WhatsApp ଗୋପନୀୟତା ନୀତି

ଯଦି ଆପଣ ୟୁରୋପୀୟ କ୍ଷେତ୍ର କିମ୍ବା UK ବାହାରେ ରହନ୍ତି, ତେବେ WhatsApp LLC (“WhatsApp”, “ଆମର”, “ଆମେ”, କିମ୍ବା “ଆମ”) ଏହି ସେବାର ସର୍ତ୍ତାବଳୀ ଏବଂ ଗୋପନୀୟତା ନୀତି ଅଧୀନରେ ଆପଣଙ୍କୁ ଏହି ସେବାଗୁଡ଼ିକୁ ଦେଇଥାଏ।

ଆମର ଗୋପନୀୟତା ନୀତି (“ଗୋପନୀୟତା ନୀତି”) ଦ୍ୱାରା ଆମର ଡାଟା ପ୍ରକ୍ରିୟାଗୁଡ଼ିକୁ ବୁଝିବାରେ ସହାୟତା ମିଳିଥାଏ, ଯାହା ମଧ୍ୟରେ ଆମର ସେବାଗୁଡ଼ିକୁ ଦେବା ପାଇଁ ଆମେ ପ୍ରୋସେସ୍ କରୁଥିବା ସୂଚନା ଅନ୍ତର୍ଭୁକ୍ତ।

ଉଦାହରଣ ପାଇଁ, ଆମର ଗୋପନୀୟତା ନୀତି ଏହା ଦର୍ଶାଇଥାଏ ଯେ ଆମେ କେଉଁ ସୂଚନାଗୁଡ଼ିକୁ ସଂଗ୍ରହ କରିଥାଉ ଏବଂ ଏହା ଆପଣଙ୍କୁ କିପରି ଭାବେ ପ୍ରଭାବିତ କରିଥାଏ। ଆପଣଙ୍କ ଗୋପନୀୟତାକୁ ସୁରକ୍ଷିତ ରଖିବା ପାଇଁ ଆମେ ଗ୍ରହଣ କରୁଥିବା ପଦକ୍ଷେପଗୁଡ଼ିକୁ ମଧ୍ୟ ଏହା ବ୍ୟାଖ୍ୟା କରିଥାଏ, ଯେପରିକି ଆମର ସେବାଗୁଡ଼ିକୁ ଏପରି ଭାବେ ତିଆରି କରିବା ଯାହା ଦ୍ୱାରା ପଠାଯାଇଥିବା ମେସେଜ୍‌ଗୁଡ଼ିକ ଆମ ଦ୍ୱାରା ଷ୍ଟୋର୍ କରାଯିବ ନାହିଁ ଏବଂ ଆମ ସେବା ବ୍ୟବହାର କରି ଆପଣ କାହା ସହିତ ଯୋଗାଯୋଗ କରିବେ ତାହାର ନିୟନ୍ତ୍ରଣ ଆପଣଙ୍କୁ ଦେବା।

ଆମେ Meta Companies ମଧ୍ୟରୁ ଅନ୍ୟତମ ଅଟୁ। କମ୍ପାନୀଗୁଡ଼ିକର ଏହି ପରିବାର ମଧ୍ୟରେ ଆମେ କିପରି ଭାବେ ସୂଚନାକୁ ସେୟାର୍‌ କରିଥାଉ ସେ ସମ୍ପର୍କରେ ଆପଣ ତଳେ ଏହି ଗୋପନୀୟତା ନୀତିରେ ଅଧିକ ଜାଣିପାରିବେ।

ଅନ୍ୟଥା ବିନିର୍ଦ୍ଦିଷ୍ଟ କରାଯାଇ ନ ଥିଲେ, ଏହି ଗୋପନୀୟତା ନୀତି ଆମର ସମସ୍ତ ସେବାଗୁଡ଼ିକ ପାଇଁ ପ୍ରଯୁଜ୍ୟ ହେବ।

ଦୟାକରି WhatsAppର ସେବାର ସର୍ତ୍ତାବଳୀ (“ସର୍ତ୍ତାବଳୀ”) ମଧ୍ୟ ପଢ଼ନ୍ତୁ, ଯେଉଁଥିରେ ସେହି ସର୍ତ୍ତଗୁଡ଼ିକୁ ବର୍ଣ୍ଣନା କରାଯାଇଛି ଯାହା ଅଧୀନରେ ଆପଣ ଆମର ସେବା ବ୍ୟବହାର କରନ୍ତି ଓ ଆମେ ଆମର ସେବା ଯୋଗାଇଥାଉ।

ଉପରକୁ ଫେରନ୍ତୁ

ଆପଣଙ୍କ ଗୋପନୀୟତାକୁ ସମ୍ମାନ ଜଣାଇବା ଆମ DNA କୋଡ୍ କରାଯାଇଛି। WhatsApp ଆରମ୍ଭ କରିବା ଦିନଠାରୁ ହିଁ ଆମେ ସୁଦୃଢ଼ ଗୋପନୀୟତା ସିଦ୍ଧାନ୍ତକୁ ଧ୍ୟାନରେ ରଖି ଆମର ସେବାଗୁଡ଼ିକୁ ନିର୍ମାଣ କରିଥିଲୁ। ଆମର ଅପଡେଟ୍ ହୋଇଥିବା ସେବାର ସର୍ତ୍ତାବଳୀ ଏବଂ ଗୋପନୀୟତା ନୀତିରେ ଆପଣଙ୍କୁ ନିମ୍ନଲିଖିତ ସୂଚନା ମିଳିବ:

• ଆପଣଙ୍କ ଡାଟାକୁ ଆମେ କିପରି ପ୍ରୋସେସ୍ କରୁ, ସେ ସମ୍ପର୍କରେ ଅଧିକ ସୂଚନା। ଆମର ଅପଡେଟ୍ ହୋଇଥିବା ସର୍ତ୍ତାବଳୀ ଏବଂ ଗୋପନୀୟତା ନୀତି, ଆମେ ଆପଣଙ୍କ ଡାଟାକୁ କିପରି ପ୍ରୋସେସ୍ କରୁ, ଏବଂ ଗୋପନୀୟତା ପ୍ରତି ଆମର ପ୍ରତିବଦ୍ଧତା ସମ୍ପର୍କରେ ଅଧିକ ସୂଚନା ଦେଇଥାଏ। ଉଦାହରଣ ପାଇଁ, ସଦ୍ୟତମ ପ୍ରଡକ୍ଟ ବିଶେଷତା ଏବଂ କାର୍ଯ୍ୟକ୍ଷମତା, ସୁରକ୍ଷା, ନିରାପତ୍ତା, ଏବଂ ଅଖଣ୍ଡତା ପାଇଁ ଆମେ ଆପଣଙ୍କ ଡାଟାକୁ ପ୍ରୋସେସ୍ କରୁ ସେ ସମ୍ପର୍କରେ ଅଧିକ ସୂଚନା ଯୋଗ କରିଛୁ, ଏବଂ ୟୁଜର୍ ସେଟିଂସ, ସହାୟତା କେନ୍ଦ୍ର ଆଲେଖ୍ୟ ଏବଂ ଆପଣ ନିଜର ସୂଚନାକୁ କିପରି ମ୍ୟାନେଜ କରିପାରିବେ, ଏ ସମ୍ପର୍କରେ ଅଧିକ ଡାଇରେକ୍ଟ ଲିଙ୍କ୍ ଯୋଡ଼ିଛୁ।
• ବ୍ୟବସାୟ ସହିତ ଉତ୍ତମ ଯୋଗାଯୋଗ। ଅନେକ ବ୍ୟବସାୟ ସଂସ୍ଥା ସେମାନଙ୍କର ଗ୍ରାହକ ଏବଂ କ୍ଲାଏଣ୍ଟଙ୍କ ସହିତ ଯୋଗାଯୋଗ ପାଇଁ WhatsApp ଉପରେ ନିର୍ଭର କରିଥାନ୍ତି। ଆମେ ଏପରି ବ୍ୟବସାୟ ସଂସ୍ଥାଗୁଡ଼ିକ ସହିତ କାମ କରିଥାଉ, ଯେଉଁମାନେ WhatsAppରେ ଆପଣଙ୍କ ସହିତ କରାଯାଇଥିବା କଥାବାର୍ତ୍ତାକୁ ଷ୍ଟୋର୍ କରିବା ଏବଂ ଆହୁରି ଉତ୍ତମ ଭାବେ ମ୍ୟାନେଜ୍ କରିବା ପାଇଁ Meta କିମ୍ବା ତୃତୀୟ ପକ୍ଷଙ୍କୁ ଉପଯୋଗ କରିଥାନ୍ତି।
• ସହଜରେ କନେକ୍ଟ କରନ୍ତୁ। Meta Companiesର ଅଂଶବିଶେଷ ଭାବେ, Metaର ସମସ୍ତ ଆପ୍ସ ଏବଂ ପ୍ରଡକ୍ଟସ୍‌‌ରେ ଆପଣଙ୍କୁ ଏକ ସମାନ ଅନୁଭୂତି ଏବଂ ଇଣ୍ଟିଗ୍ରେସନ୍ ଯୋଗାଇବା ପାଇଁ WhatsApp Meta ସହିତ ପାର୍ଟନରଶିପ୍ କରିଛି।

ଉପରକୁ ଫେରନ୍ତୁ

ଆମର ସେବାଗୁଡ଼ିକୁ ସଂଚାଳିତ କରିବା, ଯୋଗାଇବା, ଉନ୍ନତ କରିବା, ବୁଝିବା, କଷ୍ଟମାଇଜ୍ କରିବା, ସେ ବାବଦୀୟ ସହାୟତା କରିବା, ଏବଂ ତାହାର ମାର୍କେଟିଂ କରିବା ପାଇଁ WhatsApp କେତେକ ସୂଚନା ପ୍ରାପ୍ତ କିମ୍ବା ସଂଗ୍ରହ କରିବା ଜରୁରୀ ହୋଇଥାଏ, ଯାହା ମଧ୍ୟରେ ଆପଣ ଆମର ସେବାକୁ କେତେବେଳେ ଇନଷ୍ଟଲ୍ କଲେ, ଆକ୍ସେସ୍ କଲେ, କିମ୍ବା ବ୍ୟବହାର କଲେ, ତାହା ଅନ୍ତର୍ଭୁକ୍ତ।

ଆମେ ପ୍ରାପ୍ତ ଏବଂ ସଂଗ୍ରହ କରୁଥିବା ସୂଚନାର ପ୍ରକାର, ଆପଣ ଆମର ସେବାଗୁଡ଼ିକୁ କିପରି ବ୍ୟବହାର କରୁଛନ୍ତି ତାହା ଉପରେ ନିର୍ଭର କରିଥାଏ। ଆମର ସେବାଗୁଡ଼ିକୁ ଯୋଗାଇବା ପାଇଁ ଆମେ ନିର୍ଦ୍ଦିଷ୍ଟ କେତେକ ସୂଚନା ଆବଶ୍ୟକ କରିଥାଉ ଏବଂ ଏହା ବିନା ଆମେ ଆପଣଙ୍କୁ ଆମର ସେବା ଯୋଗାଇବାରେ ସକ୍ଷମ ହେବୁନାହିଁ। ଉଦାହରଣ ପାଇଁ, ଆମର ସେବାଗୁଡ଼ିକୁ ବ୍ୟବହାର କରିବା ପାଇଁ ଏକ ଏକାଉଣ୍ଟ୍ ତିଆରି କରିବା ନିମନ୍ତେ ଆପଣଙ୍କୁ ଆପଣଙ୍କର ମୋବାଇଲ ନମ୍ବର ଦେବା ଜରୁରୀ ଅଟେ।

ଆମ ସେବାଗୁଡ଼ିକରେ ଇଚ୍ଛାଧୀନ ବିଶେଷତାଗୁଡ଼ିକ ରହିଛି, ଯାହାକୁ ଆପଣ ବ୍ୟବହାର କଲେ, ଏହି ବିଶେଷତାଗୁଡ଼ିକୁ ଯୋଗାଇବା ପାଇଁ ଆମେ ଅତିରିକ୍ତ ସୂଚନା ସଂଗ୍ରହ କରିବା ଆବଶ୍ୟକ କରିବୁ। ଉପଯୁକ୍ତ ହୋଇଥିବା ଅନୁଯାୟୀ, ଏପରି ସଂଗ୍ରହ ସମ୍ପର୍କରେ ଆପଣଙ୍କୁ ସୂଚିତ କରାଯିବ। ଯଦି ଏକ ବିଶେଷତାକୁ ବ୍ୟବହାର କରିବା ପାଇଁ ଆବଶ୍ୟକ ହେଉଥିବା ସୂଚନାକୁ ନ ଦେବା ପସନ୍ଦ କରନ୍ତି, ତେବେ ଆପଣ ସେହି ବିଶେଷତାକୁ ବ୍ୟବହାର କରିବାରେ ଅସମର୍ଥ ହେବେ। ଉଦାହରଣ ପାଇଁ, ଆପଣ ନିଜର ଡିଭାଇସ୍‌ରୁ ଆପଣଙ୍କର ଲୋକେଶନ ଡାଟା ସଂଗ୍ରହ କରିବା ପାଇଁ ଆମକୁ ଅନୁମତି ନ ଦେଲେ, ଆପଣ ନିଜର ଲୋକେଶନକୁ ନିଜର ସମ୍ପର୍କମାନଙ୍କ ସହିତ ସେୟାର୍ କରିପାରିବେ ନାହିଁ। ଉଭୟ Android ଏବଂ iOS ଡିଭାଇସ୍‌ରେ ସେଟିଂସ୍ ମେନ୍ୟୁ ମାଧ୍ୟରେ ଅନୁମତିକୁ ମ୍ୟାନେଜ୍ କରାଯାଇପାରିବ।

ଆପଣ ଦେଉଥିବା ସୂଚନା

• ଆପଣଙ୍କ ଏକାଉଣ୍ଟ୍ ସୂଚନା। ଏକ WhatsApp ଏକାଉଣ୍ଟ୍ ତିଆରି କରିବା ପାଇଁ ଆପଣଙ୍କୁ ନିଜର ମୋବାଇଲ ଫୋନ୍ ନମ୍ବର ଏବଂ ମୌଳିକ ସୂଚନା (ଆପଣଙ୍କ ପସନ୍ଦର ପ୍ରୋଫାଇଲ ନାମ ସହିତ) ଦେବା ଜରୁରୀ ଅଟେ। ଆମକୁ ଏହି ସୂଚନା ନ ଦେଲେ, ଆପଣ ଆମର ସେବାଗୁଡ଼ିକୁ ବ୍ୟବହାର କରିବା ପାଇଁ ଏକ ଏକାଉଣ୍ଟ୍ ତିଆର କରିବାରେ ସମର୍ଥ ହେବେନାହିଁ। ଆପଣ ନିଜର ଏକାଉଣ୍ଟ୍ ଅନ୍ୟ ସୂଚନା ମଧ୍ୟ ଯୋଗ କରିପାରିବେ, ଯେପରିକି ପ୍ରୋଫାଇଲ ଫଟୋ ଏବଂ “ସମ୍ୱନ୍ଧରେ” ସୂଚନା।
• ଆପଣଙ୍କର ମେସେଜ୍। ଆପଣଙ୍କୁ ଆମର ସେବା ଯୋଗାଇବାର ସାଧାରଣ ପ୍ରକ୍ରିୟାରେ ଆମେ ଆପଣଙ୍କ ମେସେଜ୍‌ଗୁଡ଼ିକୁ ଷ୍ଟୋର୍ କରି ନ ଥାଉ। ତା’ ପରିବର୍ତ୍ତେ, ଆପଣଙ୍କର ମେସେଜ୍‌ଗୁଡ଼ିକ ଆପଣଙ୍କ ଡିଭାଇସରେ ଷ୍ଟୋର୍ ହୋଇଥାଏ ଏବଂ ସାଧାରଣତଃ ଆମ ସର୍ଭରଗୁଡ଼ିକରେ ଷ୍ଟୋର୍ ହୋଇ ରହି ନ ଥାଏ। ଆପଣଙ୍କ ମେସେଜ୍ ଡିଲିଭର୍ ହୋଇଯିବା ପରେ, ତାହାକୁ ଆମ ସର୍ଭରରୁ ଡିଲିଟ୍ କରିଦିଆଯାଏ। ନିମ୍ନୋକ୍ତ ଉଲ୍ଲେଖଗୁଡ଼ିକ ଏପରି ପରିସ୍ଥିତି ବର୍ଣ୍ଣନା କରେ ଯେଉଁଠାରେ ଆମେ ଆପଣଙ୍କ ମେସେଜଗୁଡ଼ିକ ଡେଲିଭର କରିବା ପାଇଁ ସେଗୁଡ଼ିକୁ ଷ୍ଟୋର କରିପାରୁ:
  • ଡେଲିଭର ହୋଇ ନ ଥିବା ମେସେଜ୍। ଯଦି କୌଣସି ମେସେଜ୍ ତୁରନ୍ତ ଡେଲିଭର ନ ହୋଇପାରେ (ଉଦାହରଣ ପାଇଁ, ଯଦି ପ୍ରାପ୍ତକ ଅଫ୍‌ଲାଇନ୍ ଥାଆନ୍ତି), ଆମେ ତାହାକୁ ଏନ୍‌କ୍ରିପ୍ଟେଡ୍ ଆକାରରେ ଆମର ସର୍ଭରରେ 30 ଦିନ ପର୍ଯ୍ୟନ୍ତ ରଖିଥାଉ ଓ ଡେଲିଭର କରିବାର ଚେଷ୍ଟା ଜାରି ରଖୁ। ଯଦି 30 ଦିନ ପରେ ମଧ୍ୟ ମେସେଜ୍ ଡେଲିଭର ନ ହୋଇପାରିଲା, ତେବେ ଆମେ ତାହାକୁ ଡିଲିଟ୍ କରିଦେଉ।
  • ମିଡିଆ ଫର୍‌ୱାର୍ଡିଂ। ଯେବେ ଜଣେ ୟୁଜର ଏକ ମେସେଜ୍ ମଧ୍ୟରେ ମିଡିଆ ଫର୍‌ୱାର୍ଡିଂ କରନ୍ତି, ତେବେ ଅତିରିକ୍ତ ଫର୍‌ୱାର୍ଡଗୁଡ଼ିକର ଅଧିକ ଦକ୍ଷ ଡେଲିଭରୀ ପାଇଁ ଆମେ ସେହି ମିଡିଆକୁ ଅସ୍ଥାୟୀ ଭାବେ ଏନ୍‌କ୍ରିପ୍ଟେଡ୍ ଆକାରରେ ଆମ ସର୍ଭରରେ ଷ୍ଟୋର୍ କରି ରଖିଥାଉ।
    
    ଆମେ ଆମର ସେବାଗୁଡ଼ିକ ପାଇଁ ଏଣ୍ଡ-ଟୁ-ଏଣ୍ଡ ଏନ୍‌କ୍ରିପ୍ସନ୍ ପ୍ରଦାନ କରିଥାଉ। ଏଣ୍ଡ-ଟୁ-ଏଣ୍ଡ ଏନ୍‌କ୍ରିପ୍ସନ୍‌‌ର ଅର୍ଥ ହେଉଛି, ଆପଣଙ୍କ ମେସେଜ୍‌କୁ ଏନ୍‌କ୍ରିପ୍ଟ କରିଦିଆଯାଏ ଯାହାଦ୍ୱାରା ଆମେ କିମ୍ବା ତୃତୀୟ ପକ୍ଷ ତାହାକୁ ପଢ଼ିପାରିବେ ନାହିଁ। ଏଣ୍ଡ-ଟୁ-ଏନ୍‌କ୍ରିପ୍ସନ୍ ଏବଂ WhatsAppରେ ବ୍ୟବସାୟ ସଂସ୍ଥାଗୁଡ଼ିକ ଆପଣଙ୍କ କିପରି ଯୋଗାଯୋଗ କରିଥାନ୍ତି, ସେ ସମ୍ପର୍କରେ ଅଧିକ ଜାଣନ୍ତୁ।
• ଆପଣଙ୍କର କନେକ୍ସନ୍। ଯଦି ପ୍ରଯୁଜ୍ୟ ଆଇନ ଅନୁମତି ଦେଉଥାଏ, ତେବେ ଆପଣ ନିୟମିତ ଭାବେ ନିଜର ଆଡ୍ରେସ୍ ବୁକ୍ ମଧ୍ୟରୁ ସମ୍ପର୍କ ଏବଂ ସେମାନଙ୍କର ଫୋନ୍ ନମ୍ବର ଆମ ନିକଟରେ ଅପଲୋଡ୍ କରିପାରିବେ, ଯାହା ମଧ୍ୟରେ ଆମର ସେବା ବ୍ୟବହାର କରୁଥିବା ଏବଂ କରୁ ନ ଥିବା, ଉଭୟ ପ୍ରକାରର ସମ୍ପର୍କ ଅନ୍ତର୍ଭୁକ୍ତ ହୋଇପାରନ୍ତି। ଯଦି ଆପଣଙ୍କର କୌଣସି ସମ୍ପର୍କ ଏବେ ସୁଦ୍ଧା ଆମର ସେବାଗୁଡ଼ିକୁ ବ୍ୟବହାର କରୁ ନ ଥାନ୍ତି, ତେବେ ଆମେ ଏହି ସୂଚନାକୁ ଆପଣଙ୍କ ପାଇଁ ଏପରି ଭାବେ ମ୍ୟାନେଜ୍ କରିବୁ ଯାହାଦ୍ୱାରା ଏହା ସୁନିଶ୍ଚିତ ହେବ ଯେ, ଆମେ ସେହି ସମ୍ପର୍କମାନଙ୍କୁ ଚିହ୍ନଟ କରିପାରିବୁ ନାହିଁ। ଏଠାରେ ଆମର ସମ୍ପର୍କ ଅପଲୋଡ୍ ବିଶେଷତା ସମ୍ପର୍କରେ ଅଧିକ ଜାଣନ୍ତୁ। ଆପଣ ଗ୍ରୁପ୍ ଏବଂ ବ୍ରୋଡ୍‌କାଷ୍ଟ ଲିଷ୍ଟ ତିଆରି କରିପାରିବେ, ସେଥିରେ ଯୋଗ ଦେଇପାରିବେ, କିମ୍ବା ଆପଣଙ୍କୁ ସେଥିରେ ଯୋଗ କରାଯାଇପାରିବ, ଏବଂ ଏପରି ଗ୍ରୁପ୍ ଏବଂ ଲିଷ୍ଟଗୁଡ଼ିକ ଆପଣଙ୍କ ଏକାଉଣ୍ଟ୍ ସୂଚନା ସହିତ ସାମିଲ ହୋଇଯାଇଥାଏ। ଆପଣ ନିଜ ଗ୍ରୁପ୍‌କୁ ଏକ ନାମ ଦେଇପାରିବେ। ଆପଣ ଗ୍ରୁପ୍‌ର ପ୍ରୋଫାଇଲ ଫଟୋ କିମ୍ବା ବର୍ଣ୍ଣନା ଦେଇପାରିବେ।
• ଷ୍ଟାଟସ୍ ସୂଚନା। ଆପଣ ନିଜ ଏକାଉଣ୍ଟ୍ ଏକ ଷ୍ଟାଟସ୍ ଅନ୍ତର୍ଭୁକ୍ତ କରିବାକୁ ଚାହୁଁଥିଲେ, ଆପଣ ତାହା ଆମକୁ ଦେଇପାରନ୍ତି। Android, iPhone, କିମ୍ବା KaiOSରେ ଷ୍ଟାଟସ୍ କିପରି ବ୍ୟବହାର କରାଯିବ ତାହା ଜାଣନ୍ତୁ।
• ଟ୍ରାଞ୍ଜାକ୍ସନ୍ ଏବଂ ପେମେଣ୍ଟ ଡାଟା। ଯଦି ଆପଣ ଆମର ପେମେଣ୍ଟସ୍ ସେବା ବ୍ୟବହାର କରନ୍ତି, କିମ୍ବା ଆମର ସେବାକୁ କୌଣସି କ୍ରୟ ପାଇଁ କିମ୍ବା ଅନ୍ୟ ଆର୍ଥିକ ନେଣଦେଣ ପାଇଁ ବ୍ୟବହାର କରନ୍ତି, ତେବେ ଆମେ ଆପଣଙ୍କ ସମ୍ପର୍କରେ ଅତିରିକ୍ତ ସୂଚନା ପ୍ରୋସେସ୍ କରିଥାଉ, ଯାହା ମଧ୍ୟରେ ପେମେଣ୍ଟ ଏକାଉଣ୍ଟ୍ ଏବଂ ଟ୍ରାଞ୍ଜାକ୍ସନ୍ ସୂଚନା ଅନ୍ତର୍ଭୁକ୍ତ ଅଟେ। ପେମେଣ୍ଟ ଏକାଉଣ୍ଟ୍ ଏବଂ ଟ୍ରାଞ୍ଜାକ୍ସନ୍ ସୂଚନା ମଧ୍ୟରେ ଟ୍ରାଞ୍ଜାକ୍ସନକୁ ସମ୍ପୂର୍ଣ୍ଣ କରିବା ପାଇଁ ଆବଶ୍ୟକ ହେଉଥିବା ସୂଚନା ଅନ୍ତର୍ଭୁକ୍ତ ହୋଇଥାଏ (ଉଦାହରଣ ପାଇଁ, ଆପଣଙ୍କ ପେମେଣ୍ଟ ପଦ୍ଧତି, ଶିପିଂ ବିବରଣୀ ଏବଂ ଟ୍ରାଞ୍ଜାକ୍ସନର ପରିମାଣ)। ଯଦି ଆପଣ ଆପଣଙ୍କ ଦେଶ କିମ୍ବା କ୍ଷେତ୍ରରେ ଉପଲବ୍ଧ ଆମର ପେମେଣ୍ଟ ସେବାଗୁଡ଼ିକୁ ବ୍ୟବହାର କରନ୍ତି, ତେବେ ଆମର ଗୋପନୀୟତା ପ୍ରକ୍ରିୟା, ପ୍ରଯୁଜ୍ୟ ପେମେଣ୍ଟ ଗୋପନୀୟତା ନୀତିରେ ବର୍ଣ୍ଣିତ ଅଟେ।
• ଗ୍ରାହକ ସହାୟତା ଏବଂ ଅନ୍ୟାନ୍ୟ ଯୋଗାଯୋଗ। ଯେବେ ଆପଣ ଗ୍ରାହକ ସହାୟତା ପାଇଁ ଆମ ସହିତ ସମ୍ପର୍କ କରନ୍ତି କିମ୍ବା ଅନ୍ୟ କୌଣସି ଉଦ୍ଦେଶ୍ୟ ପାଇଁ ଆମ ସହିତ ଯୋଗାଯୋଗ କରନ୍ତି, ତେବେ ଆପଣ ଆମର ସେବାଗୁଡ଼ିକର ବ୍ୟବହାର ସମ୍ପର୍କିତ ସୂଚନା ଆମକୁ ଦେଇପାରନ୍ତି, ଯାହା ମଧ୍ୟରେ ଆପଣଙ୍କ ମେସେଜ୍‌ଗୁଡ଼ିକର କପି, ଆପଣ ଉଚିତ ମନେ କରୁଥିବା ଅନ୍ୟ ସହାୟକ ସୂଚନା, ଏବଂ ଆପଣଙ୍କ ସହିତ ସମ୍ପର୍କ କରିବାର ଉପାୟ (ଯେପରିକି ଇମେଲ୍ ଆଡ୍ରେସ୍) ଅନ୍ତର୍ଭୁକ୍ତ ହୋଇପାରେ। ଉଦାହରଣ ପାଇଁ, ଆପ୍‌ର କାର୍ଯ୍ୟ-ପ୍ରଦର୍ଶନ କିମ୍ବା ଅନ୍ୟାନ୍ୟ ସମସ୍ୟା ସମ୍ପର୍କିତ ସୂଚନା ସହିତ ଆପଣ ଆମକୁ ଏକ ଇମେଲ୍ ପଠାଇପାରନ୍ତି।

ସ୍ୱୟଂଚାଳିତ ଭାବେ ସଂଗୃହିତ ସୂଚନା

• ବ୍ୟବହାର ଏବଂ ଲଗ୍ ସମ୍ବନ୍ଧୀୟ ସୂଚନା। ଆମେ ଆମ ସେବାଗୁଡ଼ିକରେ ଆପଣଙ୍କର ଗତିବିଧି ସମ୍ବନ୍ଧୀୟ ସୂଚନା ସଂଗ୍ରହ କରିଥାଉ, ଯେପରିକି ସେବା-ସମ୍ବନ୍ଧୀୟ, ଡାଇଗ୍ନୋଷ୍ଟିକ୍, ଏବଂ କାର୍ଯ୍ୟ-ପ୍ରଦର୍ଶନ ସୂଚନା। ଏହା ମଧ୍ୟରେ ଆପଣଙ୍କ ଗତିବିଧି ସମ୍ବନ୍ଧୀୟ ସୂଚନା (ଆପଣ ଆମର ସେବାଗୁଡ଼ିକୁ କିପରି ବ୍ୟବହାର କରୁଛନ୍ତି, ଆପଣଙ୍କର ସେବା ସେଟିଂସ୍, ଆମର ସେବାଗୁଡ଼ିକୁ ବ୍ୟବହାର କରି ଆପଣ ଅନ୍ୟମାନଙ୍କ ସହ କିପରି ଇଣ୍ଟରଆକ୍ଟ କରୁଛନ୍ତି (ଯେଉଁଥିରେ ଆପଣଙ୍କର ବ୍ୟବସାୟ ସଂସ୍ଥା ସହ ଇଣ୍ଟରଆକ୍ଟ କରିବା ମଧ୍ୟ ସାମିଲ ଅଟେ), ଏବଂ ଆପଣଙ୍କ ଗତିବିଧି ଓ ଇଣ୍ଟରଆକ୍ସନ୍‌ର ସମୟ, ବାରମ୍ବାରତା, ଏବଂ ଅବଧି ସମେତ), ଲଗ୍ ଫାଇଲ୍, ଏବଂ ଡାଇଗ୍ନୋଷ୍ଟିକ୍, କ୍ରାଶ୍, ୱେବସାଇଟ୍, ଏବଂ କାର୍ଯ୍ୟ-ପ୍ରଦର୍ଶନ ଲଗ୍ ଏବଂ ରିପୋର୍ଟ ଅନ୍ତର୍ଭୁକ୍ତ ଅଟେ। ଏହା ମଧ୍ୟରେ ଅନେକ ଏପରି ସୂଚନା ମଧ୍ୟ ଅନ୍ତର୍ଭୁକ୍ତ ହୋଇଥାଏ, ଯେପରିକି ଆପଣ ଆମ ସେବାଗୁଡ଼ିକୁ ବ୍ୟବହାର କରିବା ପାଇଁ କେବେ ରେଜିଷ୍ଟର କରିଥିଲେ; ଆପଣ ବ୍ୟବହାର କରୁଥିବା ବିଶେଷତାଗୁଡ଼ିକ ଯେପରିକି ଆମର ମେସେଜିଂ, କଲିଂ, ଷ୍ଟାଟସ୍, ଗ୍ରୁପ୍ (ଗ୍ରୁପ୍‌ର ନାମ, ଗ୍ରୁପ୍‌ର ଫଟୋ, ଗ୍ରୁପ୍‌ର ବର୍ଣ୍ଣନା ସମେତ), ପେମେଣ୍ଟସ୍ କିମ୍ବା ବିଜ୍‌ନେସ୍ ବିଶେଷତା; ପ୍ରୋଫାଇଲ୍ ଫଟୋ, “ସମ୍ୱନ୍ଧରେ” ସୂଚନା; ଆପଣ ଅନ୍‌ଲାଇନ୍ ଅଛନ୍ତି କି ନାହିଁ, ଆପଣ ଶେଷ ଥର ଆମର ସେବାଗୁଡ଼ିକ କେବେ ବ୍ୟବହାର କରିଥିଲେ (ଆପଣଙ୍କର “ଶେଷ ଥର ଦେଖାଦେଇଥିଲେ”); ଏବଂ ଆପଣ “ସମ୍ୱନ୍ଧରେ” ସୂଚନାକୁ ଶେଷ ଥର କେବେ ଅପଡେଟ୍ କରିଥିଲେ।
• ଡିଭାଇସ୍ ଏବଂ କନେକ୍ସନ୍ ସୂଚନା। ଆମର ସେବାଗୁଡ଼ିକୁ ଇନଷ୍ଟଲ୍, ଆକ୍ସେସ୍, କିମ୍ବା ବ୍ୟବହାର କଲେ ଆମେ ଡିଭାଇସ୍ ଏବଂ କନେକ୍ସନ୍-ବିନିର୍ଦ୍ଦିଷ୍ଟ ସୂଚନା ସଂଗ୍ରହ କରିଥାଉ। ଏଥିରେ ହାର୍ଡୱେର୍ ମଡେଲ, ଅପରେଟିଂ ସିଷ୍ଟମ୍ ସୂଚନା, ବ୍ୟାଟେରୀ ଲେଭଲ୍, ସିଗ୍‌ନାଲ୍ ବଳ, ଆପ୍ ଭର୍ସନ୍, ବ୍ରାଉଜର ସୂଚନା, ମୋବାଇଲ୍ ନେଟ୍‌ୱର୍କ, କନେକ୍ସନ୍ ସୂଚନା (ଫୋନ୍ ନମ୍ବର, ମୋବାଇଲ୍ ଅପରେଟର କିମ୍ବା ISP ସମେତ), ଭାଷା ଏବଂ ଟାଇମ୍ ଜୋନ୍, IP ଆଡ୍ରେସ୍, ଡିଭାଇସ୍ ପରିଚାଳନା ସୂଚନା ଏବଂ ଆଇଡେଣ୍ଟିଫାୟର୍ (ସମାନ ଡିଭାଇସ୍ କିମ୍ବା ଏକାଉଣ୍ଟ୍ ସହିତ ଜଡ଼ିତ Meta Company ଉତ୍ପାଦ‌‌ର ୟୁନିକ୍ ଆଇଡେଣ୍ଟିଫାୟର୍ ସମେତ) ଅନ୍ତର୍ଭୁକ୍ତ ଅଟେ।
• ଲୋକେସନ୍‍ ସମ୍ବନ୍ଧୀୟ ସୂଚନା। ଆପଣ ଯେବେ ଲୋକେସନ୍‍-ସମ୍ବନ୍ଧୀୟ ବିଶେଷତା ବ୍ୟବହାର କରିବାର ବିକଳ୍ପ ବାଛନ୍ତି, ଯେପରିକି ନିଜ ସମ୍ପର୍କଙ୍କ ସହିତ ନିଜର ଲୋକେସନ୍‍ ସେୟାର୍ କରିବା କିମ୍ବା ଆଖପାଖର ଲୋକେସନ୍‍ ଦେଖିବା କିମ୍ବା ଅନ୍ୟମାନେ ଆପଣଙ୍କୁ ସେୟାର୍ କରିଥିବା ଲୋକେସନ୍‍ ଦେଖିବାର ନିଷ୍ପତ୍ତି ନିଅନ୍ତି, ତେବେ ଆମେ ଆପଣଙ୍କ ଅନୁମତି ସହିତ ଆପଣଙ୍କ ଡିଭାଇସ୍‌ରୁ ସଠିକ୍ ଲୋକେସନ୍‍ ସୂଚନାକୁ ସଂଗ୍ରହ ଏବଂ ବ୍ୟବହାର କରିଥାଉ। ଲୋକେସନ୍‍-ସମ୍ବନ୍ଧୀୟ ସୂଚନା ବାବଦରେ ନିର୍ଦ୍ଦିଷ୍ଟ କେତେକ ସେଟିଂସ୍ ଅଛି, ଯାହା ଆପଣଙ୍କୁ ଆପଣଙ୍କର ଡିଭାଇସ୍ ସେଟିଂସ୍‌ କିମ୍ବା ଇନ୍-ଆପ୍ ସେଟିଂସ୍‌ରେ ମିଳିପାରିବ, ଯେପରିକି ଲୋକେସନ୍‍ ସେୟାରିଂ। ଆପଣ ଆମର ଲୋକେସନ୍‍-ସମ୍ବନ୍ଧୀୟ ବିଶେଷତା ବ୍ୟବହାର କରୁ ନ ଥିଲେ ମଧ୍ୟ, ଆମେ ଆପଣଙ୍କର ସାଧାରଣ ଲୋକେସନ୍‍ (ଯଥା, ସହର ଓ ଦେଶ)କୁ ଆକଳନ କରିବା ପାଇଁ IP ଆଡ୍ରେସ୍ ଏବଂ ଫୋନ୍ ନମ୍ବର ଏରିଆ କୋଡ୍ ଭଳି ଅନ୍ୟାନ୍ୟ ସୂଚନାକୁ ବ୍ୟବହାର କରିଥାଉ। ଆମେ ଡାଇଗ୍ନୋଷ୍ଟିକ୍ସ ଏବଂ ସମସ୍ୟା ସମାଧାନ ଉଦ୍ଦେଶ୍ୟ ପାଇଁ ମଧ୍ୟ ଆପଣଙ୍କର ଲୋକେସନ୍‍ ସୂଚନାକୁ ବ୍ୟବହାର କରିଥାଉ।
• କୁକିଜ୍। ଆମର ସେବାକୁ ସଂଚାଳିତ କରିବା ଏବଂ ସେବାଗୁଡ଼ିକୁ ଉପଲବ୍ଧ କରାଇବା ପାଇଁ ଆମେ କୁକିଜ୍ ବ୍ୟବହାର କରିଥାଉ, ଯାହା ମଧ୍ୟରେ ୱେବ୍-ଆଧାରିତ ସେବା, ଆପଣଙ୍କର ଅନୁଭୂତିକୁ ଉନ୍ନତ କରିବା, ଆମର ସେବାଗୁଡ଼ିକ କିପରି ବ୍ୟବହୃତ ହେଉଛି ତାହା ବୁଝିବା, ଏବଂ ସେଗୁଡ଼ିକୁ କଷ୍ଟମାଇଜ୍ କରିବା ଅନ୍ତର୍ଭୁକ୍ତ ଅଟେ। ଉଦାହରଣ ପାଇଁ, ଆମେ ୱେବ୍ ଏବଂ ଡେସ୍କଟପ୍ ଏବଂ ଅନ୍ୟ ୱେବ୍-ଆଧାରିତ ସେବାଗୁଡ଼ିକ ନିମନ୍ତେ ଆମର ସେବାଗୁଡ଼ିକୁ ଉପଲବ୍ଧ କରାଇବା ପାଇଁ କୁକିଜ୍ ବ୍ୟବହାର କରିଥାଉ। ଆମର ସହାୟତା କେନ୍ଦ୍ର ଆଲେଖ୍ୟଗୁଡ଼ିକ ମଧ୍ୟରୁ କେଉଁଟି ସର୍ବାଧିକ ଲୋକପ୍ରିୟ ତାହା ବୁଝିବା ଏବଂ ଆମ ସେବାଗୁଡ଼ିକ ସମ୍ବନ୍ଧରେ ଆପଣଙ୍କୁ ପ୍ରାସଙ୍ଗିକ କଣ୍ଟେଣ୍ଟ ପ୍ରଦର୍ଶିତ କରିବା ପାଇଁ ମଧ୍ୟ କୁକିଜ୍ ବ୍ୟବହାର କରିପାରୁ। ଅତିରିକ୍ତ ଭାବେ, ଆମେ ଆପଣଙ୍କ ପସନ୍ଦ ଯେପରିକି ଆପଣଙ୍କ ଭାଷା ପସନ୍ଦକୁ ମନେ ରଖିବା, ଏକ ସୁରକ୍ଷିତ ଅନୁଭୂତି ଯୋଗାଇବା, ଏବଂ ଆପଣଙ୍କ ପାଇଁ ଆମର ସେବାଗୁଡ଼ିକୁ ଅନ୍ୟଥା କଷ୍ଟମାଇଜ୍ କରିବା ପାଇଁ ମଧ୍ୟ କୁକିଜ୍ ବ୍ୟବହାର କରିପାରୁ। ଆପଣଙ୍କୁ ଆମର ସେବାଗୁଡ଼ିକ ଯୋଗାଇବା ପାଇଁ ଆମେ କିପରି କୁକିଜ୍ ବ୍ୟବହାର କରିଥାଉ ସେ ସମ୍ପର୍କରେ ଅଧିକ ଜାଣନ୍ତୁ।

ଉପରକୁ ଫେରନ୍ତୁ

• ଅନ୍ୟମାନଙ୍କ ଦ୍ୱାରା ଆପଣଙ୍କ ସମ୍ୱନ୍ଧରେରେ ଦିଆଯାଉଥିବା ସୂଚନା। ଆମେ ଅନ୍ୟ ୟୁଜରମାନଙ୍କ ଠାରୁ ଆପଣଙ୍କ ସମ୍ୱନ୍ଧରେରେ ସୂଚନା ପ୍ରାପ୍ତ କରିଥାଉ। ଉଦାହରଣ ପାଇଁ, ଯେବେ ଆପଣଙ୍କ ପରିଚିତ ଅନ୍ୟ ୟୁଜର୍ସ ଆମର ସେବାଗୁଡ଼ିକୁ ବ୍ୟବହାର କରନ୍ତି, ସେମାନେ ଆପଣଙ୍କର ଫୋନ୍ ନମ୍ବର, ନାମ, ଏବଂ ଅନ୍ୟାନ୍ୟ ସୂଚନା (ଯେପରିକି ସେମାନଙ୍କ ମୋବାଇଲ ଆଡ୍ରେସ୍ ବୁକ୍‌ରୁ ସୂଚନା) ଦେଇପାରନ୍ତି, ଠିକ୍ ସେହିପରି ଯେପରି ଆପଣ ସେମାନଙ୍କର ସୂଚନା ଦେଇପାରନ୍ତି। ସେମାନେ ମଧ୍ୟ ଆପଣଙ୍କୁ ମେସେଜ୍ ପଠାଇପାରନ୍ତି, ଆପଣ ଜଡ଼ିତ ରହିଥିବା ଗ୍ରୁପ୍‌କୁ ମେସେଜ୍ ପଠାଇପାରନ୍ତି, କିମ୍ବା ଆପଣଙ୍କୁ କଲ୍ କରିପାରନ୍ତି। ଆମେ ଏହା ଆବଶ୍ୟକ କରିଥାଉ ଯେ, ଆମକୁ କୌଣସି ସୂଚନା ଦେବା ପୂର୍ବରୁ, ଆପଣଙ୍କ ସୂଚନାକୁ ସଂଗ୍ରହ, ବ୍ୟବହାର, ଏବଂ ସେୟାର୍‌ କରିବା ପାଇଁ ଏପରି ପ୍ରତ୍ୟେକ ୟୁଜରଙ୍କର ଆଇନଗତ ଅଧିକାର ରହିବା ଜରୁରୀ ଅଟେ।
  ଆପଣ ଏହା ଧ୍ୟାନରେ ରଖିବା ଆବଶ୍ୟକ ଯେ, ସାଧାରଣ ଭାବେ ଯେକୌଣସି ଉପଭୋକ୍ତା ଆପଣଙ୍କ ଚ୍ୟାଟ୍ କିମ୍ବା ମେସେଜ୍‌ଗୁଡ଼ିକର ସ୍କ୍ରିନଶଟ୍ ନେଇପାରନ୍ତି କିମ୍ବା ତାଙ୍କ ସହିତ ଆପଣଙ୍କ କଲ୍‌କୁ ରେକର୍ଡିଂ କରିପାରନ୍ତି ଏବଂ ତାହାକୁ WhatsApp କିମ୍ବା ଅନ୍ୟ କୌଣସି ବ୍ୟକ୍ତିଙ୍କୁ ପଠାଇପାରନ୍ତି, କିମ୍ବା ତାହାକୁ ଅନ୍ୟ କୌଣସି ପ୍ଲାଟଫର୍ମରେ ପୋଷ୍ଟ୍ କରିପାରନ୍ତି।
  
• ଉପଭୋକ୍ତା ରିପୋର୍ଟ। ଠିକ୍ ଯେମିତି ଆପଣ ଅନ୍ୟ ଉପଭୋକ୍ତାଙ୍କୁ ରିପୋର୍ଟ କରିପାରିବେ, ସେହିଭଳି ଅନ୍ୟ ଉପଭୋକ୍ତା କିମ୍ବା ତୃତୀୟ ପକ୍ଷମାନେ ମଧ୍ୟ ଆମ ସେବାଗୁଡ଼ିକରେ ସେମାନଙ୍କ ସହିତ କିମ୍ବା ଅନ୍ୟ ବ୍ୟବହାରକାରୀମାନେ ସହ ହୋଇଥିବା ଆପଣଙ୍କର ଇଣ୍ଟରଆକ୍ସନ ଏବଂ ଆପଣ ସେମାନଙ୍କୁ ପଠାଇଥିବା ମେସେଜ୍ ସମ୍ୱନ୍ଧରେ ଆମକୁ ରିପୋର୍ଟ କରିପାରିବେ; ଉଦାହରଣ ପାଇଁ, ଆମର ସର୍ତ୍ତାବଳୀ କିମ୍ବା ନୀତିର ସମ୍ଭାବ୍ୟ ଉଲ୍ଲଂଘନକୁ ରିପୋର୍ଟ କରିବା ପାଇଁ। ରିପୋର୍ଟ କରାଗଲେ, ଆମେ ଉଭୟ ରିପୋର୍ଟ କରିଥିବା ଉପଭୋକ୍ତା ଏବଂ ରିପୋର୍ଟ କରାଯାଇଥିବା ୟୁଜରଙ୍କ ସମ୍ପର୍କରେ ସୂଚନା ସଂଗ୍ରହ କରିଥାଉ। ଏକ ଉପଭୋକ୍ତା ରିପୋର୍ଟ କରାଗଲେ କ’ଣ ଘଟିଥାଏ, ସେ ସମ୍ୱନ୍ଧରେରେ ଅଧିକ ଜାଣିବା ପାଇଁ ଦୟାକରି ଉନ୍ନତ ସୁରକ୍ଷା ଏବଂ ନିରାପତ୍ତା ବୈଶିଷ୍ଟ୍ୟାବଳୀ ଦେଖନ୍ତୁ।
• WhatsAppରେ ବ୍ୟବସାୟ ସଂସ୍ଥା। ଆମର ସେବାଗୁଡ଼ିକୁ ବ୍ୟବହାର କରି ଆପଣ ଯେଉଁ ବ୍ୟବସାୟ ସଂସ୍ଥାଗୁଡ଼ିକ ସହିତ ଇଣ୍ଟରଆକ୍ଟ କରିଥିବେ, ସେମାନଙ୍କ ଠାରୁ ଆମକୁ ଆପଣଙ୍କ ସହିତ ହୋଇଥିବା ଇଣ୍ଟରଆକ୍ସନ୍ ସମ୍ପର୍କିତ ସୂଚନା ମିଳିପାରେ। ଏପରି ପ୍ରତ୍ୟେକ ବ୍ୟବସାୟ ସଂସ୍ଥା ଆମକୁ ସୂଚନା ଦେବା ପୂର୍ବରୁ ଯେପରି ପ୍ରଯୁଜ୍ୟ ଆଇନର ଅନୁପାଳନ କରନ୍ତି, ଏହା ଆମେ ଆବଶ୍ୟକ କରିଥାଉ।
  WhatsAppରେ କୌଣସି ବ୍ୟବସାୟ ସଂସ୍ଥାକୁ ମେସେଜ୍ ପଠାଇବା ସମୟରେ, ଏହା ଧ୍ୟାନରେ ରଖନ୍ତୁ ଯେ ଆପଣ ସେୟାର୍ କରୁଥିବା କଣ୍ଟେଣ୍ଟକୁ ସେହି ବ୍ୟବସାୟ ସଂସ୍ଥାର ଅନେକ ଲୋକ ଦେଖିପାରନ୍ତି। ଏହା ଅତିରିକ୍ତ, ଗ୍ରାହକମାନଙ୍କ ସହିତ ସେମାନଙ୍କର ଯୋଗାଯୋଗକୁ ମ୍ୟାନେଜ୍ କରିବା ପାଇଁ କେତେକ ବ୍ୟବସାୟ ସଂସ୍ଥା ତୃତୀୟ-ପକ୍ଷ ସେବା ପ୍ରଦାନକାରୀଙ୍କ ସହ କାମ କରୁଥାଇପାରନ୍ତି (ଯାହା ମଧ୍ୟରେ Meta ଅନ୍ତର୍ଭୁକ୍ତ ହୋଇପାରେ)। ଉଦାହରଣ ପାଇଁ, ଏକ ବ୍ୟବସାୟ ସଂସ୍ଥା ଏପରି ତୃତୀୟ-ପକ୍ଷ ସେବା ପ୍ରଦାନକାରୀଙ୍କୁ ବ୍ୟବସାୟ ପାଇଁ ଯୋଗାଯୋଗ ପଠାଇବା, ଷ୍ଟୋର୍ କରିବା, ପଢ଼ିବା, ମ୍ୟାନେଜ୍ କରିବା, କିମ୍ବା ଅନ୍ୟ କୌଣସି ଉପାୟରେ ପ୍ରୋସେସ୍ କରିବା ପାଇଁ ଆକ୍ସେସ୍ ଦେଇପାରନ୍ତି। ଏକ ବ୍ୟବସାୟ ସଂସ୍ଥା ଆପଣଙ୍କ ସୂଚନାକୁ କିପରି ଭାବେ ପ୍ରୋସେସ୍ କରିଥାଏ, ତା’ ସହିତ ତୃତୀୟ ପକ୍ଷ କିମ୍ବା Meta ସହିତ ଆପଣଙ୍କ ସୂଚନାକୁ କିପରି ସେୟାର୍ କରିପାରେ ତାହା ବୁଝିବା ପାଇଁ, ଆପଣ ସେହି ବ୍ୟବସାୟ ସଂସ୍ଥାର ଗୋପନୀୟତା ନୀତି ପଢ଼ିବା କିମ୍ବା ସିଧାସଳଖ ସେହି ବ୍ୟବସାୟ ସଂସ୍ଥା ସହିତ ସମ୍ପର୍କ କରିବା ଉଚିତ।
  
• ତୃତୀୟ-ପକ୍ଷ ସେବା ପ୍ରଦାନକାରୀ। ଆମର ସେବାଗୁଡ଼ିକୁ ସଂଚାଳନ କରିବା, ଉପଲବ୍ଧ କରିବା, ଉନ୍ନତ କରିବା, ବୁଝିବା, କଷ୍ଟମାଇଜ୍ କରିବା, ସେବା ବାବଦୀୟ ସହାୟତା ପ୍ରଦାନ କରିବା, ଏବଂ ମାର୍କେଟିଂ କରିବାରେ ସହାୟତା ପାଇଁ ଆମେ ତୃତୀୟ-ପକ୍ଷ ସେବା ପ୍ରଦାନକାରୀ ଏବଂ ଅନ୍ୟାନ୍ୟ Meta Companies ସହିତ କାମ କରିଥାଉ। ଉଦାହରଣ ପାଇଁ, ଆମେ ଆମର ଆପ୍ସକୁ ବିତରଣ କରିବା; ଆମର ବୈଷୟିକ ଏବଂ ଫିଜିକାଲ ଇନ୍‌ଫ୍ରାଷ୍ଟ୍ରକ୍ସର, ଏବଂ ଅନ୍ୟାନ୍ୟ ପ୍ରଣାଳୀ ଉପଲବ୍ଧ କରାଇବା; ଇଞ୍ଜିନିୟରିଂ ସପୋର୍ଟ, ସାଇବର୍ ସିକ୍ୟୁରିଟି ସପୋର୍ଟ, ଅପରେଶନାଲ୍ ସପୋର୍ଟ ଉପଲବ୍ଧ କରାଇବା; ଲୋକେସନ୍‍, ମ୍ୟାପ୍, ଏବଂ ସ୍ଥାନଗୁଡ଼ିକର ସୂଚନା ଯୋଗାଇବା; ପେମେଣ୍ଟଗୁଡ଼ିକୁ ପ୍ରୋସେସ୍ କରିବା; ଲୋକମାନେ ଆମର ସେବାଗୁଡ଼ିକୁ କିପରି ବ୍ୟବହାର କରୁଛନ୍ତି ତାହା ବୁଝିବାରେ ଆମକୁ ସାହାଯ୍ୟ କରିବା; ଆମର ସେବାଗୁଡ଼ିକର ମାର୍କେଟିଂ କରିବା; ଆମର ସେବାଗୁଡ଼ିକୁ ବ୍ୟବହାର କରୁଥିବା ବ୍ୟବସାୟ ସଂସ୍ଥାଗୁଡ଼ିକ ସହିତ କନେକ୍ଟ କରିବାରେ ଆପଣଙ୍କୁ ସାହାଯ୍ୟ କରିବା; ଆମ ପାଇଁ ସର୍ଭେ ଏବଂ ଗବେଷଣା ସଂଚାଳନ କରିବା; ସୁରକ୍ଷା, ନିରାପତ୍ତା, ଏବଂ ଅଖଣ୍ଡତାକୁ ସୁନିଶ୍ଚିତ କରିବା; ଏବଂ ଗ୍ରାହକ ସେବାରେ ସାହାଯ୍ୟ କରିବା ନିମନ୍ତେ ସେମାନଙ୍କ ସହିତ କାମ କରିଥାଉ। ଏହି କମ୍ପାନୀଗୁଡ଼ିକ କେତେକ ପରିସ୍ଥିତିରେ ଆମକୁ ଆପଣଙ୍କ ସମ୍ୱନ୍ଧରେ ସୂଚନା ଦେଇପାରନ୍ତି; ଉଦାହରଣ ପାଇଁ, ଆପ୍ ଷ୍ଟୋର୍ ଆମକୁ ସେବା ସମସ୍ୟାକୁ ଚିହ୍ନଟ କରିବା ତଥା ସଜାଡ଼ିବା ସାହାଯ୍ୟ କରିବା ପାଇଁ ଆମକୁ ରିପୋର୍ଟ ଦେଇପାରେ।
  ତଳେ “ଆମେ ଅନ୍ୟାନ୍ୟ Meta Companies ସହିତ କିପରି କାମ କରିଥାଉ” ବିଭାଗ ଏ ସମ୍ୱନ୍ଧରେ ଅଧିକ ସୂଚନା ଦେଇଥାଏ ଯେ, WhatsApp କିପରି ଭାବେ ସୂଚନାକୁ ସଂଗ୍ରହ କରିଥାଏ ଏବଂ ଅନ୍ୟ Meta Companies ସହିତ ସେୟାର୍ କରିଥାଏ।
  
• ତୃତୀୟ-ପକ୍ଷ ସେବାଗୁଡ଼ିକ। ଆମେ ଆପଣଙ୍କୁ ତୃତୀୟ-ପକ୍ଷ ସେବା ଏବଂ Meta Company ଉତ୍ପାଦ ସହିତ ମିଶାଇ ଆମର ସେବାଗୁଡ଼ିକୁ ବ୍ୟବହାର କରିବାର ଅନୁମତି ଦେଇଥାଉ। ଯଦି ଆପଣ ଏପରି ତୃତୀୟ-ପକ୍ଷ ସେବାଗୁଡ଼ିକ କିମ୍ବା Meta Company ଉତ୍ପାଦ ସହିତ ଆମର ସେବାଗୁଡ଼ିକୁ ବ୍ୟବହାର କରନ୍ତି, ତେବେ ଆମେ ସେମାନଙ୍କ ଠାରୁ ଆପଣଙ୍କ ସମ୍ପର୍କରେ ଅତିରିକ୍ତ ସୂଚନା ପ୍ରାପ୍ତ କରିପାରୁ; ଉଦାହରଣ ପାଇଁ, ଯଦି ଆପଣ ଏକ ନ୍ୟୁଜ୍ ସେବାରେ ଦିଆଯାଇଥିବା WhatsApp ସେୟାର୍‌ ବଟନ୍ ବ୍ୟବହାର କରି ଏକ ନ୍ୟୁଜ୍ ଆଲେଖ୍ୟକୁ ଆମ ସେବାରେ ନିଜର WhatsApp ସମ୍ପର୍କ, ଗ୍ରୁପ୍, କିମ୍ବା ବ୍ରୋଡ୍‌‌କାଷ୍ଟ ଲିଷ୍ଟ ସହିତ ସେୟାର୍ କରନ୍ତି କିମ୍ବା ଯଦି ଆପଣ କୌଣସି ମୋବାଇଲ କ୍ୟାରିୟର୍ କିମ୍ବା ଡିଭାଇସ୍ ପ୍ରଦାନକାରୀଙ୍କ ଦ୍ୱାରା ଆମ ସେବାଗୁଡ଼ିକର ପ୍ରଚାର ମାଧ୍ୟମରେ ଆମର ସେବାଗୁଡ଼ିକୁ ଆକ୍ସେସ୍ କରିବା ପାଇଁ ବାଛନ୍ତି। ଦୟାକରି ଧ୍ୟାନରେ ରଖନ୍ତୁ ଯେ, ଆପଣ ଯେବେ ତୃତୀୟ-ପକ୍ଷ ସେବା କିମ୍ବା Meta Company ଉତ୍ପାଦ ବ୍ୟବହାର କରନ୍ତି, ତେବେ ସେହି ସେବା ଏବଂ ପ୍ରଡକ୍ଟଗୁଡ଼ିକକୁ ଆପଣଙ୍କ ବ୍ୟବହାର ଉପରେ ସେମାନଙ୍କର ନିଜସ୍ୱ ସର୍ତ୍ତାବଳୀ ଏବଂ ଗୋପନୀୟତା ନୀତି ଲାଗୁ ହେବ।

ଉପରକୁ ଫେରନ୍ତୁ

ଆମେ ଆମର ସେବାଗୁଡ଼ିକୁ ସଂଚାଳନ କରିବା, ଉପଲବ୍ଧ କରାଇବା, ଉନ୍ନତ କରିବା, ବୁଝିବା, କଷ୍ଟମାଇଜ୍ କରିବା, ସେବାଗୁଡ଼ିକ ପାଇଁ ସହାୟତା ଯୋଗାଇବା, ଏବଂ ମାର୍କେଟିଂ କରିବା ପାଇଁ ଆମ ନିକଟରେ ଉପଲବ୍ଧ ଥିବା ସୂଚନାକୁ ବ୍ୟବହାର କରିଥାଉ (ଯାହା ଆପଣଙ୍କ ଦ୍ୱାରା କରାଯାଇଥିବା ପସନ୍ଦ ଏବଂ ପ୍ରଯୁଜ୍ୟ ଆଇନ ଉପରେ ନିର୍ଭରଶୀଳ)। ଜାଣନ୍ତୁ କିପରି:

• ଆମର ସେବାଗୁଡ଼ିକ। ଆମେ ଆମ ନିକଟରେ ଉପଲବ୍ଧ ସୂଚନାକୁ ଆମର ସେବାଗୁଡ଼ିକୁ ସଂଚାଳନ କରିବା ତଥା ଉପଲବ୍ଧ କରାଇବା ପାଇଁ ବ୍ୟବହାର କରିଥାଉ, ଯାହା ମଧ୍ୟରେ ଗ୍ରାହକ ସହାୟତା ଯୋଗାଇବା; କ୍ରୟ କିମ୍ବା ଟ୍ରାଞ୍ଜାକ୍ସନ୍ ସମ୍ପୂର୍ଣ୍ଣ କରିବା; ଆମର ସେବାଗୁଡ଼ିକୁ ଉନ୍ନତ କରିବା, ସଜାଡ଼ିବା, ଏବଂ କଷ୍ଟମାଇଜ୍ କରିବା; ଏବଂ ଆମର ସେବାଗୁଡ଼ିକୁ ଆପଣ ବ୍ୟବହାର କରିବାର ସମ୍ଭବନା ଥିବାା Meta Company ଉତ୍ପାଦ ସହିତ ଯୋଡ଼ିବା ଅନ୍ତର୍ଭୁକ୍ତ ଅଟେ। ଆମେ ଆମ ନିକଟରେ ଉପଲବ୍ଧ ସୂଚନାକୁ ଲୋକମାନେ କିପରି ଭାବେ ଆମର ସେବାଗୁଡ଼ିକୁ ବ୍ୟବହାର କରୁଛନ୍ତି ତାହା ବୁଝିବା; ଆମର ସେବାଗୁଡ଼ିକର ମୂଲ୍ୟାୟନ କରିବା ଓ ଉନ୍ନତ କରିବା; ନୂଆ ସେବା ଏବଂ ବୈଶିଷ୍ଟ୍ୟାବଳରୀ ଗବେଷଣା, ବିକାଶ ଏବଂ ପରୀକ୍ଷା କରିବା; ଏବଂ ସମସ୍ୟା ସମାଧାନ ସମ୍ବନ୍ଧୀୟ ଗତିବିଧି ସଞ୍ଚାଳନ ପାଇଁ ମଧ୍ୟ ବ୍ୟବହାର କରିଥାଉ। ଆପଣ ଆମ ସହିତ ସମ୍ପର୍କ କଲେ, ଆପଣଙ୍କୁ ଉତ୍ତର ଦେବା ପାଇଁ ମଧ୍ୟ ଆମେ ଆପଣଙ୍କ ସୂଚନାକୁ ବ୍ୟବହାର କରିଥାଉ।
• ସୁରକ୍ଷା, ନିରାପତ୍ତା ଏବଂ ଅଖଣ୍ଡତା। ସୁରକ୍ଷା, ନିରାପତ୍ତା, ଏବଂ ଅଖଣ୍ଡତା ଆମ ସେବାଗୁଡ଼ିକର ଅବିଚ୍ଛେଦ୍ୟ ଅଂଶ ଅଟେ। ଆମେ ଆମ ନିକଟରେ ଉପଲବ୍ଧ ଥିବା ସୂଚନାକୁ ଏକାଉଣ୍ଟ୍ ଓ ଗତିବିଧିକୁ ଯାଞ୍ଚ କରିବା; କ୍ଷତିକାରକ ଆଚରଣ ସହିତ ଲଢ଼ିବା; ବ୍ୟବହାରକାରୀମାନଙ୍କୁ ଖରାପ ଅନୁଭୂତି ଏବଂ ସ୍ପାମ୍‌ରୁ ସୁରକ୍ଷିତ ରଖିବା; ଏବଂ ଆମ ସେବାଗୁଡ଼ିକ ମଧ୍ୟରେ ଏବଂ ବାହାରେ ସୁରକ୍ଷା, ନିରାପତ୍ତା, ଏବଂ ଅଖଣ୍ଡତାକୁ ପ୍ରୋତ୍ସାହିତ କରିବା, ଯେପରିକି ସନ୍ଦିଗ୍ଧ ଗତିବିଧି କିମ୍ବା ଆମର ସର୍ତ୍ତାବଳୀ ଓ ନୀତିର ଉଲ୍ଲଂଘନଗୁଡ଼ିକର ତଦନ୍ତ କରିବା, ଏବଂ ଆମର ସେବାଗୁଡ଼ିକ ଯେପରି ଆଇନସମ୍ମତ ଭାବେ ବ୍ୟବହୃତ ହେଉଛି ତାହା ସୁନିଶ୍ଚିତ କରିବା ପାଇଁ ବ୍ୟବହାର କରିଥାଉ। ଅଧିକ ସୂଚନା ପାଇଁ ତଳେ ଆଇନ, ଆମର ଅଧିକାର ଏବଂ ସୁରକ୍ଷା ବିଭାଗ ଦେଖନ୍ତୁ।
• ଆମର ସେବା ଏବଂ Meta Companies ସମ୍ୱନ୍ଧରେ ଯୋଗାଯୋଗ । ଆମେ ଆମ ନିକଟରେ ଉପଲବ୍ଧ ଥିବା ସୂଚନାକୁ ଆମର ସେବାଗୁଡ଼ିକ ସମ୍ପର୍କରେ ଆପଣଙ୍କ ସହ ଯୋଗାଯୋଗ କରିବା ଏବଂ ଆମର ସର୍ତ୍ତାବଳୀ, ନୀତି, ଏବଂ ଅନ୍ୟ ଗୁରୁତ୍ୱପୂର୍ଣ୍ଣ ଅପଡଟ୍‌ଗୁଡ଼ିକ ସମ୍ପର୍କରେ ଆପଣଙ୍କୁ ସୂଚିତ କରିବା ପାଇଁ ବ୍ୟବହାର କରିଥାଉ। ଆମେ ଆମର ସେବାଗୁଡ଼ିକ ଏବଂ Meta Companiesର ସେବାଗୁଡ଼ିକର ମାର୍କେଟିଂ କରିପାରୁ।
• କୌଣସି ତୃତୀୟ-ପକ୍ଷ ବ୍ୟାନର୍ ବିଜ୍ଞାପନ ନାହିଁ। ଆମେ ଏବେ ବି ଆମ ସେବାଗୁଡ଼ିକରେ ତୃତୀୟ-ପକ୍ଷ ବ୍ୟାନର୍ ବିଜ୍ଞାପନକୁ ଅନୁମତି ପ୍ରଦାନ କରୁନାହୁଁ। ତାହା ଆରମ୍ଭ କରିବା ପାଇଁ ମଧ୍ୟ ଆମର କୌଣସି ଯୋଜନା ନାହିଁ, କିନ୍ତୁ ଯଦି କେବେ ଆମେ ତାହା କରୁ, ଆମେ ଏହି ଗୋପନୀୟତା ନୀତିକୁ ଅପଡେଟ୍ କରିବୁ।
• ବ୍ୟବସାୟ ସଂସ୍ଥା ସହିତ ଇଣ୍ଟରଆକ୍ସନ୍। ଆମେ ଆପଣ ଏବଂ ତୃତୀୟ ପକ୍ଷ, ଯେପରିକି ବ୍ୟବସାୟ ସଂସ୍ଥା, ମଧ୍ୟରେ ଆମର ସେବା ଯେପରିକି WhatsAppରେ ବ୍ୟବସାୟ ସଂସ୍ଥାଗୁଡ଼ିକ ପାଇଁ କ୍ୟାଟାଲଗ୍ ମାଧ୍ୟମରେ ପରସ୍ପର ସହ ଯୋଗାଯୋଗ ଏବଂ ଇଣ୍ଟରଆକ୍ଟ କରିବାର ସୁବିଧା ଯୋଗାଇଥାଉ, ଯାହା ମାଧ୍ୟମରେ ଆପଣ ପ୍ରଡକ୍ଟ ଏବଂ ସେବାଗୁଡ଼ିକୁ ବ୍ରାଉଜ୍ କରିପାରିବେ ଏବଂ ଅର୍ଡର ଦେଇପାରିବେ। ବ୍ୟବସାୟ ସଂସ୍ଥାଗୁଡ଼ିକ ଆପଣଙ୍କୁ ଟ୍ରାଞ୍ଜାକ୍ସନ୍, ଆପଏଣ୍ଟମେଣ୍ଟ, ଏବଂ ଶିପିଂ ସମ୍ବନ୍ଧୀୟ ନୋଟିଫିକେସନ୍; ପ୍ରଡକ୍ଟ ଏବଂ ସେବା ସମ୍ବନ୍ଧୀୟ ଅପଡେଟ୍; ଏବଂ ମାର୍କେଟିଂ ସମ୍ବନ୍ଧୀୟ ମେସେଜ୍ ପଠାଇପାରନ୍ତି। ଉଦାହରଣ ପାଇଁ, ଆପଣ ନିଜର ଆଗାମୀ ଯାତ୍ରା ପାଇଁ ଫ୍ଲାଇଟ୍ ସ୍ଥିତି ସୂଚନା, ଆପଣ କିଣିଥିବା କୌଣସି ଜିନିଷର ରସିଦ୍, କିମ୍ବା ଡେଲିଭରୀର ସମୟ ସମ୍ବନ୍ଧୀୟ ନୋଟିଫିକେସନ୍ ପାଇପାରନ୍ତି। ଏକ ବ୍ୟବସାୟ ସଂସ୍ଥା ଠାରୁ ଆପଣ ପ୍ରାପ୍ତ କରିଥିବା ମେସେଜ୍‌ଗୁଡ଼ିକରେ ଏପରି କିଛି ଅଫର୍ ରହିଥାଇପାରେ, ଯେଉଁଥିରେ ହୁଏତ ଆପଣଙ୍କର ରୁଚି ରହିଥିବ। ଆମେ ଚାହୁଁନାହୁଁ ଯେ ଆପଣ ସ୍ପାମ୍‌ କାରଣରୁ ବିରକ୍ତିକର ଅନୁଭୂତି ପାଆନ୍ତୁ; ଆପଣଙ୍କର ସମସ୍ତ ମେସେଜ୍‌ଗୁଡ଼ିକ ଭଳି, ଆପଣ ଏହି ଯୋଗାଯୋଗଗୁଡ଼ିକୁ ମଧ୍ୟ ମ୍ୟାନେଜ୍ କରିପାରିବେ, ଏବଂ ଆପଣ କରିଥିବା ପସନ୍ଦଗୁଡ଼ିକୁ ଆମେ ସମ୍ମାନ ଜଣାଇବୁ।

ଉପରକୁ ଫେରନ୍ତୁ

ଆମର ସେବାଗୁଡ଼ିକୁ ବ୍ୟବହାର କରିବା ଏବଂ ତାହା ମାଧ୍ୟମରେ ଯୋଗାଯୋଗ କରିବା ସମୟରେ ଆପଣ ନିଜର ସୂଚନା ସେୟାର୍ କରିଥାନ୍ତି, ଏବଂ ଆମେ ଆମର ସେବାଗୁଡ଼ିକୁ ସଂଚାଳନ କରିବା, ଉପଲବ୍ଧ କରାଇବା, ଉନ୍ନତ କରିବା, ବୁଝିବା, କଷ୍ଟମାଇଜ୍ କରିବା, ସେବାଗୁଡ଼ିକ ପାଇଁ ସହାୟତା ଯୋଗାଇବା, ଏବଂ ମାର୍କେଟିଂ କରିବା ପାଇଁ ଆପଣଙ୍କ ସୂଚନାକୁ ସେୟାର୍ କରିଥାଉ।

• ଆପଣ ଯେଉଁମାନଙ୍କ ସହ ଯୋଗାଯୋଗ କରିବା ବାଛନ୍ତି, ସେମାନଙ୍କୁ ନିଜର ସୂଚନା ପଠାନ୍ତୁ। ଆମର ସେବାଗୁଡ଼ିକୁ ବ୍ୟବହାର କରିବା ଏବଂ ତାହା ମାଧ୍ୟମରେ ଯୋଗାଯୋଗ କରିବା ସମୟରେ ଆପଣ ନିଜର ସୂଚନା ସେୟାର୍ କରିଥାନ୍ତି (ମେସେଜ୍‌ଗୁଡ଼ିକ ସମେତ)।
• ଆପଣଙ୍କ ଏକାଉଣ୍ଟ୍ ସହିତ ଜଡ଼ିତ ସୂଚନା। ଆମର ସେବା ବ୍ୟବହାର କରୁଥିବା ଯେକୌଣସି ବ୍ୟକ୍ତିଙ୍କ ପାଇଁ ଆପଣଙ୍କର ଫୋନ୍ ନମ୍ବର, ପ୍ରୋଫାଇଲ ନାମ ଓ ଫଟୋ, “ସମ୍ୱନ୍ଧରେ” ସୂଚନା, ଶେଷ ଥର ଦେଖାଦେଇଥିବାର ସୂଚନା, ଏବଂ ମେସେଜ୍ ପଢ଼ିନିଆଯାଇଥିବା ସମ୍ବନ୍ଧୀୟ ସୂଚନା ଉପଲବ୍ଧ ହୋଇପାରେ, ଯଦିଓ ଆପଣ ନିଜର ସେବା ସେଟିଂସ୍‌କୁ ପରିବର୍ତ୍ତନ କରି ଆପଣ ଯୋଗାଯୋଗ କରୁଥିବା ବ୍ୟବସାୟ ସଂସ୍ଥା ସମେତ ଅନ୍ୟ ବ୍ୟବହାରକାରୀମାନଙ୍କୁ ଉପଲବ୍ଧ ନିର୍ଦ୍ଦିଷ୍ଟ କେତେକ ସୂଚନାକୁ ମ୍ୟାନେଜ୍ କରିପାରିବେ।
• ଆପଣଙ୍କର ସମ୍ପର୍କ ଏବଂ ଅନ୍ୟମାନେ। ଆପଣ ଯୋଗାଯୋଗ କରୁଥିବା ବ୍ୟବସାୟ ସଂସ୍ଥା ସମେତ ୟୁଜର୍ସ ଆପଣଙ୍କ ସୂଚନାକୁ ଷ୍ଟୋର୍ କରି ରଖିପାରନ୍ତି କିମ୍ବା ଆମ ସେବା ମଧ୍ୟରେ କିମ୍ବା ବାହାରେ ଅନ୍ୟମାନଙ୍କ ସହିତ ଆପଣଙ୍କ ସୂଚନାକୁ ପୁନଃସେୟାର୍‌ କରିପାରନ୍ତି (ଆପଣଙ୍କର ଫୋନ୍ ନମ୍ବର କିମ୍ବା ମେସେଜ୍ ସମେତ)। ଆମର ସେବାରେ ଆପଣ କେଉଁମାନଙ୍କ ସହ ଯୋଗାଯୋଗ କରୁଛନ୍ତି ଓ କେଉଁ ନିର୍ଦ୍ଦିଷ୍ଟ ସୂଚନା ସେୟାର୍ କରୁଛନ୍ତି ତାହାକୁ ମ୍ୟାନେଜ୍ କରିବା ପାଇଁ ଆପଣ ନିଜର ସେବା ସେଟିଂସ୍ କିମ୍ବା ଆମ ସେବାର “ବ୍ଲକ୍” ବିଶେଷତାକୁ ବ୍ୟବହାର କରିପାରିବେ।
• WhatsAppରେ ବ୍ୟବସାୟ ସଂସ୍ଥା। ଆମେ ବ୍ୟବସାୟ ସଂସ୍ଥାଗୁଡ଼ିକୁ ବିନିର୍ଦ୍ଦିଷ୍ଟ ସେବା ପ୍ରଦାନ କରିଥାଉ, ଯେପରିକି ସେମାନଙ୍କ ଦ୍ୱାରା ଆମ ସେବାଗୁଡ଼ିକର ବ୍ୟବହାର ସମ୍ପର୍କିତ ମେଟ୍ରିକ୍ସ ଉପଲବ୍ଧ କରାଇବା।
• ତୃତୀୟ-ପକ୍ଷ ସେବା ପ୍ରଦାନକାରୀ। ଆମର ସେବାଗୁଡ଼ିକୁ ସଂଚାଳନ କରିବା, ଉପଲବ୍ଧ କରିବା, ଉନ୍ନତ କରିବା, ବୁଝିବା, କଷ୍ଟମାଇଜ୍ କରିବା, ସେବା ବାବଦୀୟ ସହାୟତା ପ୍ରଦାନ କରିବା, ଏବଂ ମାର୍କେଟିଂ କରିବାରେ ସହାୟତା ପାଇଁ ଆମେ ତୃତୀୟ-ପକ୍ଷ ସେବା ପ୍ରଦାନକାରୀ ଏବଂ ଅନ୍ୟାନ୍ୟ Meta Companies ସହିତ କାମ କରିଥାଉ। ଆମେ ଆମର ସେବାଗୁଡ଼ିକରେ ସହାୟତା ପାଇବା ପାଇଁ ଏହି କମ୍ପାନୀଗୁଡ଼ିକ ସହିତ କାମ କରିଥାଉ, ଯେପରିକି ବୈଷୟିକ ଇନ୍‌ଫ୍ରାଷ୍ଟ୍ରକ୍ଚର, ଡେଲିଭରୀ ଏବଂ ଅନ୍ୟାନ୍ୟ ପ୍ରଣାଳୀ ଯୋଗାଇବା, ଆମ ସେବାର ମାର୍କେଟିଂ କରିବା; ଆମ ପାଇଁ ସର୍ଭେ ଏବଂ ଗବେଷଣା ସଞ୍ଚାଳନ କରିବା; ବ୍ୟବହାରକାରୀମାନେ ତଥା ଅନ୍ୟମାନଙ୍କ ସୁରକ୍ଷା, ନିରାପତ୍ତା, ଏବଂ ଅଖଣ୍ଡତାକୁ ରକ୍ଷା କରିବା; ଏବଂ ଗ୍ରାହକ ସେବାରେ ସହାୟତା କରିବା। ଯେବେ ଆମେ ଏହି ସାମର୍ଥ୍ୟରେ ତୃତୀୟ-ପକ୍ଷ ସେବା ପ୍ରଦାନକାରୀ ଏବଂ ଅନ୍ୟାନ୍ୟ Meta Companies ସହିତ ସୂଚନାକୁ ସେୟାର୍ କରୁ, ତେବେ ଆମେ ଏହା ଆବଶ୍ୟକ କରିଥାଉ ଯେ, ସେମାନେ ଆମ ତରଫରୁ ଆପଣଙ୍କ ସୂଚନାକୁ ଆମ ଦ୍ୱାରା ପ୍ରଦତ୍ତ ଅନୁଦେଶ ଏବଂ ସର୍ତ୍ତାବଳୀ ଅନୁଯାୟୀ ବ୍ୟବହାର କରନ୍ତୁ।
• ତୃତୀୟ-ପକ୍ଷ ସେବାଗୁଡ଼ିକ। ଯେବେ ଆପଣ କିମ୍ବା ଅନ୍ୟମାନେ ତୃତୀୟ-ପକ୍ଷ ସେବଗୁଡିକ କିମ୍ୱା ଅନ୍ୟ Meta Company ପ୍ରଡକ୍ଟ ବ୍ୟବହାର କରନ୍ତି ଯାହା ଆମର ସେବା ସହିତ ଏକୀକୃତ ହୋଇଛି, ସେହି ତୃତୀୟ-ପକ୍ଷ ସେବା ଆପଣ କିମ୍ବା ଅନ୍ୟମାନେ ସେମାନଙ୍କ ସହିତ କ'ଣ ସେୟାର୍ କରନ୍ତି ସେ ସମ୍ୱନ୍ଧରେ ସୂଚନା ପ୍ରାପ୍ତ କରିପାରନ୍ତି। ଉଦାହରଣ ପାଇଁ, ଯଦି ଆପଣ ଆମ ସେବା (iCloud କିମ୍ୱା Google ଏକାଉଣ୍ଟ୍ ପରି) ସହିତ ସମନ୍ୱିତ ଏକ ଡାଟା ବ୍ୟାକଅପ୍ ସେବା ବ୍ୟବହାର କରନ୍ତି, ତେବେ ସେମାନେ ଆପଣଙ୍କ WhatsApp ମେସେଜ୍‌ଗୁଡ଼ିକ ପରି ଆପଣ ସେମାନଙ୍କ ସହିତ ସେୟାର୍ କରିଥିବା ସୂଚନା ପ୍ରାପ୍ତ କରିବେ। ଯଦି ଆପଣ ଆମ ସେବା ମାଧ୍ୟମରେ ଲିଙ୍କ୍ ହୋଇଥିବା ଏକ ତୃତୀୟ-ପକ୍ଷ ସେବା କିମ୍ୱା ଅନ୍ୟ ଏକ Meta Company ପ୍ରଡକ୍ଟ ସହିତ କଥାବାର୍ତ୍ତା କରନ୍ତି, ଯେପରିକି ଆପଣ ଏକ ତୃତୀୟ-ପକ୍ଷ ପ୍ଲାଟଫର୍ମରୁ ବିଷୟବସ୍ତୁ ଖେଳିବା ପାଇଁ ଇନ୍-ଆପ୍ ପ୍ଲେୟାର୍ ବ୍ୟବହାର କରିବା ସମୟରେ, ଆପଣଙ୍କ ସମ୍ୱନ୍ଧରେ ସୂଚନା, ଆପଣଙ୍କ IP ଠିକଣା ଏବଂ ଆପଣ ଜଣେ WhatsApp ଉପଭୋକ୍ତା ହୋଇଥିବା ତଥ୍ୟ, ଏପରି ତୃତୀୟ ପକ୍ଷ କିମ୍ବା Meta Company ପ୍ରଡକ୍ଟକୁ ପ୍ରଦାନ କରାଯାଇପାରେ। ଦୟାକରି ଧ୍ୟାନରେ ରଖନ୍ତୁ ଯେ, ଆପଣ ଯେବେ ତୃତୀୟ-ପକ୍ଷ ସେବା କିମ୍ବା ଅନ୍ୟାନ୍ୟ Meta Company ଉତ୍ପାଦ ବ୍ୟବହାର କରନ୍ତି, ତେବେ ସେହି ସେବା ଏବଂ ପ୍ରଡକ୍ଟଗୁଡ଼ିକକୁ ଆପଣଙ୍କ ବ୍ୟବହାର ଉପରେ ସେମାନଙ୍କର ନିଜସ୍ୱ ସର୍ତ୍ତାବଳୀ ଏବଂ ଗୋପନୀୟତା ନୀତି ଲାଗୁ ହେବ।

ଉପରକୁ ଫେରନ୍ତୁ

Meta Companiesର ଏକ ଅଂଶବିଶେଷ ଭାବେ, WhatsApp ଅନ୍ୟ Meta Companiesଠାରୁ ସୂଚନା ପ୍ରାପ୍ତ କରିଥାଏ, ଏବଂ ସେମାନଙ୍କ ସହ ସୂଚନା ସେୟାର୍ କରିଥାଏ (ଏଠାରେ ଦେଖନ୍ତୁ)। Meta Company ଉତ୍ପାଦ ସମେତ, ଆମର ସେବା ଏବଂ ସେମାନଙ୍କ ଦ୍ୱାରା ପ୍ରଦତ୍ତ ସେବାଗୁଡ଼ିକର ସଂଚାଳନ କରିବା, ଉପଲବ୍ଧ କରାଇବା, ବୁଝିବା, କଷ୍ଟମାଇଜ୍ କରିବା, ସେବା ପାଇଁ ସହାୟତା ଯୋଗାଇବା, ଏବଂ ମାର୍କେଟିଂ କରିବାରେ ସହାୟତା ପାଇଁ ସେମାନଙ୍କ ଠାରୁ ଆମେ ପ୍ରାପ୍ତ କରିଥିବା ସୂଚନାକୁ ଆମେ ବ୍ୟବହାର କରିପାରୁ, ଏବଂ ଆମେ ସେମାନଙ୍କୁ ସେୟାର୍ କରିଥିବା ସୂଚନାକୁ ସେମାନେ ବ୍ୟବହାର କରିପାରନ୍ତି। ଏହା ମଧ୍ୟରେ ନିମ୍ନଲିଖିତ ଅନ୍ତର୍ଭୁକ୍ତ:

• ଇନ୍‌ଫ୍ରାଷ୍ଟ୍ରକ୍ଚର୍ ଏବଂ ଡେଲିଭରୀ ପ୍ରଣାଳୀକୁ ଉନ୍ନତ କରିବାରେ ସାହାଯ୍ୟ କରିବା;
• ଆମର କିମ୍ବା ସେମାନଙ୍କର ସେବାଗୁଡ଼ିକ କିପରି ବ୍ୟବହୃତ ହେଉଛି ତାହା ବୁଝିବା;
• ସମସ୍ତ Meta Company ଉତ୍ପାଦରେ ସୁରକ୍ଷା, ନିରାପତ୍ତା, ଏବଂ ଅଖଣ୍ଡତାକୁ ପ୍ରୋତ୍ସାହିତ କରିବା, ଯଥା, ସୁରକ୍ଷା ପ୍ରଣାଳୀ ଏବଂ ସ୍ପାମ୍, ଧମକ, ଦୁର୍ବ୍ୟବହାର, କିମ୍ବା ଉଲ୍ଲଂଘନ ସମ୍ବନ୍ଧୀୟ ଗତିବିଧି ସହ ଲଢ଼ିବା;
• ସେମାନଙ୍କର ସେବା ଏବଂ ତାହାକୁ ବ୍ୟବହାର କରିବାରେ ଆପଣଙ୍କର ଅନୁଭୂତିକୁ ଉନ୍ନତ କରିବା, ଯେପରିକି ଆପଣଙ୍କ ପାଇଁ ପ୍ରସ୍ତାବ ଦେବା (ଉଦାହରଣ ପାଇଁ, ସାଙ୍ଗ କିମ୍ବା ଗ୍ରୁପ୍ କନେକ୍ସନ୍, କିମ୍ବା ରୁଚିକର କଣ୍ଟେଣ୍ଟର ପ୍ରସ୍ତାବ), ବୈଶିଷ୍ଟ୍ୟ ଏବଂ କଣ୍ଟେଣ୍ଟକୁ ପର୍ସନାଲାଇଜ୍ କରିବା, କ୍ରୟ ଏବଂ ଟ୍ରାଞ୍ଜାକ୍ସନକୁ ସମ୍ପୂର୍ଣ୍ଣ କରିବାରେ ଆପଣଙ୍କୁ ସାହାଯ୍ୟ କରିବା, ଏବଂ ସମସ୍ତ Meta Company ଉତ୍ପାଦ‌ରେ ପ୍ରାସଙ୍ଗିକ ଅଫର୍ ଏବଂ ବିଜ୍ଞାପନ ପ୍ରଦର୍ଶିତ କରିବା; ଏବଂ
• ଇଣ୍ଟିଗ୍ରେସନ୍ ଉପଲବ୍ଧ କରାଇବା ଯାହା ଆପଣଙ୍କ WhatsApp ଅନୁଭୂତିକୁ ଅନ୍ୟ Meta Company ଉତ୍ପାଦ ସହ ଯୋଡ଼ିବାରେ ସମର୍ଥ କରିଥାଏ। ଉଦାହରଣ ପାଇଁ, WhatsAppରେ ଜିନିଷପତ୍ର କିଣିବା ଲାଗି ଟଙ୍କା ପଇଠ କରିବା ନିମନ୍ତେ ଆପଣଙ୍କ Facebook Pay ଏକାଉଣ୍ଟ୍ କନେକ୍ଟ କରିବାର ଅନୁମତି ଦେବା କିମ୍ବା ଆପଣଙ୍କ WhatsApp ଏକାଉଣ୍ଟ୍ କନେକ୍ଟ କରି ଅନ୍ୟ Meta Company ଉତ୍ପାଦରେ ଆପଣଙ୍କର ସାଙ୍ଗମାନଙ୍କ ସହ ଚ୍ୟାଟ୍ କରିବାରେ ଆପଣଙ୍କୁ ସମର୍ଥ କରିବା।

ଅନ୍ୟ Meta Companies ଏବଂ ସେମାନଙ୍କର ଗୋପନୀୟତା ପ୍ରକ୍ରିୟାଗୁଡ଼ିକ ସମ୍ୱନ୍ଧରେ ଅଧିକ ଜାଣିବା ପାଇଁ ସେମାନଙ୍କର ଗୋପନୀୟତା ନୀତି ଦେଖନ୍ତୁ।

ଉପରକୁ ଫେରନ୍ତୁ

ଆମେ କୌଣସି ବିଲୟ, ଅଧିଗ୍ରହଣ, ପୁନର୍ଗଠନ, ଦେବାଳିଆପଣ, କିମ୍ବା ଆମର ସମସ୍ତ କିମ୍ବା କିଛି ପରିସମ୍ପତ୍ତିର ବିକ୍ରୟରେ ସଂଶ୍ଳିଷ୍ଟ ହେବା କ୍ଷେତ୍ରରେ, ଆମେ ଆପଣଙ୍କର ସୂଚନାକୁ ପ୍ରଯୁଜ୍ୟ ଡାଟା ସୁରକ୍ଷା ଆଇନ ଅନୁଯାୟୀ ଉକ୍ତ ନେଣଦେଣ ସଂକ୍ରାନ୍ତୀୟ ଉତ୍ତରାଧିକାରୀ ଏକକ କିମ୍ବା ନୂଆ ମାଲିକଙ୍କୁ ସେୟାର୍ କରିବୁ।

ଉପରକୁ ଫେରନ୍ତୁ

ଆପଣ ଆମର ଆପ୍‌ର ‘ଏକାଉଣ୍ଟ୍ ସୂଚନା ଅନୁରୋଧ କରନ୍ତୁ’ ବୈଶିଷ୍ଟ୍ୟ (ସେଟିଂସ୍ > ଏକାଉଣ୍ଟ୍ ଅଧୀନରେ ଉପଲବ୍ଧ) ବ୍ୟବହାର କରି ଆପଣଙ୍କର ସୂଚନାକୁ ଆକ୍ସେସ୍ କିମ୍ବା ପୋର୍ଟ କରିପାରିବେ। iPhone ବ୍ୟବହାରକାରୀମାନେ ପାଇଁ, ଆପଣ ଆମର iPhone ସହାୟତା କେନ୍ଦ୍ର ଆଲେଖ୍ୟ ମାଧ୍ୟମରେ ନିଜର ସୂଚନାକୁ ଆକ୍ସେସ୍, ମ୍ୟାନେଜ୍, ଏବଂ ଡିଲିଟ୍ କରିବା ଶିଖିପାରିବେ। Android ବ୍ୟବହାରକାରୀମାନେ ପାଇଁ, ଆପଣ ଆମର Android ସହାୟତା କେନ୍ଦ୍ର ଆଲେଖ୍ୟ ମାଧ୍ୟମରେ ନିଜର ସୂଚନାକୁ ଆକ୍ସେସ୍, ମ୍ୟାନେଜ୍, ଏବଂ ଡିଲିଟ୍ କରିବା ଶିଖିପାରିବେ।

ଆମେ ଆମର ସେବାଗୁଡ଼ିକୁ ଯୋଗାଇବା ସମେତ ଏହି ଗୋପନୀୟତା ନୀତିରେ ଚିହ୍ନିତ ଉଦ୍ଦେଶ୍ୟଗୁଡ଼ିକ ପାଇଁ କିମ୍ବା ଅନ୍ୟ ବୈଧ ଉଦ୍ଦେଶ୍ୟ, ଯେପରିକି ଆଇନଗତ ଦାୟିତ୍ୱର ଅନୁପାଳନ, ଆମର ସର୍ତ୍ତାବଳୀକୁ ଲାଗୁ କରିବା ଓ ତାହାର ଉଲ୍ଲଂଘନକୁ ପ୍ରତିରୋଧ କରିବା, କିମ୍ବା ଆମର ଅଧିକାର, ସମ୍ପତ୍ତି, ଏବଂ ବ୍ୟବହାରକାରୀମାନଙ୍କୁ ସୁରକ୍ଷିତ ରଖିବା କିମ୍ବା ପ୍ରତିରକ୍ଷା କରିବା ପାଇଁ ଯେଉଁ ପର୍ଯ୍ୟନ୍ତ ଆବଶ୍ୟକ ସେତେ ଅବଧି ପର୍ଯ୍ୟନ୍ତ ସୂଚନାକୁ ଷ୍ଟୋର୍ କରି ରଖିଥାଉ। ଷ୍ଟୋରେଜ୍ ଅବଧି ମାମଲା-ରୁ-ମାମଲା ଭିତ୍ତିରେ ନିର୍ଦ୍ଧାରଣ କରାଯାଇଥାଏ, ଏବଂ ତାହା ସୂଚନାର ପ୍ରକୃତି, ତାହାକୁ କାହିଁକି ସଂଗ୍ରହ ଏବଂ ପ୍ରୋସେସ୍ କରାଯାଉଛି, ପ୍ରାସଙ୍ଗିକ ଆଇନଗତ କିମ୍ବା ପରିଚାଳନାଗତ ଅବଧାରଣ ଆବଶ୍ୟକତା, ଏବଂ ଆଇନଗତ ଦାୟିତ୍ୱ ଭଳି କାରକ ଉପରେ ନିର୍ଭର କରିଥାଏ।

ଯଦି ଆପଣ ନିଜର ସୂଚନାକୁ ଅଧିକ ମ୍ୟାନେଜ୍, ପରିବର୍ତ୍ତନ, ସୀମିତ, କିମ୍ବା ଡିଲିଟ୍ କରିବାକୁ ଚାହୁଁଥାନ୍ତି, ତେବେ ଆପଣ ନିମ୍ନଲିଖିତ ସାଧନ ମାଧ୍ୟମରେ ତାହା କରିପାରିବେ:

• ସେବା ସେଟିଂସ୍। ଆପଣ ନିଜର ସେବା ସେଟିଂସ୍ ବଦଳାଇ ଅନ୍ୟ ବ୍ୟବହାରକାରୀମାନେ ପାଇଁ ଉପଲବ୍ଧ ନିର୍ଦ୍ଦିଷ୍ଟ କେତେକ ସୂଚନାଗୁଡ଼ିକୁ ମ୍ୟାନେଜ୍ କରିପାରିବେ। ଆପଣ ନିଜର ସମ୍ପର୍କ, ଗ୍ରୁପ୍, ଏବଂ ବ୍ରୋଡ୍‌କାଷ୍ଟ ଲିଷ୍ଟଗୁଡ଼ିକୁ ମ୍ୟାନେଜ୍ କରିପାରିବେ, କିମ୍ବା ଆପଣ ଯୋଗାଯୋଗ କରୁଥିବା ବ୍ୟବହାରକାରୀମାନଙ୍କୁ ମ୍ୟାନେଜ୍ କରିବା ପାଇଁ ଆମର “ବ୍ଲକ୍” ବୈଶିଷ୍ଟ୍ୟକୁ ବ୍ୟବହାର କରିପାରିବେ।
• ନିଜର ଫୋନ୍ ନମ୍ବର, ପ୍ରୋଫାଇଲ ନାମ ଏବଂ ଫଟୋ, ଏବଂ “ସମ୍ୱନ୍ଧରେ” ସୂଚନାକୁ ବଦଳାଇବା। ଯଦି ଆପଣ ନିଜର ମୋବାଇଲ ଫୋନ୍ ନମ୍ବର ବଦଳାନ୍ତି, ତେବେ ଆପଣ ଆମର ଇନ୍-ଆପ୍ ‘ନମ୍ବର ବଦଳାନ୍ତୁ’ ବୈଶିଷ୍ଟ୍ୟକୁ ବ୍ୟବହାର କରି ତାହାକୁ ଅପଡେଟ୍ କରିବା ତଥା ଆପଣଙ୍କର ଏକାଉଣ୍ଟ୍ ନୂଆ ଫୋନ୍ ନମ୍ବରକୁ ସ୍ଥାନାନ୍ତର କରିବା ଜରୁରୀ ଅଟେ। ଆପଣ ଯେକୌଣସି ସମୟରେ ନିଜର ପ୍ରୋଫାଇଲ ନାମ, ପ୍ରୋଫାଇଲ ଫଟୋ, ଏବଂ “ସମ୍ୱନ୍ଧରେ” ସୂଚନାକୁ ମଧ୍ୟ ବଦଳାଇପାରିବେ।
• ନିଜର WhatsApp ଏକାଉଣ୍ଟ୍ ଡିଲିଟ୍ କରିବା। ଆପଣ ଆମର ଇନ୍-ଆପ୍ ‘ମୋ ଏକାଉଣ୍ଟ୍ ଡିଲିଟ୍ କରନ୍ତୁ’ ବୈଶିଷ୍ଟ୍ୟ ବ୍ୟବହାର କରି ଯେକୌଣସି ସମୟରେ ନିଜର WhatsApp ଏକାଉଣ୍ଟ୍ ଡିଲିଟ୍ କରିପାରିବେ (ଯଦି ଆପଣ ପ୍ରଯୁଜ୍ୟ ଆଇନ ଅନୁସାରେ ଆମ ଦ୍ୱାରା ଆପଣଙ୍କ ସୂଚନାର ବ୍ୟବହାର ପାଇଁ ନିଜର ସହମତିକୁ ପ୍ରତ୍ୟାହାର କରିବାକୁ ଚାହୁଁଥାନ୍ତି, ତେବେ ଆପଣ ତାହା ମଧ୍ୟ କରିପାରିବେ)। ଆପଣ ନିଜର WhatsApp ଏକାଉଣ୍ଟ୍ ଡିଲିଟ୍ କଲେ, ଆପଣଙ୍କ ନିକଟରେ ପହଞ୍ଚି ନ ଥିବା ମେସେଜ୍‌ ସମେତ ଆମର ସେବାଗୁଡ଼ିକୁ ସଂଚାଳନ କରିବା ଏବଂ ଉପଲବ୍ଧ କରାଇବା ପାଇଁ ଆମେ ଆଉ ଆବଶ୍ୟକ କରୁ ନ ଥିବା ଅନ୍ୟାନ୍ୟ ସୂଚନାଗୁଡ଼ିକ ମଧ୍ୟ ଆମ ସର୍ଭରରୁ ଡିଲିଟ୍ ହୋଇଯିବ। ଉଦାହରଣ ପାଇଁ, ଆପଣ ନିଜର ଏକାଉଣ୍ଟ୍ ଡିଲିଟ୍ କଲେ, ଆପଣଙ୍କର ଏକାଉଣ୍ଟ୍ ସୂଚନା ଏବଂ ପ୍ରୋଫାଇଲ ଫଟୋ ଡିଲିଟ୍ ହୋଇଯିବ, ଆପଣ ସମସ୍ତ WhatsApp ଗ୍ରୁପ୍‌ରୁ ଡିଲିଟ୍ ହୋଇଯିବେ, ଏବଂ ଆପଣଙ୍କର WhatsApp ମେସେଜ୍ ଇତିହାସ ଡିଲିଟ୍ ହୋଇଯିବ। ଧ୍ୟାନରେ ରଖନ୍ତୁ ଯେ, ଯଦି ଆପଣ ଆମର ଇନ୍-ଆପ୍ ‘ମୋ ଏକାଉଣ୍ଟ୍ ଡିଲିଟ୍ କରନ୍ତୁ’ ବୈଶିଷ୍ଟ୍ୟ ବ୍ୟବହାର ନ କରି WhatsAppକୁ କେବଳ ନିଜର ଡିଭାଇସ୍‌‌ରୁ ଡିଲିଟ୍ କରନ୍ତି ତେବେ ଆପଣଙ୍କର ସୂଚନା ଆମ ନିକଟରେ ଅଧିକ ଦୀର୍ଘ ଅବଧି ପାଇଁ ଷ୍ଟୋର୍ ହୋଇ ରହିବ। ଦୟାକରି ମନେରଖନ୍ତୁ ଯେ, ଆପଣ ନିଜର ଏକାଉଣ୍ଟ୍ ଡିଲିଟ୍ କଲେ, ଏହା ଆପଣଙ୍କ ଦ୍ୱାରା ତିଆରି କରାଯାଇଥିବା ଗ୍ରୁପ୍ ସମ୍ବନ୍ଧୀୟ ଆପଣଙ୍କର ସୂଚନା କିମ୍ବା ଅନ୍ୟ ବ୍ୟବହାରକାରୀମାନେ ନିକଟରେ ରହିଥିବା ଆପଣଙ୍କ ସମ୍ବନ୍ଧୀୟ ସୂଚନା ପ୍ରଭାବିତ ହୋଇ ନ ଥାଏ, ଯେପରିକି ତାଙ୍କ ନିକଟକୁ ଆପଣ ପଠାଇଥିବା ମେସେଜ୍‌ର କପି।

ଆମର ଡାଟା ଅପସାରଣ ଏବଂ ଅବଧାରଣ ପଦ୍ଧତି ଏବଂ ନିଜର ଏକାଉଣ୍ଟ୍ କିପରି ଡିଲିଟ୍ କରିବେ ସେ ସମ୍ପର୍କରେ ଆପଣ ଏଠାରେ ଅଧିକ ଜାଣିପାରିବେ।

ଉପରକୁ ଫେରନ୍ତୁ

ଏହି ଗୋପନୀୟତା ନୀତିର “ଆମ ଦ୍ୱାରା ସଂଗ୍ରହ କରାଯାଉଥିବା ସୂଚନା” ବିଭାଗରେ ବର୍ଣ୍ଣନା କରାଯାଇଥିବା ସୂଚନାକୁ ଆମେ ଆକ୍ସେସ୍, ସଂରକ୍ଷଣ, ଏବଂ ସେୟାର୍‌ କରିଥାଉ, ଯଦି ଆମର ଏହି ସଦ୍‌ଭାବନାପୂର୍ଣ୍ଣ ବିଶ୍ୱାସ ହୁଏ କି: (a) ପ୍ରଯୁଜ୍ୟ ଆଇନ କିମ୍ବା ବିନିୟମ, ଆଇନଗତ ପ୍ରକ୍ରିୟା, କିମ୍ବା ସରକାରୀ ଅନୁରୋଧ ଅନୁସାରେ ପ୍ରତ୍ୟୁତ୍ତର ଦେବା; (b) ସମ୍ଭାବ୍ୟ ଉଲ୍ଲଂଘନର ତଦନ୍ତ ସମେତ ଆମର ସର୍ତ୍ତାବଳୀ ଏବଂ ଅନ୍ୟାନ୍ୟ ପ୍ରଯୁଜ୍ୟ ସର୍ତ୍ତାବଳୀ ଏବଂ ନୀତିକୁ ଲାଗୁ କରିବା; (c) ଠକାମି ଏବଂ ଅନ୍ୟାନ୍ୟ ବେଆଇନ ଗତିବିଧି କିମ୍ବା ସୁରକ୍ଷା, ଏବଂ ବୈଷୟିକ ସମସ୍ୟାକୁ ଚିହ୍ନଟ, ତଦନ୍ତ, ପ୍ରତିରୋଧ, କିମ୍ବା ସମାଧାନ କରିବା; କିମ୍ବା (d) ମୃତ୍ୟୁ କିମ୍ବା ଆସନ୍ନ ଶାରୀରିକ କ୍ଷତିକୁ ପ୍ରତିରୋଧ କରିବା ସମେତ ଆମର ବ୍ୟବହାରକାରୀମାନେ, WhatsApp, ଅନ୍ୟ Meta Companies କିମ୍ବା ଅନ୍ୟମାନଙ୍କ ଅଧିକାର, ସମ୍ପତ୍ତି, ଏବଂ ସୁରକ୍ଷା ପାଇଁ ଏହା କରିବା ଆବଶ୍ୟକ ଅଟେ।

ଉପରକୁ ଫେରନ୍ତୁ

WhatsApp ଏହି ଗୋପନୀୟତା ନୀତି ଅନୁଯାୟୀ ସୂଚନାକୁ ବିଶ୍ୱବ୍ୟାପୀ, ଉଭୟ ଆଭ୍ୟନ୍ତରୀଣ ରୂପେ Meta Companies ଏବଂ ବାହ୍ୟ ଭାବେ ଆମର ପାର୍ଟନର ଏବଂ ସେବା ପ୍ରଦାନକାରୀଙ୍କ ସହିତ ସେହି ଲୋକମାନଙ୍କ ସହିତ ସେୟାର୍ କରିଥାଏ, ଯେଉଁମାନଙ୍କ ସହିତ ଆପଣ ସାରା ପୃଥିବୀରେ ଯୋଗାଯୋଗ କରନ୍ତି। ଉଦାହରଣ ପାଇଁ, ଆପଣଙ୍କର ସୂଚନାକୁ ଏହି ଗୋପନୀୟତା ନୀତିରେ ବର୍ଣ୍ଣିତ ଉଦ୍ଦେଶ୍ୟ ପାଇଁ ଯୁକ୍ତରାଷ୍ଟ୍ର ଆମେରିକା; Meta Companiesରର ସହଯୋଗୀ ଏବଂ ପାର୍ଟନର କିମ୍ବା ଆମର ସେବା ପ୍ରଦାନକାରୀ ଅବସ୍ଥିତ ରହିଥିବା ଦେଶ କିମ୍ବା କ୍ଷେତ୍ରରେ; କିମ୍ବା ଆପଣଙ୍କ ନିବାସ ବାହାରେ ବୈଶ୍ୱିକ ରୂପେ ଏପରି ଅନ୍ୟ କୌଣସି ଦେଶ କିମ୍ବା କ୍ଷେତ୍ରରେ ସ୍ଥାନାନ୍ତର କିମ୍ବା ସଞ୍ଚାରିତ, କିମ୍ବା ଷ୍ଟୋର୍ ଏବଂ ପ୍ରୋସେସ୍ କରିପାରେ, ଯେଉଁଠି ଆମର ସେବାଗୁଡ଼ିକ ପ୍ରଦାନ କରାଯାଉଥିବ। WhatsApp ଆମେରିକା ସମେତ Metaର ବିଶ୍ୱବ୍ୟାପୀ ଇନ୍‌ଫ୍ରାଷ୍ଟ୍ରକ୍ଚର୍ ଏବଂ ଡାଟା ସେଣ୍ଟର ବ୍ୟବହାର କରିଥାଏ। ଆମ ସର୍ତ୍ତାବଳୀରେ ବର୍ଣ୍ଣନା କରାଯାଇଥିବା ବୈଶ୍ୱିକ ସେବାଗୁଡ଼ିକୁ ଉପଲବ୍ଧ କରିବା ପାଇଁ ଏହି ସ୍ଥାନାନ୍ତର ଆବଶ୍ୟକ ହୋଇଥାଏ। ଦୟାକରି ଧ୍ୟାନରେ ରଖନ୍ତୁ ଯେ, ଆପଣଙ୍କ ସୂଚନା ଯେଉଁ ଦେଶ କିମ୍ବା କ୍ଷେତ୍ରକୁ ସ୍ଥାନାନ୍ତରିତ ହୁଏ ସେହି ଦେଶ କିମ୍ବା କ୍ଷେତ୍ରର ଗୋପନୀୟତା ଆଇନ ଏବଂ ସୁରକ୍ଷା ଆପଣଙ୍କ ନିଜସ୍ୱ ଦେଶ କିମ୍ବା କ୍ଷେତ୍ରଠାରୁ ଭିନ୍ନ ହୋଇପାରେ।

ଉପରକୁ ଫେରନ୍ତୁ

ଆମେ ଆମର ଗୋପନୀୟତା ନୀତିକୁ ସଂଶୋଧିତ କିମ୍ବା ଅପଡେଟ୍ କରିପାରୁ। ଏହି ଗୋପନୀୟତା ନୀତିରେ ହୋଇଥିବା ସଂଶୋଧନଗୁଡ଼ିକ ସମ୍ପର୍କରେ ଆମେ ଉପଯୁକ୍ତ ଭାବେ ସୂଚିତ କରିବୁ ଏବଂ ଏହି ଗୋପନୀୟତା ନୀତିର ସବା ଉପରେ “ପ୍ରଭାବୀ ତାରିଖ”କୁ ଅପଡେଟ୍ କରିବୁ। ଦୟାକରି ସମୟ ସମୟରେ ଆମର ଗୋପନୀୟତା ନୀତିକୁ ସମୀକ୍ଷା କରନ୍ତୁ।

ଉପରକୁ ଫେରନ୍ତୁ

ଆମର ଗୋପନୀୟତା ନୀତି ସମ୍ପର୍କରେ ଯଦି ଆପଣଙ୍କର କୌଣସି ପ୍ରଶ୍ନ କିମ୍ବା ସମସ୍ୟା ଥାଏ, ତେବେ ଦୟାକରି ଆମ ସହିତ ସମ୍ପର୍କ କରନ୍ତୁ।

WhatsApp LLC

ଗୋପନୀୟତା ନୀତି

1601 ୱିଲି ରୋଡ୍

ମେନଲୋ ପାର୍କ, କାଲିଫର୍ନିଆ 94025

ଯୁକ୍ତରାଷ୍ଟ୍ର ଆମେରିକା

ଉପରକୁ ଫେରନ୍ତୁ