تعلیم

اپنی کمیونٹی قائم کرنے سے پہلے، اپنے مقصد پر غور کریں - کیا یہ اسکول کی سرگرمیوں کی اپ ڈیٹس شیئر کرنا ہے، طالب علم اور عملے کی فلاح و بہبود کے لیے مدد فراہم کرنا ہے، بہترین طریقے اور نیا تدریسی مواد شیئر کرنا ہے، یا کچھ اور ہے؟ آپ کا مقصد آپ کو یہ فیصلہ کرنے میں مدد کرے گا کہ کن ممبرز کو کمیونٹی میں شامل کرنا ہے اور وہ کن گروپس میں ہوں گے۔ آپ درج ذیل گروپس بنا یا شامل کر سکتے ہیں:

• گریڈ یا مضمون کے لحاظ سے اساتذہ؛
• غیر تدریسی عملہ؛
• مختلف پراجیکٹس پر کام کرنے والے لوگ؛
• کلاس یا گریڈ کے لحاظ سے والدین؛
• گروپ ایڈمنز کے طور پر اساتذہ کے ساتھ طلباء کی کلاسز؛
• کھیلوں کی ٹیموں کے ممبر یا اسکول کی دیگر سرگرمیاں۔

کمیونٹی کے واضح مقصد سے آپ کی ایڈمن ٹیم اور ممبرز کو یہ سمجھنے میں مدد ملے گی کہ کیوں کچھ گروپس کو شامل کیا جاتا ہے اور کچھ کو نہیں۔ مثال کے طور پر، اگر آپ کے مقصد کا حصہ اسکول سے متعلق اپ ڈیٹس شیئر کرنا ہے تو آپ اسکول کے فٹ بال کھلاڑیوں کے والدین کے ایک گروپ کو شامل کرنے کا فیصلہ کر سکتے ہیں، جو آلات اور تربیتی شیڈولز سے متعلق معلومات شیئر کر رہے ہیں۔ دوسری طرف، مشترکہ سماجی مفاد پر منسلک ہونے والے والدین کے گروپ کو شامل نہیں کیا جائے گا۔

کچھ گروپس کے ممبرز - جیسے کلاس گروپس - ہر سال نمایاں طور پر تبدیل ہو سکتے ہیں۔ اس صورت میں، گروپ کو ہٹانا اور اس کی جگہ ایک نیا شامل کرنا آسان ہوگا۔ دوسرے گروپس، جیسے کہ کھیلوں کی ٹیمیں، مطالعہ یا پروجیکٹ پر مبنی گروپس، کو زیادہ باقاعدگی سے شامل کرنے اور ہٹانے کی ضرورت پڑ سکتی ہے۔ والدین کی انجمنیں یا غیر تدریسی عملہ جیسے گروپس کے مستقل رہنے کا زیادہ امکان ہوتا ہے، کچھ ممبرز کو وقتاً فوقتاً شامل اور ہٹایا جاتا ہے۔ اگر ہر سال زیادہ تر گروپس کو ہٹانے کی ضرورت ہے تو کمیونٹی کو غیر فعال کرنا اور ایک نئی شروع کرنا آسان ہو سکتا ہے۔

مثبت ماحول کو برقرار رکھنا آپ کی کمیونٹی کی فلاح و بہبود کے لیے اہم ہے۔ چاہے آپ اساتذہ، والدین یا طلباء سے بات کر رہے ہوں، WhatsApp پر اپنی کمیونٹی کے لیے ضابطہ اخلاق شامل کرنا اچھا عمل ہے۔ ضابطہ اخلاق قوانین، اصولوں اور اقدار کا مجموعہ ہے جو آپ کی کمیونٹی کو اس طرز عمل اور مواد کو سمجھنے میں رہنمائی کرتے ہیں جن کی کمیونٹی میں اجازت ہے یا اجازت نہیں ہے۔

تعلیم کے شعبے میں، کچھ خطرات ہیں جن پر بھرپور توجہ دینے کی ضرورت ہے۔ کمیونٹی اور گروپ ایڈمن دونوں کے لیے مندرجہ ذیل سے متعلق واضح رہنمائی وضع کرنا ضروری ہے:

• کم عمر طلباء - WhatsApp کے لیے رجسٹر کرنے اور استعمال کرنے کے لیے طلباء کی عمر کم از کم 13 سال ہونی چاہیے، اور یورپی خطے میں، ان کی عمر 16 سال یا اس سے زیادہ ہونی چاہیے۔ یہ ضروری ہے کہ آپ WhatsApp پر کوئی ایسی کمیونٹی نہ بنائیں جس میں عمر کی ان حدوں سے کم عمر طلباء شامل ہوں۔ نابالغ طلباء کی موجودگی پر نظر رکھنے کے لیے اپنی ایڈمن ٹیم کے ساتھ کام کرنا اور نابالغ اکاؤنٹس کو فوری طور پر ہٹانا اور WhatsApp کو رپورٹ کرنا بہت ضروری ہے۔
• گروپ انوائٹ لنکس اور نئے ممبرز - انوائٹ لنکس ایسے سیاق و سباق میں انتہائی کارآمد ثابت ہو سکتے ہیں جہاں کلاس اور پیرنٹ گروپس مسلسل تبدیل ہو رہے ہوں۔ تاہم، لنکس صرف ای میل یا پرائیویٹ پیغام کے ذریعے مطلوبہ گروپ کے ممبرز کو براہ راست بھیجے جانے چاہئیں، اس کے ساتھ ایک وارننگ ہو کہ لنک کو غیر متعلقہ رابطوں کو فارورڈ نہیں کیا جانا چاہیے۔ اپنی کمیونٹی اور گروپ ایڈمنز کی مدد سے نگرانی کریں اور کسی بھی ایسے رابطے کو فوری طور پر ہٹا دیں جسے آپ نہیں پہچانتے ہیں۔
• غنڈہ گردی - غنڈہ گردی کی بہت سی مختلف شکلیں ہو سکتی ہیں، افواہیں پھیلانے سے لے کر، نامناسب تصاویر پوسٹ کرنے، کسی کو دھمکانے تک۔ گروپ اور کمیونٹی ایڈمنز کو غنڈہ گردی کی اطلاع دینے کے لیے ممبرز کی حوصلہ افزائی کے لیے باقاعدگی سے اعلانات پوسٹ کرنا اچھا خیال ہے۔ یہ واضح کریں کہ کمیونٹی میں غنڈہ گردی کے نتیجے میں ہٹا دیا جائے گا، اور یہ آپ کے اسکول کی غنڈہ گردی مخالف پالیسیوں کے تحت نتائج کا باعث بھی بن سکتا ہے۔
• بچوں کا استحصال - جہاں 18 سال سے کم عمر کے نابالغ ملوث ہیں، جنسی گفتگو کی کوئی بھی قسم WhatsApp کی پالیسیوں کے خلاف ہے، اور بہت سے ممالک میں غیر قانونی بھی ہے۔ ایسا اس صورت میں بھی ہو سکتا ہے جب نابالغ بچے ہی جنسی تصاویر شیئر کر رہے ہوں، اور تصاویر بھی ان کی خود کی ہوں۔ ایسے مواد کو فوری طور پر حذف کر دینا چاہیے۔ اگر آپ یا آپ کی ایڈمن ٹیم کو کوئی ایسا مواد وصول ہوتا ہے یا سامنے آتا ہے جس سے یہ ظاہر ہوتا ہے کہ کسی بچے کے ساتھ زیادتی یا اس کا استحصال کیا جا رہا ہے تو اپنی مقامی پولیس اور نیشنل سینٹر فار مسنگ اینڈ ایکسپلوئٹڈ چلڈرن (NCMEC)، یا لاپتہ اور استحصال شدہ بچوں کے لیے بین الاقوامی مرکز (ICMEC) سے رابطہ کریں، اور صارف کے بارے میں اطلاع دیں اور اسے فوری طور پر بلاک کر دیں۔

گروپ کے شرکاء کو شامل کرنے اور ہٹانے کا طریقہ

تعلیم پر مبنی کمیونٹیز میں کمیونٹی اور گروپ ایڈمنز کی تقرری، ایڈمن ٹیم کے درمیان بات چیت اور ہم آہنگی اور گروپ ایڈمنز کو ان کے گروپس کے نظم و نسق کیلئے جوابدہ ٹھہرانے کیلئے ایک واضح فریم ورک ہونا چاہیے۔

کمیونٹی ایڈمن کا انتخاب کرتے وقت، ایسے لوگوں کا انتخاب کرنا بہتر ہے جو آپ کی کمیونٹی کے لیے کچھ باضابطہ جوابدہ ہوں - مثال کے طور پر، ایک ملازم استاد یا عملے کا رکن۔ بیک وقت، ان مہارتوں اور معلومات تک رسائی پر غور کریں جو ایک ایڈمن کو یہ یقینی بنانے کے لیے درکار ہوں گی کہ کمیونٹی میں مواصلت ممبرز کیلئے مؤثر اور قیمتی ہو۔

عملے اور پیرنٹ گروپس کے نظم و نسق کے لیے، ایک گروپ ایڈمن مقرر کرنے پر غور کریں جو:

• ضابطہ اخلاق کے لیے پرعزم ہو؛
• دوستانہ، ملنسار، اور لچک رکھنے والا ہو؛
• گروپ کے نظم و نسق کیلئے وقت صرف کرنے کیلئے تیار ہو؛
• باقاعدگی سے بات چیت کرنے اور دوسرے ایڈمنز سے ملنے کے لیے تیار ہو۔

اساتذہ کو 18 سال سے کم عمر کے طلباء پر مشتمل کلاس گروپس کے لیے گروپ ایڈمن کے طور پر مقرر کیا جانا چاہیے۔ اگر چھوٹے مطالعہ یا پروجیکٹ گروپس کی ضرورت ہو تو ایک استاد یہ کر سکتا ہے:

• یقینی بنائیں کہ وہ ہر گروپ کے ایڈمن ہیں؛
• ایک طالب علم کو اپنے شریک گروپ کے ایڈمن کے طور پر مقرر کریں؛
• کسی بھی قسم کے خدشات پر بات کرنے اور انہیں ضابطہ اخلاق کی یاد دلانے کے لیے وقتاً فوقتاً طالب علم گروپ کے شریک ایڈمنز سے رابطہ کریں؛
• طلباء کی حوصلہ افزائی کریں کہ کسی خدشات کی صورت میں وہ استاد کا @تذکرہ کریں یا پرائیویٹ طور پر انہیں پیغام بھیجیں۔

اپنی کمیونٹی کو مشغول رکھنے کے لیے، یہ یقینی بنانا ضروری ہے کہ اعلان گروپ میں فراہم کردہ معلومات قیمتی اور ہر ایک کے لیے متعلقہ ہو۔ اس میں مندرجہ ذیل کے بارے میں اعلانات شامل ہو سکتے ہیں:

• اسمبلیاں یا ایونٹس؛
• سکول بند ہونے کے اوقات اور تعطیلات؛
• عملے کی تقرریاں یا ٹرانزیشنز؛
• نصاب کی تبدیلیاں؛
• فیڈبیک سرویز۔

کمیونٹی کے اندر مختلف گروپس کے مقصد پر غور کرنا اچھا عمل ہے۔ ان کے مقاصد پر منحصر، آپ گروپ ایڈمنز کے ساتھ کام کر سکتے ہیں تاکہ ان کی مواصلات کا فارمیٹ، فریکوئنسی اور مواد طے کر سکیں۔ یہ مندرجہ ذیل کاموں میں مفید ثابت ہو سکتا ہے:

• والدین اور طلباء کو ایونٹس، آزمائشوں اور مواقع سے متعلق سال کی سطح کے اعلانات بھیجیں؛
• رضاکاروں کا پوچھنے، انہیں اساتذہ سے ملنے کے لیے مدعو کرنے، یا ان کے اکثر پوچھے جانے والے سوالات کا جواب دینے کے لیے کلاس پیرنٹ گروپس کو پیغام بھیجیں؛
• تعلیمی ویڈیوز، ہوم ورک کی دستاویزات، یا امتحانی ٹائم ٹیبل کے بارے میں یاددہانیاں کلاس گروپس کو بھیجیں۔

کمیونٹی اور گروپ ایڈمنز کے لیے یہ ایک اچھا خیال ہے کہ وہ ممبرز سے اس معلومات کے بارے میں رائے طلب کریں جو انہیں قیمتی معلوم ہوتی ہے اور وہ مزید کیا دیکھنا چاہیں گے۔ کمیونٹی اور گروپ ایڈمنز بھی صرف ایڈمن گروپ میں رابطہ کر سکتے ہیں تاکہ وہ شیئر کر سکیں کہ ان کے نزدیک کیا اچھا کام کر رہا ہے اور کیا نہیں، بات چیت کو زیادہ متعلقہ رکھنے کے لیے کن گروپس کو شامل یا ہٹایا جا سکتا ہے، اور آیا کچھ اعلانات کو گروپ میں بہتر طریقے سے ہینڈل کیا جاتا ہے یا کمیونٹی کی سطح پر۔