आरोग्य ग्रुप्स

तुमची कम्युनिटी स्थापन करण्यापूर्वी, तुमचे उद्दिष्ट विचारात घ्या - ते उद्दीष्ट कम्युनिटी हेल्थ कार्यक्रमांचा समन्वय आणि पर्यवेक्षण करणे, कम्युनिटी हेल्थ वर्कर्सना प्रशिक्षण देणे आणि मार्गदर्शन करणे, आरोग्य समस्यांबद्दल जागरूकता वाढवणे किंवा इतर काही आहे का? तुमचे उद्दिष्ट कम्युनिटीत कोणते सदस्य समाविष्ट करायचे आणि ते कोणत्या ग्रुप्समध्ये असावेत हे ठरवण्यात तुम्हाला मदत करेल. तुम्ही यासाठी ग्रुप्स तयार करू शकता किंवा जोडू शकता :

• भौगोलिक क्षेत्रानुसार कम्युनिटी हेल्थ वर्कर्स;
• कौशल्य संचानुसार कम्युनिटी हेल्थ वर्कर्स;
• आरोग्याशी निगडित परिस्थिती किंवा कार्यक्रमांनुसार कम्युनिटी हेल्थ वर्कर्स;
• प्राथमिक प्रशिक्षणानुसार नवीन कम्युनिटी हेल्थ वर्कर्स;
• कम्युनिटी हेल्थ वर्कर्ससाठी चालू असलेले प्रशिक्षण;
• मॅनेजर्स किंवा कार्यक्रम समन्वयक;
• रुग्णालय व्यवस्थापन टीम;
• हेल्थ केअर टीम्स - डॉक्टर्स, सल्लागार परिचारिका, वैद्यकीय सामाजिक कार्यकर्ते;
• वैद्यकीय साहित्य आणि फार्मास्युटिकल टीम;
• कम्युनिटी लीडर्स.

कम्युनिटीचे स्पष्ट उद्दिष्ट तुमच्या ॲडमिन टीम्सना आणि सदस्यांना, काही ग्रुप्स का जोडले जातात तर काही ग्रुप्स का जोडले जात नाहीत हे समजून घेण्यास मदत करेल. उदाहरणार्थ, जर कम्युनिटीचे उद्दिष्ट कुटुंबांसाठी आरोग्य शिक्षण आणि प्राथमिक उपचार सेवा देणे असेल, तर तुम्ही माता आणि नवजात बालकांचे आरोग्य किंवा मानसिक आरोग्य समुपदेशनात तज्ञ असलेल्या कम्युनिटी हेल्थ वर्कर्सचे ग्रुप्स तयार करण्याचा किंवा जोडण्याचा निर्णय घेऊ शकता. यशोगाथा शेअर करण्यासाठी किंवा कम्युनिटीमध्ये आलेल्या आव्हानांचे कसे निवारण करावे यावर चर्चा करण्यासाठी देखील तुम्ही ग्रुपचा समावेश करू शकता. परंतु या परिस्थितीत सामाजिक ग्रुप्सना आपल्या कम्युनिटीशी जोडणे योग्य होणार नाही.

सदस्य जिथे परस्परसंवाद साधू इच्छितात, त्यांच्यापुढे असणारी आव्हाने शेअर करू इच्छितात आणि त्यांचे यश साजरे करू इच्छितात अशी सुरक्षित आणि सर्वांना आपलीशी वाटणारी जागा बनविण्यात कम्युनिटी ॲडमिन्स महत्त्वपूर्ण भूमिका बजावतात. WhatsApp वरील तुमच्या कम्युनिटीसाठी चांगली आचारसंहिता विकसित करून आणि त्याची अंमलबजावणी करून, तुम्ही एक सशक्त आणि आदरभाव युक्त संस्कृती जोपासू शकता. आचारसंहिता हे नियम, तत्त्वे आणि मूल्ये यांचा संग्रह आहे जो तुमच्या कम्युनिटीला, कम्युनिटीमध्ये उत्तेजन दिले जाणारे किंवा अनुमती नसलेले वर्तन आणि आशय समजून घेण्यासाठी मार्गदर्शन करतो.

मोठ्या ऑनलाइन ग्रुप्सचे व्यवस्थापन करताना अनेक धोके आहेत याची जाणीव असू द्या. तुमच्या ग्रुप आणि कम्युनिटी ॲडमिन टीमसाठी स्पष्ट मार्गदर्शन देऊन तुमची कम्युनिटी सुरक्षित ठेवा:

• ग्रुप आमंत्रण लिंक्स आणि नवीन सदस्य - जेव्हा प्रोग्रॅम ग्रुप्स सतत बदलत असतात तेव्हा आमंत्रण लिंक्स अत्यंत उपयुक्त ठरू शकतात. परंतु, लिंक्स केवळ इच्छुक ग्रुप सदस्यांना खाजगी मेसेजद्वारे थेट पाठवल्या जाव्यात. त्यासोबतच ही लिंक संबंधित नसलेल्या संपर्कांना फॉरवर्ड करू नये असा इशाराही त्यात दिला जावा. तुम्‍ही ओळखत नसलेल्‍या संपर्कावर लक्ष ठेवण्यासाठी आणि त्यांना त्‍वरित काढून टाकण्‍यासाठी तुमच्‍या कम्युनिटी आणि ग्रुप अ‍ॅडमिन्स सोबत काम करा.
• खाजगी आणि संवेदनशील माहिती शेअर करणे. आदर्शदृष्ट्या तुमची आचारसंहिता किंवा कम्युनिटीचे नियम सदस्यांना त्यांची स्वतःची किंवा इतर कोणाचीही वैयक्तिक माहिती, उदाहरणार्थ, पत्ता किंवा ईमेल आणि रुग्ण-संबंधित माहिती शेअर करण्यापासून परावृत्त करतात. तुम्ही आचारसंहितेमध्ये, काही माहिती मोठ्या ग्रुपशी शेअर करणे योग्य नाही, याची आठवण ग्रुप सदस्यांना करून देऊ शकाल. संवेदनशील वैयक्तिक माहिती किंवा अनुभव सपोर्ट ग्रुपचा भाग म्हणून शेअर केला जात असल्यास, सदस्यांना एक्स्पायर होणारे मेसेजेस वापरण्याचा सल्ला द्या.
• चुकीची माहिती. फ्रंटलाईन वर्कर्स म्हणून कम्युनिटी हेल्थ वर्कर्सना त्यांच्या कम्युनिटीमध्ये आणि लाभार्थ्यांमध्ये अनेकदा चुकीच्या माहितीचा सामना करावा लागतो. तुमच्या कम्युनिटी आणि ग्रुप ॲडमिन्सना त्यांच्या सदस्यांना तथ्य कसे तपासायचे हे जाणून घेण्यासाठी प्रशिक्षित केले गेले आहे याची खात्री करा आणि मेसेजेस हटवून चुकीची माहिती पसरवणे आणि फसवणूक थांबवण्यासाठी त्वरीत पाऊले उचला. सदस्यांना मेसेज पाठवण्यापासून अक्षम करण्यासाठी, ग्रुप ॲडमिन्स, "मेसेजेस पाठविणे" हे ग्रुप सेटिंग तात्पुरते बदलून "फक्त ॲडमिन्स" असे करू शकतात.
• संघर्षाचे व्यवस्थापन. विशेष करून जेव्हा कम्युनिटी हेल्थ वर्कर्स, हेल्थ केअर टीम आणि हॉस्पिटल ॲडमिनिस्ट्रेटर्स भिन्न कम्युनिटी किंवा संस्कृतीतून आलेले असतात तेव्हा व्यक्तिमत्त्व, धारणा, मते आणि अपेक्षांमधील फरकांमुळे संघर्षाला तोंड फुटू शकते. तुमच्या कम्युनिटीच्या नियमांमध्ये आणि प्रघातांमध्ये विविधतेला प्रोत्साहन देणे आणि ग्रुप ॲडमिन्सना संघर्ष व्यवस्थापनावर मार्गदर्शन आणि प्रशिक्षण देऊन साहाय्य करणे महत्त्वाचे आहे.

कम्युनिटी हेल्थवर आधारित कम्युनिटींमध्ये, कम्युनिटी ॲडमिन आणि ग्रुप ॲडमिनची नियुक्ती करण्यासाठी, पूर्ण ॲडमिन टीममध्ये संवाद आणि समन्वय साधण्यासाठी तसेच ग्रुप ॲडमिन्सना त्यांच्या ग्रुप्सच्या व्यवस्थापनासाठी जबाबदार धरता यावे म्हणून स्पष्ट फ्रेमवर्क असणे आवश्यक आहे.

तुमच्या विविध सदस्य विभागांतील नेते, व्यवस्थापक किंवा विशिष्ट भूमिका असलेल्या व्यक्तींमधून तुमचे कम्युनिटी ॲडमिन्स निवडणे सर्वोत्तम आहे - उदाहरणार्थ, विविध कौशल्ये असलेले कम्युनिटी हेल्थ मॅनेजर्स, रुग्णालय प्रशासन अधिकारी किंवा नर्सिंग स्टाफ पर्यवेक्षक. त्याच वेळी, संपूर्ण कम्युनिटीतील कम्युनिकेशन सदस्यांसाठी कार्यक्षम आणि उपयुक्त आहे याची खात्री करण्यासाठी ॲडमिनकडे आवश्यक असलेली कौशल्ये आणि माहितीचा ॲक्सेस हे मुद्दे महत्त्वाचे आहेत हे लक्षात असू द्या. प्रत्येक ॲडमिन टीम सदस्याकडे विभिन्न कार्यभार आणि क्षमता असल्याने, कार्यभार वाटून घेण्यासाठी, आत्यंतिक थकवा टाळण्यासाठी आणि तुमची कम्युनिटी टिकून राहील याची खात्री करण्यासाठी पुरेसे ग्रुप ॲडमिन नियुक्त करावे. प्रत्येक ग्रुपसाठी किमान दोन कम्युनिटी ॲडमिन्स आणि दोन ग्रुप ॲडमिन्स नियुक्त करण्याचा विचार करा आणि ॲडमिन म्हणून त्यांची भूमिका पार पडताना तुमच्या ॲडमिन टीमबरोबर संवाद व समन्वय साधण्यासाठी आणि साहाय्य करण्यासाठी केवळ ॲडमिन ग्रुप स्थापन करा.

कम्युनिटी आणि ग्रुप ॲडमिन्सची नियुक्ती करताना, खालील गुण असलेल्या व्यक्ती निवडा :

• कम्युनिटीच्या मूलभूत कार्याशी आणि आचारसंहितेशी वचनबद्ध;
• मैत्रीपूर्ण, मनमिळाऊ आणि लवचिक आहेत;
• ग्रुपमध्ये समन्वय साधण्यासाठी तसेच ग्रुपचे व्यवस्थापन करण्यासाठी ज्यांच्याकडे वेळ आणि क्षमता आहे;
• त्यांच्या ग्रुपमधील सदस्यांना साहाय्य करण्यासाठी योग्य अनुभव आणि कौशल्य असणे;
• ज्यांच्याकडे मिळवलेले ज्ञान, सर्वोत्तम पद्धती, फोटो, कथा किंवा डेटा पॉइंट शेअर करण्यासाठी तुमच्याबरोबर तसेच इतर ॲडमिन्सबरोबर नियमितपणे संवाद साधण्यास आणि भेटण्यास वेळ आहे.

तुमच्या कम्युनिटीला गुंतवून ठेवण्यासाठी, घोषणा ग्रुपमध्ये प्रदान केलेली माहिती उपयुक्त आणि प्रत्येकासाठी सुसंगत असल्याची खात्री करणे महत्त्वाचे आहे. यामध्ये पुढील घोषणांचा समावेश असू शकतो:

• अलीकडील किंवा आगामी कम्युनिटी हेल्थ संबंधी शिक्षण, तपासणी आणि लशीकरण कार्यक्रम;
• कम्युनिटी हेल्थ संबंधी माहिती आणि स्थानिक आरोग्य संस्थांकडून इशारे;
• नवीन कम्युनिटी हेल्थ कार्यक्रमांची आवश्यकता आणि त्यासाठी प्रशिक्षण;
• कम्युनिटी हेल्थ वर्कर्सचे कल्याण आणि त्यासाठीची साहाय्य संसाधने;
• वैयक्तिक कम्युनिटी हेल्थ वर्कर्सची ओळख आणि प्रशंसा.

कम्युनिटीतील विविध ग्रुप्सच्या उद्दिष्टांचा विचार करणे ही एक चांगली पद्धत आहे. त्यांच्या उद्दिष्टांवर अवलंबून, तुम्ही संप्रेषणांचे स्वरूप, वारंवारता आणि आशय यांबाबत मार्गदर्शन करण्यासाठी ग्रुप ॲडमिनसोबत कार्य करू शकता. हे यासाठी उपयुक्त असू शकते :

• कम्युनिटी हेल्थ वर्कर्सच्या ग्रुप मीटिंग्ज किंवा मार्गदर्शन सत्रांसाठी वेळापत्रक पाठवणे;
• रेकॉर्ड ठेवण्यासाठी आणि अहवाल सादर करण्यासाठी फॉर्म आणि स्मरणपत्रे पाठवणे;
• कम्युनिटी हेल्थ वर्कर्स, लाभार्थी आणि रुग्णांना मदत करतील अशा सर्वोत्तम पद्धती किंवा अनुभव शेअर करणे;
• कम्युनिटी हेल्थ वर्कर्स ग्रुप्सना त्यांचा अभिप्राय विचारण्यासाठी किंवा त्यांच्या वारंवार विचारल्या जाणार्‍या प्रश्नांना उत्तरे देण्यासाठी मेसेज पाठविणे;
• हॉस्पिटल मॅनेजमेंट टीमसोबत यशोगाथा किंवा तातडीच्या विनंत्या शेअर करणे;
• कम्युनिटीतील आरोग्य परिस्थिती आणि रुग्णांवरील उपचार यासंबंधी अहवाल, प्रश्न आणि विनंत्या हेल्थ केअर टीम्सना पाठविणे.

कम्युनिटी हेल्थ वर्कर्सना आधार आणि प्रेरणा देण्यासाठी वैयक्तिक बंध आणि मान्यता महत्त्वाच्या गोष्टी आहेत. तुमच्या सदस्यांचे त्यांच्या योगदानाबद्दल @ नमूद करून, कथा आणि फोटो शेअर करून तसेच त्यांचे यश आणि ठळक वैशिष्ट्ये साजरी करून त्यांचे कौतुक करा. सदस्यांना कोणती माहिती उपयुक्त वाटते आणि त्यांना आणखी काय पाहायला आवडेल याबद्दल अभिप्राय विचारा. कम्युनिटी आणि ग्रुप ॲडमिन्स केवळ ॲडमिन ग्रुपशी देखील कनेक्ट करू शकतात आणि काय शेअर केल्यामुळे चांगले काम होते आणि कशामुळे होत नाही, संभाषणे अधिक समर्पक ठेवण्यासाठी कोणते ग्रुप्स जोडले किंवा काढले जाऊ शकतात आणि विशिष्ट घोषणा ग्रुपमध्ये किंवा कम्युनिटीमध्ये चांगल्या प्रकारे हाताळल्या जातात याबद्दलचे त्यांचे विचार शेअर करू शकतात.