102: एक उत्तम कम्युनिटी ॲडमिन होणे

ॲडमिननी अनुचित वर्तणूक आणि कंटेन्ट हाताळताना त्यांच्या नियमांची अंमलबजावणी करण्‍यासाठी तत्परतेने आणि काटेकोरपणे कार्य करणे आवश्यक आहे. एंगेज असलेला ॲडमिन असे वातारवरण तयार करू शकतो जिथे सदस्यांना सुरक्षित आणि स्वत: व्यक्त करण्‍यासाठी मोकळेपणा वाटतो. सकारात्मक वर्तन ठेवून कम्युनिटीच्या नियमांचे पालन करणार्‍या सदस्यांचे कौतुक करणे, यांसारख्या सकारात्मक इंटरॅक्शन ओळखणे ही नेहमीच चांगली पद्धत आहे. तुमचे सदस्य काय शेअर करत आहेत किंवा कशाला पाठिंबा देत आहेत यांबद्दल त्यांना शिक्षित करून जागरूक आणि जबाबदार बनवण्यासाठी नियमितपणे संसाधने शेअर करा.

जर कोणताही आक्षेपार्ह मजकूर मेसेज किंवा शेअर केला गेला असेल, तर त्वरितपणे तो हटवा आणि गरज भासल्यास, तो पोस्ट करणार्‍या सदस्याची तक्रार नोंदवून त्यांना काढून टाका. ग्रुपची क्षमा मागा आणि सर्वांना याची आठवण करून द्या की ते देखील आपल्या डिव्हाइसवरून कोणताही अयोग्य मजकूर हटवू शकतात. ही ग्रुपला अशा वर्तनाविषयीच्या नियमांची आठवण करून देण्याची एक चांगली संधी आहे. चांगले नियम एक सुरक्षित जागा तयार करतात आणि सदस्यांनी काय करावे आणि काय करू नये याविषयीच्या अपेक्षा स्पष्टपणे नमूद करतात.

सदस्यांना सकारात्मकपणे संवाद साधण्यासाठी आणि तुमच्या कम्युनिटीच्या नियमांचे उल्लंघन करणार्‍या कोणत्याही वर्तनाची सूचना तुम्हाला देण्यासाठी प्रोत्साहन द्या. त्यांना प्रश्न किंवा समस्या असल्यास ते तुमच्याशी किंवा तुमच्या अ‍ॅडमिन टीमशी संपर्क साधू शकतात हे त्यांना सांगा.

सदस्यांना जबाबदारीने WhatsApp वापरण्‍याची आणि एकमेकांचा आदर करण्‍याची आठवण करून द्या

• तुम्ही ओळखत असलेले, ज्यांनी तुम्हाला स्वतःहून संपर्क केला आहे किंवा तुम्हाला त्यांच्याशी संपर्क साधण्यास सांगितला आहे अशाच सदस्यांना मेसेजेस पाठवा;
• एखाद्या सदस्याने तुम्हाला त्यांना मेसेज करण्यास मनाई केल्यास त्यांच्याशी संपर्क साधू नका.

संपर्कांना ब्लॉक करणे आणि त्यांची तक्रार करणे याबद्दल

अ‍ॅडमिन्स म्हणून तुमच्या संप्रेषणामुळे तुमचे ग्रुप्स आणि सदस्य एकमेकांशी कसा संवाद साधतात यास प्रभवित करेल. संघर्ष किंवा समस्या हाताळताना तुम्ही समजणे, मार्गदर्शन देणे आणि समर्थन करणे यांसाठी ऐकणे अत्यंत महत्त्वाचे आहे. सहानुभूतीने संवाद साधणे म्हणजे इतरांशी बोलत असताना त्यांचा दृष्टीकोण आणि भावना समजून घेण्यासाठी स्वतःला त्यांच्या जागी ठेवणे.

एक आदरणीय कम्युनिटी तयार करण्यासाठी, पुढील गोष्टी करून नेहमी चांगले उदाहरण समोर ठेवा:

• दयेने आणि विनम्रपणे वागा
• खुल्या मनाने भिन्न मतांचे स्वागत करा
• तुमच्या सदस्यांप्रती संवेदनशीलता दाखवा
• सर्वांना समानतेने वागवा
• पूर्वग्रह आणि रुढीवादी विचारांना आव्हान द्या

सहानुभूती दर्शवल्याने तुम्हाला तुमच्या सदस्यांच्या गरजा आणि प्रोत्साहनांवर लक्ष केंद्रित करण्यास मदत होते. तो सदस्य तुमच्या ग्रुपचा भाग का आहे आणि तुम्ही त्यांना त्यांच्या ध्येयापर्यंत पोहोचण्यास कशी मदत करू शकता याबद्दल स्वत:स सतत प्रश्न विचार रहा. तुम्ही एक सच्चे व्यक्ती आहात आणि सदस्यांच्या हिताचा विचार करता हे त्यांना पटल्यावर सदस्य तुमच्यापाशी व्यक्त व्हायला आणि संवादाची देवाणघेवाण करायला तयार होतील.

रुपमध्ये एक्स्पायर होणारे मेसेजेस फीचर सुरू किंवा बंद कसे करावे

WhatsApp कम्युनिटीज अ‍ॅडमिन्सना संभाषणे अधिक प्रभावीपणे सुव्यवस्थित करण्यास मदत करून एका मोठ्या कम्युनिटीमधील अनेक सदस्य आणि ग्रुप्सचे व्यवस्थापन करताना अ‍ॅडमिनवरील भार कमी करते.

वेळेचे आणि कार्यभाराचे नियोजन करण्यासाठी तुमच्या अ‍ॅडमिनसोबत कार्य करा. येथे काही टिपा आहेत:

• जबाबदार्‍या शेअर करा. तुमच्या कार्यसंघाला स्वत:वर विश्वास ठेवण्‍यात आणि निर्णायक बनण्यात मदत करा.
• आधीच योजना तयार करा. कल्पनांवर विचारमंथन करा आणि कृती करण्‍याच्या योजना तयार करा, जेणेकरून तुम्ही सर्व एकाच पद्धतीने विचार कराल.
• सीमा निर्धारित करा. तुमच्या ग्रुप्सच्या आणि सदस्यांना अपेक्षांची पूर्तता करण्यासाठी तुम्ही केव्हा ऑनलाइन असाल हे त्यांना कळवा. कोणीही 24/7 कार्य करू शकत नाही त्यामुळे नोटिफिकेशन सेटिंग्जचा वापर करा आणि ग्रुप किंवा सदस्य यानुसार सानुकूलित करा किंवा पूर्णपणे नोटिफिकेशन्स म्यूट करा.

तुमच्या कार्यसंघाचे तुमच्या कम्युनिटीच्या बाहेरदेखील जग आहे हे लक्षात ठेवणे महत्त्वाचे आहे. एकमेकांच्या वैयक्तिक वेळेचा आदर केल्याने सर्वांनाच काम व इतर गोष्टींमध्ये समतोल राखण्यास मदत होईल.

तुमच्या नोटिफिकेशन्सचे व्यवस्थापन कसे करावे

कदाचित अशी वेळ येऊ शकते, जेव्हा तुम्ही तुमची कम्युनिटी लीडर म्हणून भूमिका निभावू इच्छित नाही किंवा तुमच्या कम्युनिटीचे उद्देश्य साध्य झाले असेल. परिस्थिती बदलल्यावर नवीन अ‍ॅडमिन नियुक्त करण्याची किंवा कम्युनिटी निष्क्रिय करण्याची वेळ आली असू शकते.

संपूर्ण अ‍ॅडमिन कार्यसंघाशी बोलण्यापूर्वी तुमची भूमिका कोणाला सोपवणे योग्य ठरेल याचा विचार करा.

कम्युनिटी निष्क्रिय करण्यासाठी कोणतीही पावले उचलण्याआधी ती अजूनही सक्रिय आणि निकोप आहे का याचा विचार करा. स्वतःला या गोष्टी विचारा:

• सदस्य अजूनही सक्रिय आहेत आणि संवाद साधत आहेत का?
• नवीन ग्रुप्स आणि सदस्य या कम्युनिटीमध्ये सामील होण्याची विनंती करत आहेत का?
• अनेक सदस्य आणि ग्रुप्स कम्युनिटी सोडून जात आहेत का?
• सदस्यांची संख्या सातत्याने कमी होत आहे का?

कम्युनिटीमध्ये संभाषणे कमी होत असतील, त्याचा वापर होत नसेल, किंवा त्याचे उद्देश्य साध्य झाले असेल तर कम्युनिटी निष्क्रिय करणे योग्य ठरू शकते.

कम्युनिटी निष्क्रिय केल्याने घोषणा ग्रुप वापरता येणार नाही आणि कम्युनिटी होमवरून ग्रुप्सना काढून टाकले जाईल. पण, ग्रुप्स तरीही कार्यशील राहतील आणि त्यातील सदस्य एकमेकांशी संवाद साधण्यासाठी मेसेजेस पाठवू शकतील. कम्युनिटी निष्क्रिय करण्याआधी ब्रॉडकास्ट मेसेजद्वारे तुमच्या योजना सर्वांना नक्की सांगा.