉપયોગ કરતી વખતે કોઈ બીજાના કોપિરાઇટ અને ટ્રેડમાર્ક સહિત તેઓના બૌદ્ધિક સંપદાના અધિકારોનું ઉલ્લંઘન કરવાની પરવાનગી આપતી નથી.

અમારી પ્રાઇવસી પોલિસીમાં વધુ વિગતવારે સમજાવ્યા મુજબ, અમે અમારી સેવાઓ પૂરી પાડવાના સામાન્ય ક્રમ દરમિયાન અમારા વાપરનારાઓના મેસેજ જાળવતા નથી. અમે, જોકે, અમારા વાપરનારાઓના એકાઉન્ટની માહિતી, જેમાં અમારા વાપરનારાઓના પ્રોફાઇલ ફોટા, પ્રોફાઇલના નામ અથવા પરિચયના મેસેજ, જો તેઓ તેને તેમના એકાઉન્ટની માહિતીના ભાગ તરીકે સામેલ કરવાનું નક્કી કરે તો તેનો સમાવેશ થાય છે, તેને તેમજ ચેનલ પરના કન્ટેન્ટને હોસ્ટ કરીએ છીએ.

પાછા સૌથી ઉપર જાઓ

કોપિરાઇટ એ એક કાનૂની અધિકાર છે જે લેખકની મૂળ કૃતિઓનું રક્ષણ કરવાનો પ્રયાસ કરે છે (ઉદાહરણ: પુસ્તકો, મ્યુઝિક, ફિલ્મ, આર્ટ). સામાન્ય રીતે, કોપિરાઇટ શબ્દો અથવા ફોટા જેવી મૂળ અભિવ્યક્તિનું રક્ષણ કરે છે. તે હકીકતો અને વિચારોનું રક્ષણ કરતો નથી, જોકે તે વિચારનું વર્ણન કરવા માટે ઉપયોગમાં લેવાયેલા મૂળ શબ્દો અથવા ફોટાનું રક્ષણ કરી શકે છે. કોપિરાઇટ નામ, શીર્ષકો અને સ્લોગન જેવી વસ્તુઓનું પણ રક્ષણ કરતો નથી; જોકે, ટ્રેડમાર્ક નામનો બીજો કાનૂની અધિકાર તે વસ્તુઓનું રક્ષણ કરી શકે છે.

જો તમે માનતા હો કે WhatsApp પર રહેલું કન્ટેન્ટ તમારી કોપિરાઇટવાળી કૃતિનું ઉલ્લંઘન કરે છે, તો તમે સંપર્ક ફોર્મ ભરીને તેની જાણ કરી શકો છો.

તમે કોપિરાઇટ ઉલ્લંઘનના દાવાની જાણ કરો તેની પહેલાં, તમે સંબંધિત WhatsApp વાપરનારને મેસેજ મોકલવા માંગી શકો છો જેઓ તમારા માનવા પ્રમાણે તમારા કોપિરાઇટનું ઉલ્લંઘન કરી રહ્યા હોઈ શકે છે. તમે સીધા જ તેમની સાથે સમસ્યાનો ઉકેલ લાવી શકો છો.

પાછા સૌથી ઉપર જાઓ

ટ્રેડમાર્ક એ એક શબ્દ, સ્લોગન, પ્રતીક અથવા ડિઝાઇન (ઉદાહરણ: બ્રાંડ નેમ, લોગો) છે કે જે એક વ્યક્તિ, ગ્રૂપ અથવા કંપની દ્વારા ઓફર કરવામાં આવતી પ્રોડક્ટ અથવા સેવાઓને બીજાથી અલગ પાડે છે. સામાન્ય રીતે, ટ્રેડમાર્ક કાયદો કોણ પ્રોડક્ટ અથવા સેવા પૂરી પાડે છે અથવા તેની સાથે જોડાયેલ છે તે વિશે ગ્રાહકોમાં થતી મૂંઝવણને અટકાવવાનો પ્રયાસ કરે છે.

જો તમે માનતા હો કે WhatsApp પર રહેલું કન્ટેન્ટ તમારી ટ્રેડમાર્કવાળી કૃતિનું ઉલ્લંઘન કરે છે, તો તમે આ સંપર્ક ફોર્મ ભરીને તેની જાણ કરી શકો છો.

તમે ટ્રેડમાર્કના ઉલ્લંઘનના દાવાની જાણ કરો તેની પહેલાં, તમે સંબંધિત WhatsApp વાપરનારને મેસેજ મોકલવા માંગી શકો છો જેઓ તમારા માનવા પ્રમાણે તમારા ટ્રેડમાર્કનું ઉલ્લંઘન કરી રહ્યા હોઈ શકે છે. તમે સીધા જ તેમની સાથે સમસ્યાનો ઉકેલ લાવી શકો છો.

પાછા સૌથી ઉપર જાઓ

જો કોઈ વ્યક્તિ વારંવાર એવું કન્ટેન્ટ પોસ્ટ કરે છે કે જે બૌદ્ધિક સંપદાનું ઉલ્લંઘન કરતું હોય, તો પછી નીચે આપેલી બાબતો થઈ શકે છે:

• તેમનું એકાઉન્ટ પ્રતિબંધિત થઈ શકે છે. એકાઉન્ટ પ્રતિબંધો વિશે અહીં વધુ જાણો.
• તેમની ચેનલ સસ્પેન્ડ થઈ શકે છે. અમે લઈ શકીએ છીએ તે એક્શન વિશે અહીં વધુ જાણો.

જો કોઈ અપીલને લીધે અથવા અધિકારોના માલિકે તેમના રિપોર્ટને પાછો ખેંચી લીધો હોવાના કારણે અમે લઈએ છીએ તેમાંથી કોઈ પણ એક્શન ઊલટાવવામાં આવે છે, તો પછી અમે અમારી વારંવાર ઉલ્લંઘન કરનારા સંબંધી પોલિસી હેઠળ તેને ધ્યાનમાં લઈશું.

પાછા સૌથી ઉપર જાઓ

અપીલ

જો અમે બૌદ્ધિ સંપદાના રિપોર્ટને કારણે તમારી ચેનલ પરથી તમારું કન્ટેન્ટ દૂર કર્યું હોય અને તમે માનતા હો કે અમારે તેમ કરવું જોઈતું ન હતું, તો તમે અપીલ સબમિટ કરી શકો છો.

તમારી ચેનલ પર લેવામાં આવેલી બૌદ્ધિક સંપદા સંબંધી એક્શન અંગે અપીલ કરવા માટે, બેનર પર ચેનલનાં એલર્ટને દબાવો અથવા તમારા ચેનલના નામ > ચેનલનાં એલર્ટને દબાવો.

પાછા સૌથી ઉપર જાઓ