આરોગ્ય ગ્રૂપ

તમારી કોમ્યુનિટી સેટ અપ કરતા પહેલાં તમારા ઉદ્દેશને ધ્યાનમાં લો - તમારો ઉદ્દેશ સમુદાયના આરોગ્ય કાર્યક્રમોનું સંકલન અને નિરીક્ષણ કરવાનો છે, સમુદાયના આરોગ્ય કર્મચારીઓને તાલીમ અને માર્ગદર્શન આપવાનો છે, આરોગ્ય સમસ્યા અંગે જાગૃતિ પ્રસરાવવાનો છે કે પછી કોઈ અન્ય ઉદ્દેશ છે? તમારો ઉદ્દેશ કોમ્યુનિટીમાં કયા સભ્યોનો સમાવેશ કરવો અને તેઓ કયા ગ્રૂપમાં રહેશે તે નક્કી કરવામાં તમને મદદ કરશે. તમે નીચે મુજબ લોકોનું ગ્રૂપ બનાવી કે ઉમેરી શકો:

• સમુદાયના આરોગ્ય કર્મચારીઓનું ભૌગોલિક વિસ્તાર અનુસાર ગ્રૂપ;
• સમુદાયના આરોગ્ય કર્મચારીઓનું કૌશલ્ય અનુસાર ગ્રૂપ;
• સમુદાયના આરોગ્ય કર્મચારીઓનું આરોગ્યની પરિસ્થિતિ અથવા કાર્યક્રમો અનુસાર ગ્રૂપ;
• પાયાની તાલીમ પર હોય તેવા સમુદાયના નવા આરોગ્ય કર્મચારીઓનું ગ્રૂપ;
• તાલીમ ચાલુ હોય તેવા સમુદાયના આરોગ્ય કર્મચારીઓનું ગ્રૂપ;
• મેનેજર અને પ્રોગ્રામ કોઓર્ડિનેટર;
• હોસ્પિટલ મેનેજમેન્ટ ટીમ;
• હેલ્થકેર ટીમ - ડોક્ટર, કન્સલ્ટિંગ નર્સ, મેડિકલ સોશિયલ વર્કર;
• મેડિકલ સપ્લાય અને ફાર્માસ્યુટિકલ ટીમ;
• કોમ્યુનિટી લીડર.

કોમ્યુનિટીનો હેતુ સ્પષ્ટ હોવાથી તમારી એડમિન ટીમ અને સભ્યો સમજી શકે છે કે શા માટે કેટલાંક ગ્રૂપને ઉમેરવામાં આવ્યાં છે અને અન્ય ગ્રૂપને ઉમેરવામાં આવ્યાં નથી. ઉદાહરણ તરીકે, જો કોમ્યુનિટીનો ઉદ્દેશ પરિવારોને આરોગ્ય શિક્ષણ અને પ્રાથમિક સંભાળ સેવાઓ આપવાનો હોય, તો તમે માતૃત્વ અને નવજાત શિશુના સ્વાસ્થ્ય અથવા માનસિક સ્વાસ્થ્ય પરામર્શમાં નિષ્ણાત હોય એવા સમુદાયના આરોગ્ય કર્મચારીઓના ગ્રૂપ બનાવવાનું કે ઉમેરવાનું નક્કી કરી શકો છો. તમે સફળતાની કોઈ સ્ટોરી શેર કરવા અથવા કોમ્યુનિટીમાં આવતા પડકારોને પાર પાડવાની ચર્ચા કરવા માટે પણ કોઈ ગ્રૂપનો સમાવેશ કરી શકો છો. જોકે, આ કિસ્સામાં, તમારી કોમ્યુનિટીમાં સોશિયલ ગ્રૂપ જોડવાનું યોગ્ય ન કહેવાય તેમ બની શકે.

કોમ્યુનિટી એડમિન એવી સુરક્ષિત અને આવકારદાયક જગ્યા બનાવવા માટે નિર્ણાયક ભૂમિકા ભજવે છે જ્યાં સભ્યો એકબીજા સાથે વાત કરી શકે, તેમના પડકારો શેર કરી શકે અને તેમની સિદ્ધિઓની ઉજવણી કરી શકે. WhatsApp પર તમારી કોમ્યુનિટી માટે આદર્શ આચારસંહિતા વિકસાવી અને તેને લાગુ કરીને, તમે સામર્થ્ય પ્રદાન કરતા, આદરપૂર્ણ માહોલને મોકળાશ આપી શકો છો. આચારસંહિતા એવા નિયમો, સિદ્ધાંતો અને મૂલ્યોનો સંગ્રહ છે જે, તમારી કોમ્યુનિટીમાં આવકાર્ય અથવા તો અસ્વીકાર્ય વર્તણૂંકો તેમજ કન્ટેન્ટ બાબતે સમજવામાં તમારા કોમ્યુનિટીનું માર્ગદર્શન કરે છે.

મોટા ગ્રૂપને ઓનલાઇન મેનેજ કરતી વખતે ઘણા જોખમો વિશે માહિતગાર રહેવું જોઈએ. તમારી કોમ્યુનિટીને સુરક્ષિત રાખવા માટે, તમારા ગ્રૂપ અને કોમ્યુનિટી એડમિન ટીમને આ બાબતોએ સ્પષ્ટ માર્ગદર્શન આપવું:

• ગ્રૂપ આમંત્રણની લિંક અને નવા સભ્યો - જ્યારે પ્રોગ્રામ ગ્રૂપ સતત બદલાતા રહેતા હોય, ત્યારે આમંત્રણની લિંક અત્યંત ઉપયોગી થઈ શકે છે. જોકે, આ લિંક માત્ર યોગ્ય સભ્યોને ઇમેઇલ અથવા નિજી મેસેજ દ્વારા સીધી જ મોકલવી જોઈએ, સાથે સાથે એ ચેતવણી પણ આપવી જોઈએ કે આ લિંક અન્ય કોઈ સંપર્કને ફોરવર્ડ કરવી નહીં. તમે જેમને ઓળખતા ન હો તેવા કોઈ પણ સંપર્કો પર નજર રાખવા અને તેમને ઝડપથી દૂર કરવા માટે તમારી કોમ્યુનિટી તથા ગ્રૂપ એડમિન સાથે મળીને કામ કરો.
• ખાનગી અને સંવેદનશીલ માહિતી શેર કરવી. ખરેખર તો તમારી આચારસંહિતા અથવા કોમ્યુનિટીના નિયમો જ એ રીતના હોય કે સભ્યોને રહેઠાણનું સરનામું અથવા ઇમેઇલ તેમજ કોઈ કેસ-સંબંધિત માહિતી જેવી, તેમની પોતાની કે અન્ય કોઈની વ્યક્તિગત માહિતી શેર કરતા રોકી શકે તો તે આદર્શ કહેવાય. તમે ગ્રૂપના સભ્યોને આચારસંહિતા અંતર્ગત યાદ અપાવવા માંગશો કે અમુક માહિતી મોટા ગ્રૂપમાં શેર કરવા યોગ્ય નથી. જો સપોર્ટ ગ્રૂપના ભાગરૂપે સંવેદનશીલ વ્યક્તિગત માહિતી અથવા અનુભવ શેર કરવામાં આવી રહ્યો હોય, તો સભ્યોને ગાયબ થતા મેસેજનો ઉપયોગ કરવાની સલાહ આપો.
• ખોટી માહિતી. પ્રથમ હરોળમાં હોવાને કારણે સમુદાયના આરોગ્ય કર્મચારીઓે તેમની કોમ્યુનિટી અને લાભાર્થીઓ અંતર્ગત ખોટી માહિતીનો પ્રસાર થતો જુએ છે. તમારા કોમ્યુનિટી અને ગ્રૂપ એડમિન તેમના સભ્યોને તથ્યો કેવી રીતે તપાસવા તે સમજવામાં મદદ કરવા બાબતે અને મેસેજ ડિલીટ કરીને ખોટી માહિતી તથા છેતરપિંડીઓને ફેલાતી તરત જ અટકાવવા બાબતે પ્રશિક્ષિત હોય તેની ખાતરી કરો. ગ્રૂપ એડમિન સભ્યોને મેસેજ મોકલતા અટકાવવા માટે હંગામી ધોરણે "મેસેજ મોકલો" ગ્રૂપ સેટિંગ બદલીને "ફક્ત એડમિન" કરી નાખવા અંગે વિચારી શકે.
• સંઘર્ષને મેનેજ કરવો. વ્યક્તિત્વ, માન્યતાઓ, અભિપ્રાયો અને અપેક્ષાઓમાં મતભેદ સંઘર્ષ તરફ દોરી જઈ શકે છે, ખાસ કરીને જ્યારે સમુદાયના આરોગ્ય કર્મચારીઓ, હેલ્થકેર ટીમ અને હોસ્પિટલના સંચાલકો વિવિધ સંસ્કૃતિઓ ધરાવતા વિવિધ સમુદાયોમાંથી આવતા હોય. તમારી કોમ્યુનિટીના નિયમો અને પ્રથાઓમાં વૈવિધ્યને પ્રોત્સાહન આપવું તેમજ સંઘર્ષ મેનેજમેન્ટ અંગે માર્ગદર્શન અને તાલીમ દ્વારા ગ્રુપ એડમિનને સપૉર્ટ આપવો અગત્યનું છે.

આરોગ્ય-આધારિત કોમ્યુનિટીમાં, કોમ્યુનિટી અને ગ્રૂપ એડમિનની નિમણૂંક કરવા, એડમિન ટીમ સાથે વાતચીત કરવા અને સંકલન સાધવા તથા ગ્રૂપને મેનેજ કરવાની જવાબદારી ગ્રૂપ એડમિનને સોંપવા માટે એક સ્પષ્ટ માળખું હોવું જોઈએ.

તમારા કોમ્યુનિટી એડમિન તમારા સભ્યોના વિવિધ પ્રકારમાંથી, જેમ કે લીડર, મેનેજર અથવા ચોક્કસ ભૂમિકાઓ ધરાવતી વ્યક્તિઓમાંથી પસંદ કરો તે શ્રેષ્ઠ રહે - ઉદાહરણ તરીકે, અલગ-અલગ કૌશલ્ય ધરાવતા કોમ્યુનિટી હેલ્થ મેનેજર, હોસ્પિટલ એડમિનિસ્ટ્રેશન એક્ઝિક્યુટિવ અથવા નર્સિંગ સ્ટાફ સુપરવાઇઝર. એ જ સમયે, સમગ્ર કોમ્યુનિટી અંતર્ગત સભ્યો માટે સંચાર કાર્યક્ષમ અને મૂલ્યવાન હોય તેની ખાતરી કરવા એડમિન માટે જે કૌશલ્ય અને માહિતીની ઍક્સેસની જરૂર પડશે તેને ધ્યાનમાં લો. એડમિન ટીમના દરેક સભ્ય પાસે કામનું અલગ-અલગ ભારણ અને ક્ષમતા હશે, આથી આ ભારણને વહેંચવા, તાણપૂર્ણ પરિસ્થિતિઓને ટાળવા અને તમારી કોમ્યુનિટી લાંબા સમય સુધી ટકી શકે તેની ખાતરી કરવા માટે પૂરતા ગ્રૂપ એડમિનની નિમણૂંક કરવી મહત્ત્વપૂર્ણ છે. દરેક ગ્રૂપ માટે ઓછામાં ઓછા બે કોમ્યુનિટી એડમિન અને બે ગ્રૂપ એડમિન નીમવાનું વિચારો તેમજ તમારી એડમિન ટીમ અંતર્ગત વાતચીત કરવા, સંકલન સાધવા તથા ટીમને તેની ભૂમિકાઓ ભજવવામાં સપોર્ટ કરવા માટે માત્ર એડમિનનું એક ગ્રૂપ સેટ કરવાનું વિચારો.

કોમ્યુનિટી અને ગ્રૂપ એડમિનની નિમણૂંક કરતી વખતે, એવા લોકોને પસંદ કરો કે જેઓ:

• કોમ્યુનિટીના મિશન અને આચારસંહિતા પ્રત્યે સમર્પિત હોય;
• જે મૈત્રીપૂર્ણ અને મિલનસાર હોય તેમજ પ્રતિકૂળ પરિસ્થિતિઓમાં અડગ રહેવાની ક્ષમતા ધરાવતા હોય;
• ગ્રૂપને સંચાલિત કરવાં અને તેનું સંકલન સાધવાં માટે સમય અને ક્ષમતા ધરાવતા હોય;
• તેમના ગ્રૂપના સભ્યોને સહાયરૂપ બનવા માટે યોગ્ય અનુભવ અને કુશળતા ધરાવતા હોય;
• જેમની પાસે તેમણે શીખેલી નવી બાબતો, જાણીતી રીતો, ફોટા, સ્ટોરી અથવા ડેટા પૉઇન્ટ શેર કરવા માટે તમારી અને અન્ય એડમિન સાથે નિયમિત રીતે વાતચીત કરવાનો અને મળવાનો સમય હોય.

તમારી કોમ્યુનિટીને પરોવાયેલી રાખવા માટે, એ સુનિશ્ચિત કરવું જરૂરી છે કે ઘોષણા ગ્રૂપમાં આપવામાં આવેલી માહિતી મહત્ત્વપૂર્ણ અને તમામ સભ્યો માટે ઉપયોગી છે. આમાં નીચેની બાબતો વિશેની ઘોષણાઓનો સમાવેશ થઈ શકે છે:

• હાલની અથવા ભવિષ્યમાં યોજાનારી સમુદાયમાં આરોગ્ય શિક્ષણ, સ્ક્રિનિંગ અને રસીકરણની ઇવેન્ટ;
• સમુદાયની આરોગ્યલક્ષી માહિતી અને સ્થાનિક આરોગ્ય સંસ્થાઓ તરફથી એલર્ટ;
• નવા સમુદાય આરોગ્ય કાર્યક્રમો માટે જરૂરિયાતો અને તાલીમ;
• સમુદાયના આરોગ્ય કર્મચારીઓની સુખાકારી અને સહાયરૂપ સંસાધનો;
• સમુદાયના આરોગ્ય કર્મચારીઓની કદર અને પ્રશંસા.

કોમ્યુનિટીની અંદર રહેલાં વિવિધ ગ્રૂપના હેતુને ધ્યાનમાં રાખવો એ એક સારો અભ્યાસ છે. તેમના હેતુઓના આધારે, તમે તેમની વાતચીતનું માળખું, કેટલી વાર વાતચીત કરવી અને વાતચીતના કન્ટેન્ટ બાબતે માર્ગદર્શિત કરવા માટે ગ્રૂપ એડમિન સાથે કામ કરી શકો છો. તે આના માટે ઉપયોગી થઈ શકે છે:

• સમુદાયના આરોગ્ય કર્મચારીઓના ગ્રૂપને ગ્રૂપ મિટિંગ અથવા માર્ગદર્શન બેઠકો માટે સમયપત્રક મોકલવા;
• રેકોર્ડ રાખવા અને રિપોર્ટ સબમિટ કરવાના ફોર્મ અને રિમાઇન્ડર મોકલવા;
• સમુદાયના આરોગ્ય કર્મચારીઓ, લાભાર્થીઓ અને દર્દીઓને મદદરૂપ બની રહે એ માટે શ્રેષ્ઠ રીતો અને અનુભવો શેર કરવા;
• સમુદાયના આરોગ્ય કર્મચારીઓના ગ્રૂપને તેમનો પ્રતિસાદ મેળવવા અથવા તેમના દ્વારા વારંવાર પૂછતા પ્રશ્નોના જવાબ આપવા માટે મેસેજ મોકલવા;
• હોસ્પિટલ મેનેજમેન્ટ ટીમ સાથે સફળતાની કોઈ સ્ટોરી શેર કરવા અથવા તાકીદની કોઈ વિનંતી મોકલવા;
• હેલ્થ કેર ટીમને સમુદાયના સ્વાસ્થ્ય અથવા દર્દીની સારવાર સંબંધિત રિપોર્ટ, પ્રશ્નો અને વિનંતીઓ મોકલવા.

કોમ્યુનિટી હેલ્થ વર્કને સપૉર્ટ અને પ્રેરણા મળી રહે એ સુનિશ્ચિત કરવા માટે વ્યક્તિગત સંબંધ અને માન્યતા અગત્યની ચાવી છે. તમારા સભ્યોની, તેમના યોગદાન બદલ @mention થકી ઉલ્લેખ કરીને તેમજ સ્ટોરી અને ફોટા શેર કરીને સિદ્ધિઓ અને ખાસ પળોની ઉજવણી કરીને પ્રશંસા કરો. સભ્યોને ઉપયોગી લાગે તેવી માહિતી પર અને તેઓ શું વધુ જોવા માંગે છે તેના પર પ્રતિસાદ લેવો એ એક આદર્શ વિચાર છે. કોમ્યુનિટી અને ગ્રૂપ એડમિન માત્ર એડમિન માટેના ગ્રૂપમાં પણ જોડાઈ શકે છે. આ ગ્રૂપમાં તેઓ અસરકારક અને બિનઅસરકારક બાબતો વિશે, વાતચીતને વધુ સંબદ્ધ રાખવા માટે ઉમેરવા કે દૂર કરવા જરૂરી ગ્રૂપ વિશે તેમજ કોઈ ઘોષણા ગ્રૂપ સ્તરે કરવી કે એડમિન સ્તરે કરવી યોગ્ય રહેશે તે વિશે પોતાના વિચારો શેર કરી શકે.